Azadlıqdan məhrum olunmuş vətəndaşlara əmək pensiyasının təyin edilməsi

1. Xidmətin adı

Azadlıqdan məhrum olunmuş vətəndaşlara əmək pensiyasının təyin edilməsi

2. Xidmətin məzmunu

Müəyyən müddətə və ömürlük azadlıqdan məhrum etmə növündə cəzaya məhkum edilmiş şəxslər əmək pensiyasının təyin edilməsi

3. Xidmətin aid olduğu təsnifat

Əmək pensiyası

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Sosial Müdafiə Fondu (Dövlət Sosial Müdafiə Fondu)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)

5. Xidmətin hüquqi əsası

“Əmək pensiyaları haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Sosial Müdafiə Fondunun Nizamnaməsi”

Azərbaycan Respublikası Nazirlər Kabinetinin 2022-ci il 28 aprel tarixli, 175 nömrəli Qərarı ilə təsdiq edilmiş “Əmək pensiyalarının təyin edilməsi, hesablanması, yenidən hesablanması, bir növdən başqa növə keçirilməsi və ödənilməsi Qaydası

6. Xidmətin həyata keçirilmə formaları

Poçt vasitəsilə
Xidmət yerinə cəzaçəkmə müəssisəsinin səlahiyyətli nümayəndəsi gəlməklə

7. Xidmətin həyata keçirilməsi və nəticəsi proseduru barədə məlumatlandırma forması

Birbaşa (yerində)
Poçt vasitəsilə

8. Xidmətin həyata keçirilməsinin nəticəsi

Əmək pensiyası təyin edilir və ya edilməsindən imtina edilir.

9. Xidmət istifadəçisi barədə məlumat

Azərbaycan Respublikası vətəndaşları
Azərbaycan Respublikasında daimi yaşayan əcnəbilər və vətəndaşlığı olmayan şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: Sənədlər quruma qəbul edildiyi vaxtdan10 (on) gün (pensiyanın təyin olunmasından imtina edildiyi halda 5 (beş) gün) müddətində

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

İş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Sosial Müdafiə Fondunun Mərkəzi və Regional Filiallarının inzibati binası

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Müəyyən müddətə və ömürlük azadlıqdan məhrum etmə növündə cəzaya məhkum edilmiş şəxsin şəxsiyyətini təsdiq edən sənədin(əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin) surəti

Müraciət nümayəndə vasitəsi ilə edildikdə, nümayəndənin səlahiyyətlərini təsdiqləyən sənəd

Sığorta stajına dair sənədlərin (əmək kitabçası, diplom, hərbi bilet, əyani təhsil və ya hərbi xidmət barədə arayış və ) surəti

Məhkəmə qərarı

Cəzaçəkmə müddətinin başlandığı və bitəcəyi tarix barədə məlumat

Cəza çəkilmə yeri barədə arayış

Məhkumun şəxsi hesabının nömrəsi

Məhkumun yerdəyişmələri haqqında məlumat

Qeyd: Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız daşıyıcıda təqdim edilir.

15. Xidmətin həyata keçirilməsi üçün inzibati prosedurlar

Əməkdaş tərəfindən müəyyən müddətə və ömürlük azadlıqdan məhrum etmə növündə cəzaya məhkum edilmiş şəxsə dair təqdim edilmiş sənədlərin tamlığı yoxlanılır

Sənədlərdə çatışmazlıqlar aşkar edildikdə, müraciətdə qeyd olunmuş əlaqə vasitələrindən birinə onun daxil olduğu tarixdən 5 (beş) iş günü müddətində həmin çatışmazlıqların aradan qaldırılması müddəti göstərilməklə bu barədə bildiriş göndərilir.

Çatışmazlıqlar aradan qaldırıldıqdan sonra müraciətdə qeyd olunmuş ünvana poçt vasitəsilə, yaxud Nazirliyin Mərkəzləşdirilmiş elektron informasiya sistemində (MEİS-də) olan əlaqə vasitələrindən (elektron poçt ünvanı və ya sms vasitəsilə) birinə məlumat göndərilməsi şərtilə müəyyən müddətə və ömürlük azadlıqdan məhrum etmə növündə cəzaya məhkum edilmiş şəxsə əmək pensiyasının təyin edilməsi ilə bağlı müraciətə yenidən baxılır və hüququnun yarandığı tarixdən pensiya təyin edilməsi və yaxud pensiya təyin edilməsindən imtina olunması barədə qərar qəbul edilir.

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

"İnzibati icraat haqqında" Azərbaycan Respublikası Qanununun 71-ci və 72-ci maddələrinə əsasən xidmət istifadəçiləri xidmətin göstərilməsindən edilən imtinadan yuxarı səlahiyyətli orqana inzibati qaydada şikayət verə bilər. Şikayət kağız üzərində və ya elektron qaydada tərtib oluna bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
“Elektron hökumət” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Elektronlaşdırılmayıb

19. Elektron xidmətin avtomatlaşdırılma səviyyəsi

Avtomatlaşdırılmayıb