Dayanıqlı və Operativ Sosial Təminat Agentliyinin törəmə təşkilatı olan "DOST İnfrastruktur Mərkəzi" Məhdud Məsuliyyətli Cəmiyyəti DOST Agentliyinin Müşahidə Şurasının 24 iyun 2022-ci il tarixli 2 nömrəli qərarı ilə təsis edilib.
Cəmiyyət Əmək və Əhalinin Sosial Müdafiəsi Nazirliyinin strukturuna daxil olan qurumların və strukturuna daxil olmayan tabeliyində olan qurumların inzibati binalarının tikintisinin təmin edilməsi, bu istiqamətdə ilkin layihələndirilmə, layihə-smeta sənədlərinin hazırlanmasına nəzarət, zəruri rəylərin alınması, tikinti prosesinə cəlb olunmuş podratçı təşkilatlarla koordinasiyanın təşkili və nəzarət, ümumilikdə tikinti planına uyğun olaraq işlərin vaxtında aparılmasının və tikintisi başa çatmış yeni inzibati binaların istismara verilməsinin təşkil edilməsi kimi önəmli vəzifələri yerinə yetirir.
DOST İnfrastruktur Mərkəzinin direktoru Azər Məmmədovdur.
SƏTƏM üzrə koordinator Agentliyin aparatı və DOST mərkəzlərində sağlamlıq, əməyin təhlükəsizliyi və ətraf mühitin mühafizəsinə aid Azərbaycan Respublikasının qanunvericiliyinə uyğun müəyyən edilmiş qaydada proseslərin, görülən işlərin təşkili, nəzarəti və koordinasiyasını həyata keçirir.
SƏTƏM üzrə koordinator Qazı Məmmədovdur.
Keyfiyyətin idarə edilməsi üzrə koordinator Agentliyin aparatı və DOST mərkəzlərində əməyin mühafizəsinə aid proseslərin, İnteqrəedilmiş Menecment Sistemi sahəsində görülən işlərin təşkili, keyfiyyətə nəzarəti və koordinasiyasını həyata keçirir.
Keyfiyyətin idarə edilməsi üzrə koordinator Nigar Quliyevadır.
Azər Əliyev 1977-ci ildə Moskva şəhərində anadan olub. Moskva Dövlət Hüquq Akademiyasını (MDHA) hüquq ixtisası üzrə bitirib. 2000-ci ildə ABŞ-nın Kolorado Universitetində 6 aylıq ingilis dili təhsili alıb. 2001-2003-cü illərdə Fransanın Ruel-Melmezon şəhərində yerləşən Neft Universitetində magistr dərəcəsinə yiyələnib.
Karyerasına 1998-ci ildə Azərbaycan Respublikasının Dövlət Neft Şirkətinin Xarici İnvestisiyanın İdarə edilməsi üzrə Hüquq şöbəsində kiçik mütəxəssis vəzifəsi ilə başlayıb. Daha sonra “Teksako” Amerika Neft Şirkətinə neft nəqli üzrə layihə koordinatoru, 2003-2006-cı illərdə Fransanın “Total” Neft Şirkətinin Bakı nümayəndəliyində neftin nəqli sahəsində mühəndis vəzifələrində çalışıb.
2006-cı ildə “Qafqaz” Sığorta Şirkətinin baş direktoru vəzifəsinə təyin olunub. 2008-ci ilin əvvəlində “Qafqaz” Sığorta Şirkəti və “Atəşgah” Sığorta Şirkəti birləşdikdən sonra “Atəşgah” Sığorta Şirkətinin İdarə Heyətinin sədri vəzifəsinə keçib. 2010-2012-ci illərdə “Azərbaycan Sığortaçılar Assosiasiyası”nın sədri kimi fəaliyyət göstərib.
2015-2016-cı illərdə AR Nazirlər Kabineti yanında “İçərişəhər” DTMQ İdarəsində idarə rəisinin köməkçisi (1-ci dərəcə dövlət qulluqçusu), 2016-2017-ci illərdə “İnter” Peşəkar İdman Klubunun prezidenti, 2017-2022-ci illərdə “Atəşgah” Sığorta Şirkətinin İdarə Heyətinin sədri, “Azərbaycan Sığortaçılar Assosiyasiyası”nın Müşahidə Şurasının sədri və İcbari Sığorta Bürosunun Himayəçilər Şurasının sədr müavini vəzifələrində fəaliyyət göstərib.
10 yanvar 2023-cü il tarixində Dayanıqlı və Operativ Sosial Təminat Agentliyinin İdarə Heyəti sədrinin müşaviri vəzifəsinə təyin edilib.
1977-ci ildə Bakı şəhərində anadan olub.
1997-ci ildə Azərbaycan Universitetinin Bank işinin təşkili ixtisası üzrə bakalavr, 1999-cu ildə Azərbaycan Universitetinin Beynəlxalq iqtisadi münasibətlər ixtisası üzrə magistratura səviyyəsini fərqlənmə diplomları ilə bitirib.
2012-2014-cü illərdə Avstriyanın Vyana İqtisadiyyat Universitetinin İdarəçilik Akademiyasında Layihələrin və proseslərin idarə edilməsi ixtisası üzrə peşəkar magistratura səviyyəsində təhsil alıb.
Müxtəlif dövlət orqanlarında, o cümlədən mərkəzi icra hakimiyyəti orqanlarında, özəl sektorda, habelə tanınmış xarici şirkətlərdə ekspert və rəhbər vəzifələrdə çalışıb, eyni zamanda bir sıra beynəlxalq layihələrin eksperti, layihə koordinatoru və meneceri olub.
13 dekabr 2018-ci il tarixində Dayanıqlı və Operativ Sosial Təminat Agentliyinin İdarə Heyətinin sədri vəzifəsinə təyin edilib.
Yeni Azərbaycan Partiyasının üzvüdür.
Evlidir, iki övladı var.
1961-ci ildə Saatlı rayonunun Əlisoltanlı kəndində anadan olub.
1983-cü ildə Dadaş Bünyadzadə adına Azərbaycan Xalq Təsərrüfatı İnstitutunu mühasibat uçotu ixtisası üzrə bitirib.
1978-1979-cu və 1985-1992-ci illərdə Saatlı rayonu, M.Ə.Sabir adına kolxozda müxtəlif vəzifələrdə (kolxozçu, Mülki Müdafiə Qərargah rəisi, iqtisadçı), 1992-2005-ci illərdə Azərbaycan Respublikasının Silahlı Qüvvələrində müxtəlif vəzifələrdə, həmçinin Müdafiə Nazirliyi Maddi-Texniki İdarəetmə Aparatında Büdcə bölməsinin rəisi vəzifəsində (polkovnik-leytenant hərbi rütbəsində), 2005-2013-cü illərdə Dövlət Sosial Müdafiə Fondunda müxtəlif rəhbər vəzifələrdə, 2013-2016-cı illərdə Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Təminatı Xidmətinin rəisi və 2016-2021-ci illərdə Əmək və Əhalinin Sosial Müdafiəsi Nazirliyinin Aparatında müxtəlif vəzifələrdə çalışıb.
28 iyul 2021-ci il tarixində Dayanıqlı və Operativ Sosial Təminat Agentliyinin İdarə Heyəti sədrinin müşaviri vəzifəsinə təyin edilib.
Evlidir, iki övladı var.
1987-ci ildə Naxçıvan Muxtar Respublikasının Şahbuz şəhərində anadan olub.
2009-ci ildə Azərbaycan Dövlət İqtisad Universitetinin Beynəlxalq iqtisadi münasibətlər ixtisası üzrə bakalavr, 2012-ci ildə Azərbaycan Dövlət İqtisad Universitetinin eyni ixtisası üzə magistratura, 2013-cü ildə isə Böyük Britaniya Krallığının Esseks Universitetinin Maliyyə ixtisası üzrə magistratura səviyyəsini bitirib. Hazırda İmtiyazlı İdarəedici Mühasiblər İnstitutunda (CIMA) Strateji idarəetmə səviyyəsi üzrə təhsilini davam etdirir.
2011-2013-cü illərdə Azərbaycan Respublikası İqtisadi İnkişaf Nazirliyinin (indiki İqtisadiyyat Nazirliyi) Beynəlxalq Təşkilatlarla əməkdaşlıq şöbəsində, 2013-2021-ci illər ərzində BP Caspian şirkətinin Maliyyə departamentində müxtəlif vəzifələrdə çalışıb.
1 mart 2021-ci il tarixində Dayanıqlı və Operativ Sosial Təminat Agentliyinin İdarə Heyətinin sədrinin müşaviri vəzifəsinə, 13 avqust 2021-ci il tarixində isə İdarə Heyəti sədrinin müavini vəzifəsinə təyin edilib.
Evlidir, bir övladı var.
1981-ci ildə Bakı şəhərində anadan olmuşdur.
2003-cü ildə Bakı Slavyan Universitetinin Rus dili və ədəbiyyatı ixtisası üzrə bakalavr, 2006-cı ildə Bakı Slavyan Universitetinin eyni ixtisası üzrə magistratura, 2018-ci ildə isə Prezident yanında Dövlət İdarəçilik Akademiyasının Dövlət və Bələdiyyə İdarəetməsi ixtisası üzrə magistratura səviyyəsini bitirib.
2006-cı ildə “Azercell”in Müştəri Xidmətləri təmsilçisi, həmin ildən qrup rəhbəri vəzifəsini icra edib. 2008-2017-ci illərdə Azərbaycan Respublikasının Prezidenti yanında Dövlət Qulluğu Məsələləri üzrə Komissiyada müxtəlif vəzifələrdə çalışıb.
2017-ci ildə Mənzil İnşaatı Dövlət Agentliyinin İctimaiyyətlə Əlaqələr və Protokol sektorunun müdiri, 2017-2019-cu illərdə Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Əmək Münasibətlərinin Monitorinqi Mərkəzinin baş məsləhətçisi olub, 2018-ci ildən “UNEC Business School”da mühazirəçi kimi fəaliyyət göstərir.
2019-cu ilin yanvar ayından etibarən Dayanıqlı və Operativ Sosial Təminat Agentliyinin Risklərin idarə edilməsi və daxili nəzarət departamentinin müdiri, 23 aprel tarixindən 1 saylı Bakı DOST Mərkəzinin müdiri, 28 dekabr tarixindən 2 saylı Bakı DOST Mərkəzinin müdiri, 21 may 2020-ci il tarixindən 3 saylı Bakı DOST Mərkəzinin müdiri vəzifələrində çalışıb. 4 avqust 2020-ci il tarixində Dayanıqlı və Operativ Sosial Təminat Agentliyinin İdarə Heyəti sədrinin müavini təyin edilib.
Evlidir, üç övladı var.
Daxili nəzarət və audit departamenti müntəzəm və səmərəli fəaliyyətin təmin edilməsi, məqsədlərə nail olmaq üçün risklərin idarə edilməsi, daxili nəzarət sisteminin səmərəliliyini və adekvatlığını təmin edir.
Departamentin müdiri Natəvan Yusifovadır.
Hüquq Departamenti Agentliyin aparatı və DOST mərkəzlərində hüquqi aktların tətbiqini, hüquqi işlərin təşkilini və qanunvericiliyin düzgün şəkildə tətbiqini, eləcə də hüquqi yardımın təşkilini təmin edir.
Departamentin müdiri Azər Rəhimovdur.
Maliyyə və mühasibatlıq departamenti Agentliyin maliyyə siyasətinin, maliyyə strategiyasının və onun maliyyə sabitliyinin təmin edilməsi, maliyyə-təsərrüfat fəaliyyəti üzrə araşdırmaların aparılması və bu sahə üzrə digər işləri həyata keçirir.
Departamentin müdiri İlkin Məmmədovdur.
Satınalmalar və təminat departamenti Agentliyin tender və müqavilə siyasətinin və strategiyasının formalaşdırılması, eləcə də Agentliyin və DOST mərkəzlərinin maddi-texniki bazasının möhkəmləndirilməsi işlərini həyata keçirir.
Departamentin müdiri İlqar Mehdiyevdir.
DOST” mərkəzlərinin təşkili departamenti “DOST” mərkəzlərinin inzibati binalarının tikintisinin təmin edilməsi, bu istiqamətdə ilkin layihələndirilmə, layihə-smeta sənədlərinin hazırlanmasına nəzarət, zəruri rəylərin alınması, tikinti prosesinə cəlb olunmuş podratçı təşkilatlarla koordinasiyanın təşkili və nəzarət, ümumilikdə tikinti planına uyğun olaraq işlərin vaxtında aparılmasının və tikintisi başa çatmış yeni “DOST” mərkəzlərinin istismara verilməsinin təşkil edilməsi kimi önəmli vəzifələri yerinə yetirir.
Departamentin müdiri İbrahim Həşimovdur.
DOST Çağrı Mərkəzi 142 təmsil etdiyi dövlət orqanının səlahiyyətlərinə aid olan sual xarakterli müraciətlər daxil olduqda, onların birbaşa cavablandırılmasını və şikayət (ərizə, təklif, məlumat) xarakterli müraciətlər daxil olduqda onları qeydiyyata almaqla araşdırılaraq cavablandırılması üçün aidiyyəti struktur vahidinə göndərilməsini təmin edir.
DOST Çağrı Mərkəzi 142-nin direktor muavini Bəxtiyar Məmmədovdur.
Strateji planlaşdırma, məlumatların idarə edilməsi və təhlil departamenti göstərilən xidmətlərin elektron reyestrinin aparılması və təkmilləşdirilməsinin təmin edilməsi, müşahidə, qeydiyyat və monitorinq aparılan məlumatların statistik uçotunun və təhlilinin aparılması, təsdiq olunmuş fəaliyyət strategiyasına və iş planına uyğun olaraq analitik dövri hesabatların hazırlanması və faəliyyət sahəsinə aid olan digər işlərlə məşğul olur.
Departamentin müdiri Şahin Zülfüqarovdur.
İnsan resurslarının idarə edilməsi departamenti Agentliyin insan resurslarının idarə edilməsi və inkişafı, habelə könüllü fəaliyyətin təşkili sahəsində siyasət və strategiyaları formalaşdırır və həyata keçirir.
Departamentin müdiri Leyla Hüseynovadır.
İctimaiyyətlə əlaqələr və kommunikasiya departamenti informasiya resursları sistemlərindən Agentliyin məqsədləri üçün istifadənin təmin edilməsi, fiziki və hüquqi şəxslərlə agentlik arasında düzgün, operativ və şəffaf kommunikasiya planlarının hazırlanması və tətbiqi, eləcə də struktur bölmələri arasında daxili kommunikasiyanın təmin edilməsini həyata keçirir.
Departamentin müdiri Şahin Əliyevdir.
Vətəndaş müraciətləri və sənədlərlə iş departamenti Agentlikdə sənəd (elektron) dövriyyəsi, kargüzarlığın və vətəndaşların müraciətlərinə baxılması, onların qəbulunun təşkili sahəsində təşkilati və nəzarət tədbirlərini həyata keçirir.
Departamentin müdiri İlkin Zərbəliyevdir.
Nazilə Akif qızı Həşim Zadə 1967-ci ildə Bakı şəhərində anadan olub. 1989-cu ildə Azərbaycan Dövlət Universitetinin Riyaziyyat fakültəsini bitirib. 1991-ci ildə təhsilini Azərbaycan Milli Elmlər Akademiyasının Riyaziyyat və Mexanika İnstitutunun aspirantura pilləsində davam etdirib. 1995-ci ildə “Sərhədsiz Məkanda Sinqulyar İnteqrallar” mövzusunda dissertasiya işi yazıb.
1989-1991-ci illərdə Azərbaycan Milli Elmlər Akademiyasının “Kaspy” Elmi Mərkəzində mühəndis vəzifəsində çalışıb. 1996-1999-cu illərdə Azərbaycan Milli Elmlər Akademiyasının Riyaziyyat və Mexanika İnstitutunun elmi işçisi olub.1999-2019-cu illərdə R.I.S.K. Elmi İstehsalat Şirkətində korporativ satış üzrə menecer və daha sonra bölmə rəhbəri vəzifələrində çalışıb.
2020-2022-ci illərdə Dayanıqlı və Operativ Sosial Təminat (DOST) Agentliyinin İnformasiya Texnologiyaları departamentinin müdiri vəzifəsində çalışıb. 2022-ci il fevralın 10-dan etibarən Agentliyin İdarə Heyəti sədrinin müşaviridir.
Bir övladı var.
Beynəlxalq əlaqələr, proqramlar və layihələr departamenti Agentliyin strateji planlaşdırma prosesinin idarə olunması, yol xəritələrinin, inkişaf konsepsiyalarının və tədbirlər planının hazırlanması, Agentliyin fəaliyyət istiqamətləri üzrə beynəlxalq əlaqələrin qurulması, təşkilat və qurumlarla proqram və layihələrin hazırlanmasını təmin edir.
Departamentin müdiri Emin Məmmədovdur.
DOST Xidmətləri departamenti DOST mərkəzlərində xidmətlərin vahid və əlaqələndirilmiş formada həyata keçirilməsi üçün müvafiq tədbirlərin görülməsini, DOST mərkəzlərində xidmətlərin “bir pəncərə”, həmçinin operativlik, vətəndaş məmnunluğu, şəffaflıq, nəzakətlilik, məsuliyyət və rahatlıq prinsipləri əsasında həyata keçirilməsini, eləcə də səyyar və sosial xidmətlərin təşkilini həyata keçirir.
Departamentin müdiri Aygün Musayevadır.
Azərbaycan Respublikasının Əmək və Əhalinin Sosial Müdafiəsi Nazirliyi tabeliyində “Dayanıqlı və Operativ Sosial Təminat Agentliyi” publik hüquqi şəxsin təsis etdiyi “DOST İş Mərkəzi” Azərbaycan Respublikasının Qanunu ilə müəyyən edilmiş formada Haqqı ödənilən ictimai işlərin təşkili ilə əlaqədar işsiz şəxslərin işə qəbulu, ictimai işlərə göndərilməsi və əməkhaqlarının maliyyələşdirilməsi, İctimai işlərin təşkili yolu ilə sosial xidmətlərin göstərilməsi, ərazilərin ekoloji bərpası (ictimai əhəmiyyətli yerlərdə yaşıllaşdırma işləri, meşə zolaqlarının salınması, parklara və ictimai yerlərə qulluq), təmir, bərpa, abadlıq işlərinin və mənzil-kommunal və s. xidmətlərin görülməsi ilə bağlı dövlət siyasətinin və tənzimləmənin həyata keçirilməsi sahəsində fəaliyyət göstərən Məhdud Məsuliyyətli Cəmiyyətidir.
"DOST İş Mərkəzi"nin direktoru Firudin Cəbrayılovdur
DOST İnklüziv İnkişaf və Yaradıcılıq Mərkəzinin açılışı 22 oktyabr 2021-ci ildə Azərbaycan Respublikasının Prezidenti İlham Əliyev və Birinci vitse-prezident Mehriban Əliyevanın iştirakı ilə baş tutub.
Geniş profilli Mərkəzin əsas məqsədi sosial cəhətdən həssas əhali qruplarından olan şəxslərin yaradıcı potensialının, istedadlarının, digər bacarıqlarının ortaya çıxarılmasına və inkişafına kömək etməkdir.
Gün ərzində iki növbə olmaqla, 140 nəfərə yaxın şəxsi qəbul edən DOST İnklüziv İnkişaf və Yaradıcılıq Mərkəzində keçirilən təlimlərdə əlilliyi olan şəxslər, o cümlədən, müharibə ilə əlaqədər əlilliyi müəyyən edilmiş şəxslər və onların övladları, şəhid ailələri üzvləri, valideynlərini itirmiş və valideyn himayəsindən məhrum olmuş uşaqlar və aztəminatlı ailələr təlim ala bilər. Hazırda Mərkəzdə 12 fəaliyyət istiqaməti üzrə (Floristika, bağçılıq və landşaft dizaynı; Bədii oyma; Xalçaçılıq, toxuma və tikmə; Dərzilik, modelyer sənəti; Fotoqrafiya sənəti; Musiqi; Dulusçuluq; Təsviri incəsənət; Rəqs; Səhnə ifaçılığı, aktyor sənəti; Audio-səsyazma və media istiqaməti; Kulinariya, ofisiant işi) təlimlər keçirilir.
Həmçinin təlimlər zamanı təlim alan şəxslər Mərkəzdə yaradılmış multidissiplinar qrup tərəfindən sosial pedoqoji və psixoloji dəstək proqramlarına cəlb olunurlar.
Dayanıqlı və Operativ Sosial Təminat Agentliyinin törəmə təşkilatı olan “DOST Rəqəmsal İnnovasiyalar Mərkəzi” Məhdud Məsuliyyətli Cəmiyyət DOST Agentliyinin Müşahidə Şurasının 17 dekabr 2021-ci il tarixli 4 nömrəli qərarı ilə təsis edilmişdir.
Cəmiyyət Əmək və Əhalinin Sosial Müdafiəsi Nazirliyinin strukturuna daxil olan qurumların və strukturuna daxil olmayan tabeliyində olan qurumların informasiya-kommunikasiya məsələlərinin vahid şəkildə idarə edilməsi, Nazirliyin informasiya texnologiyaları siyasətinin müəyyənləşdirilməsi, dövlət və qeyri-dövlət qurumlarının informasiya bazaları ilə qarşılıqlı inteqrasiyası, elektron xidmətlərin təşkili və dayanıqlılığının təmin edilməsi, informasiya sistemlərinə dəstəyin göstərilməsi və inkişaf etdirilməsi, informasiya sistemlərinin səmərəli və təhlükəsiz işinin təmin edilməsi və bu sahədə idarəetmə sisteminin təkmilləşdirilməsi istiqamətində fəaliyyət göstərir.
DOST Rəqəmsal İnnovasiyalar Mərkəzinin direktoru Kənan Əkpərovdur.
© 2023 DOST - Dayanıqlı və Operativ Sosial Təminat Agentliyi
