Fərdi reabilitasiya və abilitasiya proqramının tərtib edilməsi
1. Xidmətin adı
Fərdi reabilitasiya və abilitasiya proqramının tərtib edilməsi
2. Xidmətin məzmunu
Əlilliyi olan şəxsin tibbi, peşə-əmək, psixoloji-pedaqoji reabilitasiyası və sosial bacarıqlarının inkişafı ilə əlaqədar kompleks tədbirləri özündə əks etdirən Fərdi reabilitasiya və abilitasiya proqramının tərtib edilməsi
3. Xidmətin aid olduğu təsnifat
Əlillik
4. Xidməti həyata keçirən dövlət qurumunun adı
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Tibbi-Sosial Ekspertiza və Reabilitasiya Agentliyi (Dövlət Tibbi-Sosial Ekspertiza və Reabilitasiya Agentliyi)
5. Xidmətin hüquqi əsası
“Əlilliyi olan şəxslərin hüquqları haqqında” Azərbaycan Respublikasının Qanunu
Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyini haqqında Əsasnamə”
“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı
Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Tibbi-Sosial Ekspertiza və Reabilitasiya Agentliyinin Nizamnaməsi”
Azərbaycan Respublikası Nazirlər Kabinetinin 2020-ci il 16 yanvar tarixli 11 nömrəli Qərarı ilə təsdiq edilmiş “Əlilliyin qiymətləndirilməsi Qaydası”
Azərbaycan Respublikası Nazirlər Kabinetinin 2020-ci il 18 dekabr tarixli 500 nömrəli Qərarı ilə təsdiq edilmiş “Əlilliyi olan şəxslərə dövlət büdcəsi hesabına verilən reabilitasiya vasitələrinin növlərinin Siyahısı”
Azərbaycan Respublikası Nazirlər Kabinetinin 2020-ci il 18 dekabr tarixli 501 nömrəli Qərarı ilə təsdiq edilmiş “Əlilliyi olan şəxslərin reabilitasiya vasitələri ilə təmin edilməsi Şərtləri və Qaydası”
Azərbaycan Respublikası Nazirlər Kabinetinin 2020-ci il 30 dekabr tarixli 519 nömrəli qərarı ilə təsdiq edilmiş “Fərdi Reabilitasiya Proqramının hazırlanması, təsdiq edilməsi və həyata keçirilməsi Qaydası”
Azərbaycan Respublikası Nazirlər Kabinetinin 2020-ci il 30 dekabr tarixli 521 nömrəli Qərarı ilə təsdiq edilmiş “Əlilliyi olan şəxslərin abilitasiyası Qaydası”
Azərbaycan Respublikası Nazirlər Kabinetinin 2021-ci il 26 may tarixli 149 nömrəli qərarı ilə təsdiq edilmiş “Dövlət reabilitasiya müəssisələrinin təşkili və fəaliyyəti Qaydası”
6. Xidmətin həyata keçirilmə formaları
Xidmət yerinə şəxsən və ya nümayəndəsi gəlməklə
Əlilliyi olan şəxsin daimi yaşayış yerində
7. Xidmətin həyata keçirilməsi və nəticəsi proseduru barədə məlumatlandırma forması
Elektron qaydada
Birbaşa (yerində)
Çağrı mərkəzi vasitəsilə
8. Xidmətin həyata keçirilməsinin nəticəsi
Fərdi reabilitasiya və abilitasiya proqramı tərtib edilir və ya tərtib edilməsindən imtina edilir
9. Xidmət istifadəçisi barədə məlumat
Azərbaycan Respublikası vətəndaşları
Azərbaycan Respublikasında daimi yaşayan əcnəbilər və vətəndaşlığı olmayan şəxslər
10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları
Müddət: 2 (iki) iş günü
Xidmət haqqı: Ödənişsiz
11. Xidmətin həyata keçirilməsi üçün müraciətlərin qəbulunun vaxtı və müddəti
İş günlərində iş saatları ərzində
12. Xidmətin göstərilmə yeri
DOST mərkəzləri və filiallarının inzibati binası
Dövlət Tibbi-Sosial Ekspertiza və Reabilitasiya Agentliyinin Tibbi-Sosial Ekspert Komissiyalarının fəaliyyət göstərdikləri inzibati binası
Əlilliyi olan şəxsin yaşadığı yer
13. Xidmətin həyata keçirilməsinin dayandırılması və ya ondan imtina edilməsinin hüquqi əsasları
Sənədlərin natamamlığı
Hüquqi əsasın olmaması
14. Xidmətin həyata keçirilməsi üçün tələb olunan sənədlər və onların təqdimedilmə forması
şəxsiyyəti təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)
Şəxsin əlilliyini müəyyən edən tibbi-sosial ekspertiza müayinəsinin nəticəsi barədə çıxarış (TSEK-in qərarı)
Əlilliyi olan şəxsin səhhətinə dair müayinə və müalicə ilə bağlı tibbi sənədlər.
Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.
15. Xidmətin həyata keçirilməsi üçün inzibati prosedurlar
Əlilliyin müəyyən edildiyi tarixdən 10 (on) iş günü ərzində Nazirliyin Mərkəzləşdirilmiş elektron informasiya sistemi (MEİS) üzərindən əlilliyi olan şəxsin və (və ya) onun qanuni nümayəndəsinin əlaqə vasitələrinin birinə (e-poçt, SMS, rəsmi məktub və s.) fərdi reabilitasiya və abilitasiya proqramının hazırlanması üçün vaxt və yer barədə məlumat göndərilir
Əlilliyi olan şəxsin peşə-əmək qabiliyyətinin, tibbi, psixoloji-pedaqoji, sosial bacarıqlarının, mənzil-məişət şəraitinin kompleks qiymətləndirilməsi həyata keçirilir, reabilitasiya potensialı dəyərləndirilir, eləcə də əlilliyi olan şəxsin itirilmiş funksiyalarının bərpasına yönəldilən reabilitasiya vasitə və xidmətlərinə, həmçinin sanatoriya-kurort müalicəsinə ehtiyacı müəyyənləşdirilir
Fərdi reabilitasiya və abilitasiya proqramı əlilliyi olan şəxsin və (və ya) onun qanuni nümayəndəsinin iştirakı ilə 2 (iki) iş günü ərzində hazırlanır və 1 (bir) iş günü müddətində Nazirliyin Mərkəzləşdirilmiş elektron informasiya sisteminə daxil edilir
Əlilliyi olan şəxsə və (və ya) onun qanuni nümayəndəsinə reabilitasiya tədbirlərinin məqsədi, vəzifəsi və gözlənilən nəticələri barəsində məlumat verilir
Hazırlanmış fərdi proqram “e-sosial” portalında əlilliyi olan şəxsin şəxsi kabinetində xüsusi bölmədə əks olunur. Şəxsi kabinet vasitəsi ilə əlilliyi olan şəxs fərdi məlumatlarını, orqanizmin funksiyalarının pozulması faizini, müddətini, fərdi proqramın təsdiq olunma tarixini, proqram üzrə keçiriləcək reabilitasiya tədbirlərini, onların başlanma və bitmə tarixlərini, habelə onların icra vəziyyəti barədə məlumatları əldə edir
16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar
"İnzibati icraat haqqında" Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikasının Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər
17. Xidmətin həyata keçirilməsində istifadə edilən informasiya sistemləri və ehtiyatları
“e-sosial” portalı
Nazirliyin Mərkəzləşdirilmiş elektron informasiya sistemi
