Azadlıqdan məhrum olunmuş vətəndaşlara əmək pensiyasının təyin edilməsi

1. “Əmək pensiyaları haqqında" Azərbaycan Respublikasının Qanunu

2. “Əmək pensiyalarının təyin edilməsi, hesablanması, yenidən hesablanması, bir növdən başqa növə keçirilməsi və ödənilməsi Qaydası”nın təsdiq edilməsi barədə Azərbaycan Respublikası Nazirlər Kabinetinin 2022-ci il 28 aprel tarixli 175 nömrəli Qərarı

• Şəxsiyyət vəsiqəsi və ya ümumvətəndaş pasportu, əcnəbinin və vətəndaşlığı olmayan şəxsin daimi yaşamaq barədə vəsiqəsi
• Ümumi iş (sosial sığorta) stajını təsdiq edən sənədlər (əmək kitabçası, hərbi bilet və ya SHXÇDX-dən arayış, əyani təhsil dövrünü təsdiq edən müvafiq sənəd və s.)

Qeyd: MEİS-dən elektron məlumatların əldə edilməsi mümkün olmadıqda nəzərdə tutulan sənədlər tələb edilir.

1. "DOST" mərkəzinə müraciət edən cəzaçəkmə müəssisəsinin rəsmi qaydada təyin edilmiş nümayəndəsi pensiya istiqaməti üzrə növbə götürür.
2. Növbəsinə uyğun olaraq pensiya istiqaməti üzrə müvafiq masaya yaxınlaşır.
3. Əmək və Əhalinin Sosial Müdafiəsi Nazirliyinin Mərkəzləşdirilmiş Elektron İnformasiya Sistemindən (MEİS) elektron məlumatların əldə edilməsi mümkün olmadıqda, müraciət edən şəxs tələb olunan sənədləri sosial agentə təqdim edir.
4. Sosial agent təqdim edilən sənədlərin tamlığını yoxlayır və azadlıqdan məhrum olunmuş şəxsin e-sosial.az portalındakı məlumatlarını nəzərdən keçirir.
5. “Pensiya” altsistemi vasitəsilə azadlıqdan məhrum olunmuş şəxsin əmək pensiyaçısı olması barədə məlumatlar yoxlanılır.
6. “Sosial ödənişlər” altsistemi vasitəsilə azadlıqdan məhrum olunmuş şəxsin sosial müavinət alması barədə məlumatlar yoxlanılır.
7. “Əlillik” (TSERAS) altsistemi vasitəsilə azadlıqdan məhrum olunmuş şəxsin əlillik dərəcəsinin olub-olmaması barədə məlumatlar yoxlanılır.
8. e-sosial.az portalı vasitəsilə azadlıqdan məhrum olunmuş şəxsin fərdi şəxsi hesabında qeydə alınmış pensiya kapitalı barədə məlumatlar yoxlanılır.
9. “Əmək və Məşğulluq” altsistemi vasitəsilə azadlıqdan məhrum olunmuş şəxsin aktiv əmək müqaviləsi barədə məlumatlar yoxlanılır.
10. “Sığorta” altsistemi vasitəsilə azadlıqdan məhrum olunmuş şəxsin məcburi dövlət sosial sığorta ödəyicisi olub-olmadığı müəyyən edilir.
11. MEİS-in müvafiq altsistemlərindən əldə edilmiş məlumatlar müraciətə əlavə edilir.
12. Müvafiq qərarın qəbul edilməsi üçün müraciət sosial agent tərəfindən kargüzarlıq edilərək aidiyyəti üzrə Nazirliyin müvafiq struktur bölmələrinə göndərilir.
13. Müraciət yekunlaşdırılır və müraciəti təsdiq edən bildiriş iki nüsxədə çap edilərək bir nüsxəsi müraciət edən şəxsə təqdim edilir.
14. Xidmətin göstərilmə müddətinin bitməsinə ən azı bir iş günü qalmış azadlıqdan məhrum olunmuş şəxsin e-sosial.az portalındakı şəxsi kabinetinə qəbul edilən qərar barədə məlumat müvafiq struktur bölmə tərəfindən yerləşdirilir.