Dəfn üçün birdəfəlik müavinətin təyin edilməsi

1. “Sosial sığorta haqqında" Azərbaycan Respublikasının Qanunu

2. “Sosial müavinətlər haqqında” Azərbaycan Respublikasının Qanunu

3. “Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamə”nin təsdiq edilməsi barədə Azərbaycan Respublikası Nazirlər Kabinetinin 15 sentyabr 1998-ci il tarixli 189 nömrəli Qərarı

4. Azərbaycan Respublikası Nazirlər Kabinetinin 2015-ci il 21 sentyabr tarixli 311 nömrəli qərarı ilə təsdiq edilmiş “Sosial müavinətlərin, təqaüdlərin və kompensasiyaların təyin olunması üçün təqdim edilən sənədlərin rəsmiləşdirilməsi, baxılması və saxlanılması Qaydaları”

• Dəfni təşkil edən şəxsin şəxsiyyət vəsiqəsi
• Dəfni təşkil edən şəxs barədə yerli icra hakimiyyəti başçısının inzibati ərazi dairələri üzrə və ya sahə inzibati ərazi dairələri üzrə nümayəndələrinin arayışı
• Vəfat etmiş şəxsin ölüm haqqında şəhadətnaməsi
• Dəfn müavinətinin alınması üçün Ədliyyə Nazirliyinin rayon (şəhər) qeydiyyat şöbəsinin arayışı

Qeyd: MEİS-dən elektron məlumatların əldə edilməsi mümkün olmadıqda nəzərdə tutulan sənədlər tələb edilir.

1. "DOST" mərkəzinə müraciət edən şəxs sosial müavinətlər istiqaməti üzrə növbə götürür.
2. Növbəsinə uyğun olaraq sosial müavinətlər istiqaməti üzrə müvafiq masaya yaxınlaşır.
3. Əmək və Əhalinin Sosial Müdafiəsi Nazirliyinin Mərkəzləşdirilmiş Elektron İnformasiya Sistemindən (MEİS) elektron məlumatların əldə edilməsi mümkün olmadıqda, müraciət edən şəxs tələb olunan sənədləri sosial agentə təqdim edir.
4. Sosial agent təqdim edilən sənədlərin tamlığını yoxlayır və şəxsin e-sosial.az portalındakı məlumatları nəzərdən keçirir.
5. “Sosial ödənişlər” altsistemi vasitəsi ilə vəfat etmiş şəxsə görə əvvəllər birdəfəlik müavinətin alınması barədə məlumatlar yoxlanılır.
6. “Əmək və Məşğulluq” altsistemi vasitəsilə vəfat edən şəxsin vəfat etdiyi tarixə olan aktiv əmək müqaviləsi barədə məlumatlar yoxlanılır.
7. Şəxsin vəfat etdiyi anadək qüvvədə olan əmək müqaviləsi olduğu müəyyən edildikdə, müraciət edən şəxs müavinətin alınmasına görə vəfat edən şəxsin iş yerinə müraciət etməsi üçün yönləndirilir.
8. “Pensiya” və “Sosial Ödənişlər” altsistemləri vasitəsi ilə vəfat edən şəxsin pensiya və müavinət alması barədə məlumatlar yoxlanılır.
9. “Sığorta” altsistemi vasitəsilə şəxsin məcburi dövlət sosial sığorta ödəyicisi olub-olmadığı müəyyən edilir.
10. Vəfat edən şəxsin aktiv məcburi dövlət sosial sığorta ödəyicisi olduğu, təqaüd, müavinət və ya işsizlikdən sığorta ödənişi aldığı müəyyən edildiyi təqdirdə, müavinətin təyin edilməsi üçün müraciət sosial agent tərəfindən elektron sistemlərdən alınmış məlumatlar əlavə edilməklə qeydə alınır.
11. Müvafiq qərarın qəbul edilməsi üçün müraciət sosial agent tərəfindən kargüzarlıq edilərək aidiyyəti üzrə Nazirliyin müvafiq struktur bölmələrinə göndərilir.
12. Müraciət yekunlaşdırılır və müraciəti təsdiq edən bildiriş iki nüsxədə çap edilərək bir nüsxəsi müraciət edən şəxsə təqdim edilir.
13. Xidmətin göstərilmə müddətinin bitməsinə ən azı bir iş günü qalmış müraciət edən şəxsin e-sosial.az portalındakı şəxsi kabinetinə qəbul edilən qərar barədə məlumat müvafiq struktur bölmə tərəfindən yerləşdirilir.