Səyyar DOST Sifarişi

Səyyar xidmət - sifarişçiyə onun sifarişinə əsasən Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı ilə təsdiq edilmiş “DOST” mərkəzlərində xidmət göstərilməsi Qaydasına əsasən “DOST” mərkəzlərindən kənarda xidmət göstərilməsidir.

Səyyar xidmət göstərilməsi sifarişçidən tələb olunan sənədlərin təhvil alınmasını və (və ya) hazır sənədlərin ona təhvil verilməsini nəzərdə tutur.

Səyyar xidmətin göstərilməsinə dair sifariş aşağıdakı üsullardan biri ilə verilir:

• “Çağrı mərkəzi”nə zəng etməklə;
• Agentliyin internet saytının “səyyar xidmətlər” bölməsində səyyar xidmət göstərilməsinə dair sifariş formasını doldurmaqla;
• Mərkəzə birbaşa zəng vasitəsilə müraciət etməklə.

Səyyar xidmətin göstərilməsinə dair sifariş yuxarıda qeyd olunan üsullara uyğun olaraq verilmədikdə, sifariş qəbul edilmir və imtinanın səbəbi barədə sifarişçiyə məlumat bildirilir.

Aşağıdakı hallarda səyyar xidmət göstərilməsindən imtina edilir:

1.sifarişçinin qəsdən yalan məlumat verdiyi aşkar edildikdə;

2.sifarişçi 2 (iki) dəfə əsassız olaraq səyyar xidmətlə bağlı verdiyi sifarişdən imtina etdikdə;

3.sifarişçinin əldə etmək istədiyi xidmətin xüsusiyyətindən asılı olaraq, səyyar formada göstərilməsi mümkün olmadıqda

Səyyar xidmət göstərilməsi ilə bağlı tərəflər arasında münasibətlər, tərəflərin hüquq və vəzifələri, səyyar xidmət göstərilməsinin şərtləri və müddətini nəzərə alınmaqla, müqavilə ilə tənzimlənir.