Texnologiya və biliklərə əlçatanlığın təmin edilməsi, həmçinin həssas qrupların hüquqlarının təbliğ edilməsi yolu ilə davamlı inkişafa nail olmaq üçün Agentlik BƏT, BMT-nin Əhali Fondu, BMT-nin İnkişaf Proqramı, Beynəlxalq Sosial Təhlükəsizlik Assosasiyası və Avropa Sosial Şəbəkəsi kimi beynəlxalq institutlarla əməkdaşlıq edir.
 |
Birləşmiş Millətlər Təşkilatının Əhali Fondu (BMTƏF) ilə əməkdaşlıq Azərbaycan Respublikası Əmək və Əhalinin Sosial Müdafiəsi Nazirliyi və Birləşmiş Millətlər Təşkilatının Əhali Fondunun birgə layihəsi olan “Bütün yaşlar üçün cəmiyyətin qurulması: Fəal yaşlanma yolu ilə Azərbaycanda yaşlıların rifahının təmin edilməsi”-nin 3-cü komponenti DOST Agentliyi tərəfindən icra edilmişdir. Fəaliyyətlər yaşlı insanların yeni sosial təşəbbüslərə cəlb olunmasına və yeni sosial xidmətlərin təşkil olunmasına əsaslanmışdır:
Layihə çərçivəsində 19 mindən çox iştirakçı əhatə olunmuş, 46 nəfər 65+ yaşlı şəxs müxtəlif interaktiv formatlarda (video dərslər, vebinarlar) öz təcrübələrini gənclərlə bölüşmüş, tam kursda iştirak edən 1000-dən çox gənc sertifikatla təltif edilmiş və 1050 nəfər yaşlı şəxs evlərində İKT təlimlərinə və 100-dən çox yaşlı şəxs asudə vaxtının təşkili üzrə proqramlara cəlb olunmuşdur. Həmçinin, layihə çərçivəsində bir sıra elektron və çap təlim və məlumatlandırma məhsulları hazırlanmışdır. . |
 |
Birləşmiş Millətlər Təşkilatının İnkişaf Proqramı (BMTİP) ilə əməkdaşlıq
Əmək və Əhalinin sosial müdafiəsi Nazirliyi və Birləşmiş Millətlər Təşkilatının İnkişaf Proqramının birgə həyata keçirdikləri “Əlilliyi olan qadınların və Dağlıq Qarabağ müharibəsi veteranlarının hüquqlarının və rifahının təmin edilməsi” layihəsi çərçivəsində Azərbaycanda ilk dəfə olaraq 4 saylı Bakı DOST Mərkəzində “İnklüziv İncəsənət Məktəbi” yaradılmışdır.
Layihə bir-biri ilə əlaqəli fəaliyyətlər vasitəsilə Dağlıq Qarabağ müharibəsi veteranlarına və əlilliyi olan qadınlara xüsusi diqqət yetirməklə, hüquqlarının təmin edilməsi, ləyaqətinin dəyərləndirilməsi, inklüzivliyin və əlçatanlığın təmin edilməsi üzrə Hökumətin səylərinə dəstək vermək məqsədi daşıyır. Layihənin davamlılığını təmin etmək məqsədi ilə DOST mərkəzi vasitəsilə təşkilati və informasiya dəstəyi göstərilmiş, məktəbin fəaliyyətində könüllülər səfərbər olunmuş və digər texniki və kommunal dəstək göstərilmişdir. DOST Agentliyi Birləşmiş Millətlər Təşkilatının İnkişaf Proqramı tərəfindən dövlət xidmətləri və sosial təminat sahəsində Azərbaycanda həyata keçirilən layihə və fəaliyyətdə yaxından iştirak edir.
|
 |
Beynəlxalq Sosial Təminat Assosiasiyası (BSTA) ilə əməkdaşlıq
“BSTA Tanınma Proqramı” Əhaliyə çatdırılan xidmətlərin səviyyəsini və daxili prosedurları inkişaf etdirmək məqsədi ilə DOST Agentliyi BSTA Tanınma Proqramına qoşulmuşdur. Agentliyinin qiymətləndirməsi özündə 27 təlimatı və 100-dən çox alt-təlimatı əks etdirən “Xidmət Keyfiyyəti üzrə Təlimat (Xidmət Keyfiyyəti İş Kitabı(2019-cu il üzrə nəşr))” üzərindən həyata keçirilmişdir. Agentliyin ekspert qiymətləndirməsi BSTA-nın “MySpace”platforması üzərindən aparılmış, Təlimatın tələb etdiyi bütün göstəricilərə müvəffəqiyyətlə cavab verilmiş və “Xidmət Keyfiyyəti” üzrə “BSTA Mükəmməllik Sertifikatı” ilə təltif edilmişdir. “BSTA Ən Yaxşı Təcrübə Mükafatı 2022”“Vətəndaş məmnunluğu monitorinq sistemi”, “DOST Agentliyi: ləyaqət və bərabər hüquqlar naminə” və “DOST: 65 yaşdan yuxarı şəxslərin sosial müdafiəsi” ərizələri ilə müsabiqədə iştirak edən DOST Agentliyi “Avropa üzrə Yaxşı Təcrübə Mükafatı - 2022” müsabiqəsinin qalibi olub. |
 |
ADA Universiteti ilə DOST Agentliyi arasında əməkdaşlıq
Qarşılıqlı səmərəli əlaqələrin qurulması məqsədi ilə 21.01.2021-ci il tarixində qurumlar arasında Anlaşma Memorandumu imzalanmışdır. İmzalanmış sənədi əsas götürərək Universitetin və Agentliyin mövcud infrastrukturundan və mütəxəssis bazasından istifadə edərək dövlət sektoru ilə Universitet arasında əlaqələrin inkişaf etdirilməsinə töhfə vermək məqsədi ilə təlim və tədris, təcrübə, tədqiqat, beynəlxalq tanınma və birgə layihələrin icrası istiqamətində işlər həyata keçirilir. |
 |
Avropa Sosial Şəbəkəsi (ASŞ) ilə əməkdaşlıq 2021-ci ilin mart ayından etibarən DOST Agentliyi Avropa Sosial Şəbəkəsinin Şura üzvü olmuşdur. Avropa Sosial Şəbəkəsinin (ASŞ) missiyası inkişaf etmiş siyasət və təcrübə yolu ilə insanlara və icmalara fayda gətirmək üçün səhiyyə, təhsil, məşğulluq və sosial inklüzivlik ilə ictimai sosial xidmətlər sahəsində məlumat mübadiləsini inkişaf etdirməkdir. Yarandığı tarixdən etibarən Agentlik təşkilatla sıx əməkdaşlıq qurmuş və hazırda Şura üzvü qismində bir sıra strateji önəmli müzakirələrdə təkliflərlə çıxış edir. Agentlik DOST konsepsiyasını tanıtmaq, digər ölkələrin təcrübəsini öyrənərək sosial təminatı inkişaf etdirmək məqsədilə ASŞ-nin sosial təminat xidmətləri sahəsindəki bütün tədbirlərində, konfranslarında və beynəlxalq müzakirələrində yaxından iştirak edir. Həmçinin, Agentlik ASŞ-nin təqdim etdiyi “Avropa Sosial Xidmətləri Mükafatı” müsabiqəsində iştirak edir və indiyədək aşağıdakı uğurları əldə etmişdir:
|
 |
Beynəlxalq Əmək Təşkilatı (BƏT) ilə əməkdaşlıq DOST Agentliyi və Beynəlxalq Əmək Təşkilatının yerli nümayəndələri və xarici mütəxəssisləri arasında 2020-ci ilin sentyabr ayından etibarən əməkdaşlığa başlanılıb, bir sıra görüşlər və tədbirlərdə birgə iştirak həyata keçirilib. Hazırda Beynəlxalq Əmək Təşkilatı ilə DOST Agentliyi arasında “DOST xidmətlərinin ekspert qiymətləndirilməsi” (peer-review) və “Mediasiya xidmətinin təşkili” istiqamətlərində əməkdaşlıq müzakirə edilir. |
© 2024 DOST - Dayanıqlı və Operativ Sosial Təminat Agentliyi
