Dövlət qulluqçularına ömürlük aylıq sosial müavinətin təyin edilməsi

1. Xidmətin adı

Dövlət qulluqçularına ömürlük aylıq sosial müavinətin təyin edilməsi

2. Xidmətin məzmunu

İnzibati və yardımçı vəzifələri tutan, pensiya yaşına çatmasına və ya əlilliyinə görə könüllü işdən çıxan, həmçinin dövlət qulluğu vəzifəsində minimum qulluq stajına (15 il) və əmək pensiyası almaq hüququna malik olmayan dövlət qulluqçularına sosial yardım göstərilməsi məqsədi ilə dövlət büdcəsinin vəsaiti hesabına aylıq ömürlük sosial müavinətin təyin edilməsi

3. Xidmətin aid olduğu təsnifat

Sosial müavinət

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Sosial Müdafiə Fondu (Dövlət Sosial Müdafiə Fondu)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)

5. Xidmətin hüquqi əsası

1. “Sosial müavinətlər haqqında” Azərbaycan Respublikasının Qanunu

2. “Dövlət qulluğu haqqında” Azərbaycan Respublikasının Qanunu

3. Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

4. “Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

5. Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Sosial Müdafiə Fondunun Nizamnaməsi”

6.Azərbaycan Respublikası Nazirlər Kabinetinin 2024-cü il 30 iyul tarixli 368 nömrəli Qərarı ilə təsdiq edilmiş "Sosial ödənişlərin təyin edilməsi, ödənilməsi, ödənişinin dayandırılması və sosial ödəniş işlərinin mühafizəsi Qaydası”

7. Azərbaycan Respublikası Nazirlər Kabinetinin 2004-cü il 4 fevral tarixli 7 nömrəli Qərarı ilə təsdiq edilmiş “Pensiya yaşına çatmasına, o cümlədən əlilliyinə görə könüllü işdən çıxmış, dövlət qulluğu vəzifəsində “Dövlət qulluğu haqqında” Azərbaycan Respublikası Qanununun 23.2-ci maddəsi ilə müəyyən edilmiş minimum 15 il qulluq stajına və əmək pensiyası almaq hüququna malik olmayan dövlət qulluqçularına təyin edilən ömürlük müavinətin təyin olunması Qaydası”

6. Xidmətin həyata keçirilmə formaları

Xidmət yerinə şəxsən və ya nümayəndəsi gəlməklə
Poçt vasitəsilə
Elektron qaydada

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Birbaşa (yerində)
Poçt vasitəsilə
Çağrı mərkəzi vasitəsilə

8. Xidmətin həyata keçirilməsinin nəticəsi

Dövlət qulluqçularına ömürlük aylıq sosial müavinət təyin olunur və ya təyin olunmasından imtina edilir

9. Xidmət istifadəçisi barədə məlumat

Azərbaycan Respublikası vətəndaşları

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: 10 (on) gün (müavinətin təyin olunmasından imtina edildiyi halda 5 (beş) gün) müddətində

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

İş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Sosial Müdafiə Fondunun Mərkəzi və Regional Filiallarının inzibati binası

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Müraciət edən şəxsin şəxsiyyətini təsdiq edən sənədin surəti

Dövlət qulluqçusunun dövlət məvacibi barədə dövlət orqanının arayışı

Əmək kitabçasının surəti və ya əmək kitabçasından çıxarış

Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd

Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

15. Xidmətin həyata keçirilməsi üçün inzibati prosedurlar

Xidmət istifadəçiləri və ya nümayəndələri qeydiyyat üzrə Dövlət Sosial Müdafiə Fondunun regional filiallarına (qəbul şöbələrinə) və ya DOST mərkəzləri və filiallarına müraciət edərək müvafiq sənədi təqdim edirlər

Qəbul edilmiş sənədlər ərizə ilə birlikdə baxılması üçün Fondun Sosial Ödənişlərin Təyinatı üzrə Mərkəzi Filialına göndərilir

Təqdim olunmuş sənədlərə Fondun Sosial Ödənişlərin Təyinatı üzrə Mərkəzi Filialında baxılır, müavinətin təyin edilməsi üçün hüquq yarandıqda qərar qəbul edilərək Nazirliyin Mərkəzləşdirilmiş elektron informasiya sisteminin (MEİS) “Sosial ödənişlər” altsistemində təyinat aparılır, əks halda imtina edilir

Təyin edilmiş müavinət üzrə ödəniş Fondun Maliyyə və Mühasibatlıq üzrə Mərkəzi Filialı tərəfindən həyata keçirilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

“İnzibati icraat haqqında” Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən “İnzibati icraat haqqında” Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Qismən elektronlaşdırılıb

19. Elektron xidmətin avtomatlaşdırılma səviyyəsi

Avtomatlaşdırılmayıb