Uşağın anadan olmasına görə birdəfəlik sosial müavinətin təyin edilməsi

Proaktiv təyinat:

• 1 dekabr 2020-ci il tarixindən sonra doğulmuş uşaqlar üçün uşağın anadan olmasına görə birdəfəlik müavinət müraciət edilmədən Azərbaycan Respublikası Ədliyyə Nazirliyinin “Əhalinin Dövlət Reyestri” avtomatlaşdırılmış qeydiyyat informasiya sistemindən uşağın anadan olmasının qeydiyyatına dair əldə olunmuş məlumatlar əsasında avtomatlaşdırılmış qaydada təyin olunur

Müraciət əsasında təyinat:

       Hər iki valideyni işləməyən uşaqlara münasibətdə:

• Valideynlərin şəxsiyyətini təsdiq edən sənədlərin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)
• Uşağın doğum haqqında şəhadətnaməsinin surəti
• Uşağın doğum haqqında Azərbaycan Respublikası Ədliyyə Nazirliyinin rayon (şəhər) qeydiyyat şöbəsinin arayışı      

       Valideynlərindən biri işləyən, xeyrinə məcburi dövlət sosial sığorta ödənişləri edilən və 2021-ci il 1 yanvar tarixindən əvvəl doğulan uşaqlara münasibətdə:

• Müavinəti təyin edən komissiyanın protokolunun surəti
• Müavinət alan şəxsin bank rekvizitləri və ya poçt ünvanı
• Vətəndaşlıq vəziyyəti aktlarının dövlət qeydiyyatını aparan orqanlar tərəfindən verilmiş doğum haqqında arayış
• Uşağın anadan olmasına görə birdəfəlik müavinətlə bağlı haqq-hesab cədvəli
• Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Proaktiv təyinat:

• Azərbaycan Respublikasının Ədliyyə Nazirliyinin müvafiq altsistemlərindən yeni doğulmuş uşaqların doğum haqqında şəhadətnaməsi və valideynləri barədə məlumatlar Nazirliyin Mərkəzləşdirilmiş elektron informasiya sisteminə (MEİS) ötürülür
• MEİS-in “Sığorta” altsistemi vasitəsilə anadan olmuş uşağın valideynlərinin məcburi dövlət sosial sığorta (MDSS) ödəyicisi olub-olmaması yoxlanılır
• MDSS ödəyicisi olmayan şəxslərə MEİS-in “Sosial ödənişlər” altsistemi vasitəsilə müavinət təyinatı proaktiv qaydada həyata keçirilir

Müraciət əsasında təyinat:

       Hər iki valideyni işləməyən uşaqlara münasibətdə:

• Şəxs və ya onun nümayəndəsi müvafiq sənədlərlə birlikdə qeydiyyat üzrə Dövlət Sosial Müdafiə Fondunun regional filiallarına (qəbul şöbələrinə) və ya DOST mərkəzləri və filiallarına müraciət edir
• Müraciət etmiş şəxslər dinlənilir və müvafiq sənədlər qəbul edilir.
• Qəbul edilmiş sənədlər ərizə ilə birlikdə baxılması üçün Fondun Sosial Ödənişlərin Təyinatı üzrə Mərkəzi Filialına göndərilir
• Təqdim olunmuş sənədlərə Fondun Sosial Ödənişlərin Təyinatı üzrə Mərkəzi Filialında baxılır, müavinətin təyin edilməsi üçün hüquq yarandıqda qərar qəbul edilərək MEİS-in “Sosial ödənişlər” altsistemində təyinat aparılır  

       Valideynlərindən biri işləyən, xeyrinə məcburi dövlət sosial sığorta ödənişləri edilən və 2021-ci il 1 yanvar tarixindən əvvəl doğulan uşaqlara münasibətdə:

• Xeyrinə sığorta haqları ödənilən sığortaolunanlara və ya aktiv VÖEN-ə malik olmaqla məcburi dövlət sosial sığorta haqları üzrə borcu olmayan şəxslərə məcburi dövlət sosial sığorta vəsaitləri hesabına verilən müavinətin ödənilməsi ilə bağlı Nazirliyin təqdim etdiyi elektron xidmətlərdən istifadə etməklə sığortaedən tərəfindən haqq-hesab cədvəli sistemə daxil edilir
• Doğum haqqında arayışın əsli məktubla Dövlət Sosial Müdafiə Fondunun struktur bölməsinə təqdim edilir
• Təqdim edilmiş sənədlərin və məlumatların düzgünlüyü Dövlət Sosial Müdafiə Fondunun müvafiq struktur bölməsi tərəfindən yoxlanılır
• Təqdim edilimiş sənədlər və məlumatlar düzgün olduğu halda müavinət müraciətdə qeyd edilmiş rekvizitlər üzrə ödənişə göndərilir, əks halda imtina edilir

• “İnzibati icraat haqqında” Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən “İnzibati icraat haqqında” Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər