“Ümumi xəstəlik”, “hərbi xidmət dövründə xəstələnmə”, “əmək zədəsi və peşə xəstəliyi”, “hərbi əməliyyatlar keçirilən zonada olmaqla əlaqədar”, “Çernobıl AES-də qəzanın ləğvi ilə əlaqədar” əlilliyə görə aylıq sosial müavinətin təyin edilməsi

• Müraciət edən şəxsin şəxsiyyətini təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)
• Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Proaktiv təyinat:

• Dövlət tibb müəssisələrinin göndərişləri əsasında Nazirliyin Mərkəzləşdirilmiş elektron informasiya sisteminin (MEİS) “Əlillik” altsistemi vasitəsilə şəxsin əlilliyi müəyyən edilir.
• MEİS-in “Pensiya” altsistemi vasitəsilə şəxsin əmək pensiyası almaq hüququ yoxlanılır.
• Müvafiq məlumatlar MEİS-in “Əlillik” və “Pensiya” altsistemlərindən MEİS-in “Sosial ödənişlər” altsisteminə inteqrasiya olunur
• Əmək pensiyası almaq hüququ olmayan şəxslərə MEİS-in “Sosial ödənişlər” altsistemində əlilliyə görə aylıq sosial müavinət təyinatı proaktiv qaydada həyata keçirilir

Müraciət əsasında təyinat:

• Xidmət istifadəçiləri və ya onların nümayəndələri qeydiyyat üzrə Dövlət Sosial Müdafiə Fondunun regional filiallarına (qəbul şöbələrinə) və ya DOST mərkəzlərinə və filiallarına müraciət edərək müvafiq sənədi təqdim edirlər
• Qəbul edilmiş sənədlər ərizə ilə birlikdə baxılması üçün Fondun Sosial Ödənişlərin Təyinatı üzrə Mərkəzi Filialına göndərilir
• Təqdim olunmuş sənədlərə Fondun Sosial Ödənişlərin Təyinatı üzrə Mərkəzi Filialında baxılır, müavinətin təyin edilməsi üçün hüquq yarandıqda qərar qəbul edilərək Nazirliyin MEİS-in “Sosial ödənişlər” altsistemində təyinat aparılır, əks halda imtina edilir
• Təyin edilmiş müavinət üzrə ödəniş Fondun Maliyyə və Mühasibatlıq üzrə Mərkəzi Filialı tərəfindən həyata keçirilir

• “İnzibati icraat haqqında” Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən “İnzibati icraat haqqında” Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər