Dəfn üçün birdəfəlik sosial müavinətin təyin edilməsi

Sosial müavinət alanlara münasibətdə:

• Vəfat etmiş şəxsin ölüm haqqında şəhadətnaməsinin surəti
• Dəfn müavinətinin alınması üçün Azərbaycan Respublikası Ədliyyə Nazirliyinin qeydiyyat şöbəsinin arayışı
• Müavinət alan şəxsin dəfnini təşkil edən şəxsin şəxsiyyətini təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)
• Dəfni təşkil edən şəxs barədə 2019-cu il martın 1-dək vəfat etmiş şəxslərə münasibətdə yerli icra hakimiyyəti başçısının inzibati ərazi dairəsi üzrə və ya sahə inzibati ərazi dairəsi üzrə nümayəndəsinin arayışı, 2019-cu il martın 1-dən sonra vəfat etmiş şəxslərə münasibətdə bələdiyyənin arayışı
• Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Sığortaolunanlara münasibətdə:

• Müavinətin təyin edilməsi ilə bağlı komissiyanın protokolunun surəti
• Vətəndaşlıq vəziyyəti aktlarının dövlət qeydiyyatını aparan orqanları tərəfindən verilmiş ölüm haqqında arayışın surəti: elektron formada və əsli məktubla
• Öləni dəfn etməyi öhdəsinə götürmüş şəxs barədə bələdiyyə tərəfindən verilmiş arayış
• Dəfn üçün müavinətlə bağlı haqq-hesab cədvəli
• Müavinət alan şəxsin bank rekvizitləri və ya poçt ünvanı
• Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Əmək pensiyaçılarına münasibətdə:

• Əmək pensiyaçısının ölüm haqqında şəhadətnaməsinin surəti
• Dəfn müavinətinin alınması üçün Azərbaycan Respublikası Ədliyyə Nazirliyinin rayon (şəhər) qeydiyyat şöbəsinin arayışı -
• Dəfni təşkil edən şəxsin şəxsiyyətini təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)
• Dəfni təşkil edən şəxs barədə 2019-cu il martın 1-dək vəfat etmiş şəxslərə münasibətdə yerli icra hakimiyyəti başçısının inzibati ərazi dairəsi üzrə və ya sahə inzibati ərazi dairəsi üzrə nümayəndəsinin arayışı, 2019-cu il martın 1-dən sonra vəfat etmiş şəxslərə münasibətdə bələdiyyənin arayışı
• Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Sosial müavinət alanlara münasibətdə:

• Xidmət istifadəçiləri qeydiyyat üzrə Dövlət Sosial Müdafiə Fondunun regional filiallarına və ya DOST mərkəzlərinə və filiallarına müraciət edərək müvafiq sənədləri təqdim edirlər
• Regional filiallar və mərkəzlər tərəfindən sənədlərin tamlığı və düzgünlüyü yoxlanılaraq qəbul edilir
• Qəbul edilmiş sənədlər ərizə ilə birgə baxılması üçün Fondun Sosial Ödənişlərin Təyinatı üzrə Mərkəzi Filialına göndərilir
• Təqdim olunmuş sənədlərə Fondun Sosial Ödənişlərin Təyinatı üzrə Mərkəzi Filialında baxılır, müavinətin təyin edilməsi üçün hüquq yarandıqda qərar qəbul edilərək Nazirliyin Mərkəzləşdirilmiş elektron informasiya sisteminin (MEİS) “Sosial ödənişlər” altsistemində təyinat aparılır, əks halda imtina edilir

Sığortaolunanlara münasibətdə:

• Ölən şəxsin vəfat etdiyi tarixə işləyən və xeyrinə məcburi dövlət sosial sığorta ödənişi edilən şəxs olduğu və yaxud aktiv VÖEN-i olmasına baxmayaraq məcburi dövlət sosial sığorta haqları üzrə borcu olmadıqda məcburi dövlət sosial sığorta vəsaitləri hesabına verilən müavinətin ödənilməsi ilə bağlı Nazirliyin təqdim etdiyi elektron xidmətlərdən istifadə etməklə sığortaedən tərəfindən haqq-hesab cədvəli sistemə daxil edilir
• Ölüm haqqında arayışın əsli məktubla Fondun Sosial Sığorta və Fərdi Uçot üzrə Mərkəzi Filialına təqdim edilir
• Təqdim edilmiş sənəd və məlumatların tamlığı və düzgünlüyü Fondun Sosial Sığorta və Fərdi Uçot üzrə Mərkəzi Filialı tərəfindən yoxlanılır
• Təqdim edilimiş məlumatlar düzgün olduğu halda müavinət öləni dəfn etməyi öhdəsinə götürmüş şəxsin rekvizitləri üzrə ödənişə göndərilir, əks halda imtina edilir

Əmək pensiyaçılarına münasibətdə:

• Xidmət istifadəçiləri qeydiyyat üzrə Dövlət Sosial Müdafiə Fondunun regional filiallarına (qəbul şöbələrinə), DOST mərkəzlərinə və filiallarına, və ya “ASAN xidmət” mərkəzlərinə müraciət edərək müvafiq sənədləri təqdim edirlər
• Regional filiallar və mərkəzlər tərəfindən sənədlərin tamlığı və düzgünlüyü yoxlanılaraq qəbul edilib baxılması üçün Fondun Maliyyə və Mühasibatlıq üzrə Mərkəzi Filialına göndərilir
• Müavinətin təyin edilməsi üçün hüquq yarandıqda Fondun Maliyyə və Mühasibatlıq üzrə Mərkəzi Filialı tərəfindən ödənişi həyata keçirilir, əks halda imtina edilir

• "İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər