Asan Aç

Sosial məişət xidmətlərinin göstərilməsi

Evdə (səyyar) sosial xidmət nədir?

Evdə (səyyar) sosial xidmət - əmək qabiliyyətli qohumları və ya qanuni nümayəndələri ilə eyni yaşayış məntəqəsində yaşamayan və sosial xidmətə ehtiyacı olan tənha ahıllara, ahıl ər-arvadlara, əlilliyi olan şəxslərə və sağlamlıq imkanları məhdud uşaqlara, xəstəliyin terminal (son) mərhələsində olan şəxslərə qanunvericilikdə müəyyən edilmiş qaydada göstərilən xidmətdir.

Şəxsə (ailəyə) qulluq və kömək göstərə biləcək qohumlar dedikdə - əmək qabiliyyətli babalar, nənələr, valideynlər, övladlığa götürənlər, doğma və ögey qardaşlar və bacılar, ər-arvad, uşaqlar, övladlığa götürülənlər və nəvələr nəzərdə tutulur.

 

Kimlər ahıl hesab edilir?

Sosial xidmət haqqında Azərbaycan Respublikasının Qanununa əsasən yaşı 70-ə çatmış şəxslər ahıl hesab edilir.

Evdə (səyyar) sosial xidmət göstərilməsi üçün müraciət edilməsi

Əmək qabiliyyətli qohumları və ya qanuni nümayəndələri ilə eyni yaşayış məntəqəsində yaşamayan və sosial xidmətə ehtiyacı olan tənha ahıllar, ahıl ər-arvadlar, əlilliyi olan şəxslər, xəstəliyin terminal (son) mərhələsində olan şəxslər evdə (səyyar) sosial xidmət göstərilməsi üçün yaşayış yeri üzrə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin struktur bölmələrinə, “DOST” mərkəzlərinə və ya “Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərinə” ərizə ilə müraciət edirlər.

Müraciətə baxılması və cavablandırılması

Sosial xidmətin göstərilməsi barədə müraciət müvafiq Quruma, Mərkəzə və ya “Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərinə” daxil olduğu gündən sonra, 10 (on) iş günü müddətində sosial işçi tərəfindən sosial xidmətə olan tələbatın qiymətləndirilməsi və müəyyənləşdirilməsi həyata keçirilir.

Bundan əlavə, şəxslərə qulluq və kömək göstərə biləcək qohumların olmamasının müəyyən edilməsi üçün yerli icra hakimiyyəti başçısının inzibati ərazi dairələri və sahə inzibati ərazi dairələri üzrə nümayəndəliklərinə, Azərbaycan Respublikasının Ədliyyə Nazirliyi yanında Əhalinin Dövlət Reyestri Xidmətinə (şəxsin valideynləri, özü və övladları barədə) və digər aidiyyəti qurumlara sorğu göndərilir, zəruri məlumatlar olmadıqda yerli icra hakimiyyəti başçısının inzibati ərazi dairələri və sahə inzibati ərazi dairələri üzrə nümayəndəliklərinin, bələdiyyələrin, mənzil istismar sahələrinin nümayəndələrinin, çoxmənzilli binaları idarə edən şəxslərin, eləcə də şəxsin qonşularının iştirakı ilə şəxsin qohumları barədə sosial işçi tərəfindən akt tərtib olunur.

Sorğunun və ya aktın nəticələri, eyni zamanda sosial xidmətə olan tələbatın qiymətləndirilməsi əsasında şəxsin sosial xidmətə ehtiyacının və şəxsə qulluq və kömək göstərə biləcək qohumların olub-olmamasını özündə əks etdirən hesabat hazırlanır.

Sosial işçi tərəfindən hesabatın təqdim edildiyi gündən sonra, 5 (beş) iş günü müddətində yerli qurum və ya mərkəz tərəfindən sosial xidmətin göstərilməsi və ya sosial xidmətin göstərilməsindən imtina edilməsi barədə qərar qəbul olunur.

Evdə (səyyar) göstərilən sosial xidmətlər ödənişlidirmi?

Evdə (səyyar) sosial xidmət ödənişsiz, qismən ödənişli və tam ödənişli əsaslarla göstərilir. Çətin həyat şəraitində olan şəxslərə (ailələrə) evlərdə sosial xidmət zəmanət verilmiş həcmdə ödənişsiz, sosial xidmətin həcmi zəmanət verilmiş həddi keçdiyi halda, sosial xidmətlər qismən ödənişli şərtlərlə göstərilir. Sosial xidmətin növü sosial xidmətin zəmanət verilmiş həcminə aid olmadığı halda, sosial xidmət tam ödənişli şərtlərlə göstərilir. Qismən ödənişli və tam ödənişli sosial xidmətlər göstərilərkən tərəflər arasında sosial xidmət müqaviləsi bağlanır.

Evdə (səyyar) göstərilən ödənişsiz xidmətlər

Aşağıdakı 1 nömrəli cədvəldə ödənişsiz sosial xidmətlər qeyd olunmuşdur

                                                                                                                                                       Cədvəl 1

Xidmətlər

Xidmətin    sayı (aylıq)

Xidmətin müddəti (manatla)

Yemək hazırlanmasına kömək etmək (o cümlədən, dietik yeməklər), özünə qulluq edə bilməyən xəstələrin yedizdirilməsi və qabların yuyulması

8 dəfə

1 saat20 dəq.

Zəruri ərzaq, sənaye və məişət mallarının alınması

4 dəfə

30 dəq.

Mənzillərin yığışdırılması və təmizlənməsi

4 dəfə

1 saat

Yataq və geyim əşyalarının yuyulması, və ütülənməsi

4 dəfə

1 saat 30 dəq.

Mənzil pulunun           və digər kommunal xərclərin

1 dəfə

30 dəq.

Mənzil pulunun  və digər kommunal xərclərin ödənilməsinin təşkil edilməsi

 

1 dəfə

30 dəq.

İstiliyə,yanacağa, təmirə olan ehtiyacların ödənilməsi məqsədi ilə aidiyyəti təşkilatlarla əlaqə saxlanılması

 

Xidmət müddətində

 

 

Evə həkimin çağırılması

Xidmət müddətində

 

 

Həkimin təyinatı ilə aptekdən dərman alınması

 

Xidmət müddətində

 

 

Sosial xidmətə götürülmüş vətəndaş vəfat etdikdə, onun dəfni ilə bağlı məsələlərin həllinə köməklik göstərilməsi

 

 

Xidmət müddətində

 

 

 

Evdə (səyyar) qismən ödənişli və tam ödənişli şərtlərlə sosial xidmətin göstərilməsi

Aşağıdakı 2 nömrəli cədvəldə qismən ödənişli sosial xidmətlər göstərilmişdir

                                                

                                                                                                                                                                                                                                                                    Cədvəl 2

Xidmətlər

Xidmətin müddəti

(dəqiqə ilə)

Xidmət haqqının məbləği

(manatla)

Yemək hazırlanmasına kömək etmək (o cümlədən, dietik yeməklər), özünə qulluq edə bilməyən xəstələrin yedizdirilməsi və qabların yuyulması

 

60

1.00

Zəruri ərzaq, sənaye və məişət mallarının alınması

 

30

0.45

Mənzillərin yığışdırılması və təmizlənməsi (hər 10 m 2 üçün )

 

-

0.85

Yataq və geyim əşyalarının yuyulması və ütülənməsi

 

60

1.00

Həkim müayinəsinə aparılıb-gətirilməsi

 

-

1.50

 

Aşağıdakı 3 nömrəli cədvəldə tam ödənişli sosial xidmətlər göstərilmişdir

                                                                                                                                                     Cədvəl 3

Xidmətlər

Xidmətin  müddəti (dəqiqə ilə)

Xidmət haqqının məbləği

(manatla)

Şəxsin çimizdirilməsinə, saçlarının daranmasına yardım edilməsi (hamamda su qızdırıcı sistemi olarsa)

40

3.00

Şəxsin çimizdirilməsinə, saçlarının daranmasına yardım edilməsi (hamamda su qızdırıcı sistemi olmadıqda)

 

50

5.00

Həyətyanı sahənin nizama salınması (hər 50 m2 üçün )

25

3.00

Paltarın xırda təmiri

10

1.00

Yataq və geyim əşyalarının camaşırxanaya, kimyəvi təmizləmə məntəqəsinə (əgər camaşırxana və kimyəvi təmizləmə məntəqəsi varsa) aparılıb- gətirilməsi

40

2.00

 

 

Evdə (səyyar) göstərilən sosial xidmətin dayandırılması

 

Aşağıdakı hallarda evdə (səyyar) sosial xidmət göstərilməsi dayandırılır

Qismən ödənişli və tam ödənişli sosial xidmətin göstərilməsi ilə əlaqədar sosial xidmət müqaviləsində nəzərdə tutulan hallarda;

Sosial xidmətə ehtiyacı olan şəxs əmək qabiliyyətli qohumları və ya qanuni nümayəndələri ilə eyni yaşayış məntəqəsində yaşamağa başladıqda;

Tənha ahıllar, əlilliyi olan şəxslər dövlət sosial xidmət müəssisələrinə yerləşdirildikdə;

Əlilliyi olan şəxslərin reabilitasiyası başa çatdıqda;

Sosial xidmətə ehtiyacı olan şəxs vəfat etdikdə.

 

Bunları bilmək lazımdır

Eyni yaşayış sahəsində yaşayan ər-arvada, valideyn-övlada və bacı-qardaşa bir sosial xidmətçi tərəfindən sosial məişət xidməti göstərilir.

Evdə reabilitasiya xidmətləri göstərilməsi üçün əlilliyi olan şəxslər ayrıca qeydə alınırlar.

İctimai təhlükəli xəstəliyə tutulmasına görə həyat fəaliyyəti məhdudlaşan şəxslərə evdə (səyyar) sosial xidmət göstərilmir.

© 2021 DOST - Dayanıqlı və Operativ Sosial Təminat Agentliyi