Üç yaşınadək uşağa qulluğa görə aylıq sosial müavinətin təyin edilməsi

1. Xidmətin adı

Üç yaşınadək uşağa qulluğa görə aylıq sosial müavinətin təyin edilməsi

2. Xidmətin məzmunu

Sığortaedənin təqdim etdiyi təsdiqedici sənədlərə əsasən uşağa üç yaşınadək qulluğa görə məzuniyyətə çıxmış sığortaolunana müavinətin verilməsi

3. Xidmətin aid olduğu təsnifat

Sosial müavinət

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Sosial Müdafiə Fondu (Dövlət Sosial Müdafiə Fondu)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)

5. Xidmətin hüquqi əsası

1. Azərbaycan Respublikasının Əmək Məcəlləsi

2. “Sosial sığorta haqqında” Azərbaycan Respublikasının Qanunu

3. “Sosial müavinətlər haqqında” Azərbaycan Respublikasının Qanunu

4. Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

5. “Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

6. Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Sosial Müdafiə Fondunun Nizamnaməsi”

7. Azərbaycan Respublikasının Nazirlər Kabinetinin 1998-ci il 15 sentyabr tarixli 189 nömrəli Qərarı ilə təsdiq edilmiş “Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamə”

6. Xidmətin həyata keçirilmə formaları

Xidmət yerinə şəxsən və ya nümayəndəsi gəlməklə
Poçt vasitəsilə
Elektron qaydada

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Birbaşa (yerində)
Poçt vasitəsilə
Çağrı mərkəzi vasitəsilə

8. Xidmətin həyata keçirilməsinin nəticəsi

Üç yaşınadək uşağa qulluğa görə müavinət təyin olunur və ya təyin olunmasından imtina edilir

9. Xidmət istifadəçisi barədə məlumat

Azərbaycan Respublikası vətəndaşları
Azərbaycan Respublikasında daimi yaşayan əcnəbilər və vətəndaşlığı olmayan şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: 10 (on) gün (müavinətin təyin olunmasından imtina edildiyi halda 5 (beş) gün) müddətində

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24

12. Xidmətin göstərilmə yeri

DOST mərkəzləri və filiallarının inzibati binası
Dövlət Sosial Müdafiə Fondunun Mərkəzi və Regional Filiallarının inzibati binası

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Müavinətin təyin edilməsi ilə bağlı komissiyanın protokolunun surəti

Uşağın doğum haqqında şəhadətnaməsinin surəti

Uşağa qulluq edilməsinə görə qismən ödənilən məzuniyyətin verilməsi barədə əmrdən (sərəncamdan) çıxarışın surəti

Uşağın üç yaşı tamam olanadək ona qulluq etməyə görə müavinətlə bağlı haqq-hesab cədvəli

Müavinət alan şəxsin bank rekviziti və ya poçt ünvanının (faktiki yaşayış ünvanı) surəti

Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd

Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

15. Xidmətin həyata keçirilməsi üçün inzibati prosedurlar

Müavinətin ödənilməsi ilə bağlı Nazirliyin təqdim etdiyi elektron xidmətlərdən istifadə etməklə sığortaedən tərəfindən haqq-hesab cədvəli sistemə daxil edilir

Dövlət Sosial Müdafiə Fondunun müvafiq struktur bölməsi tərəfindən təqdim edilmiş sənədlərin və məlumatların düzgünlüyü yoxlanılır

Təqdim edilimiş məlumatlar düzgün olduğu halda müavinət qeyd edilən rekvizitlər üzrə ödənişə göndərilir, əks halda imtina edilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

“İnzibati icraat haqqında” Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən “İnzibati icraat haqqında” Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
“Elektron hökumət” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Elektronlaşdırılıb

19. Elektron xidmətin avtomatlaşdırılma səviyyəsi

Avtomatlaşdırılmayıb