18 yaşınadək əlilliyi müəyyən edilmiş uşaqlara qulluq edən şəxslərə Azərbaycan Respublikası Prezidentinin təqaüdünün təyin edilməsi

Şəxsiyyəti təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti) -

• 18 yaşınadək əlilliyi müəyyən edilmiş şəxslə qohumluq əlaqəsini təsdiq edən sənədlərin surəti
• 18 yaşınadək əlilliyi müəyyən edilmiş şəxslə qohumluq əlaqəsi olmayan şəxsə münasibətdə qəyyum (himayəçi) təyin edilməsi barədə qəyyumluq və himayəçilik orqanının qərarının surəti
• Şəxsin əlilliyini müəyyən edən tibbi-sosial ekspertiza müayinəsinin nəticəsi barədə çıxarış (TSEK-nin qərarı)

      Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd

• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Proaktiv təyinat:

• Dövlət tibb müəssisələrinin göndərişləri əsasında Nazirliyin Mərkəzləşdirilmiş elektron informasiya sisteminin (MEİS) “Əlillik” altsistemi vasitəsilə şəxsin əlilliyi müəyyən edilir.
• MEİS-in “Əlillik” altsistemi və MEİS-ə inteqrasiya olunmuş Azərbaycan Respublikasının Ədliyyə Nazirliyinin müvafiq altsistemləri vasitəsilə əlilliyi müəyyən olunmuş şəxsə qulluq edən şəxs müəyyən olunur
• MEİS-in “Sosial ödənişlər” altsistemində təqaüd təyinatı proaktiv qaydada həyata keçirilir

Müraciət əsasında təyinat:

• Xidmət istifadəçiləri qeydiyyat üzrə Dövlət Sosial Müdafiə Fondunun regional filiallarına (qəbul şöbələrinə) və ya DOST mərkəzlərinə və filiallarına müraciət edərək müvafiq sənədləri təqdim edirlər
• Qəbul edilmiş sənədlər ərizə ilə birlikdə baxılması üçün Fondun Sosial Ödənişlərin Təyinatı üzrə Mərkəzi Filialına göndərilir
• Təqdim olunmuş sənədlərə Fondun Sosial Ödənişlərin Təyinatı üzrə Mərkəzi Filialında baxılır, təqaüdün təyin edilməsi üçün hüquq yarandıqda qərar qəbul edilərək MEİS-in “Sosial ödənişlər” altsistemində təyinat aparılır, əks halda imtina edilir
• Təyin edilmiş təqaüd üzrə ödəniş Fondun Maliyyə və Mühasibatlıq üzrə Mərkəzi Filialı tərəfindən həyata keçirilir

• “İnzibati icraat haqqında” Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən “İnzibati icraat haqqında” Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər