Şəhid ailəsi üçün Azərbaycan Respublikası Prezidentinin təqaüdünün təyin edilməsi

• Şəhid statusunu təsdiq edən sənədin surəti
• Şəhidin ölüm haqqında şəhadətnaməsinin surəti
• Təqaüdü almaq hüququ olan ailə üzvləri barədə məlumat (şəxsin şəhidlə qohumluğunu təsdiq edən doğum, nikah və vəfat etmiş ailə üzvlərinin ölüm haqqında şəhadətnamələrinin surəti)
• Şəhidin dul arvadının yeni nikaha daxil olub-olmaması barədə Azərbaycan Respublikası Ədliyyə Nazirliyinin rayon (şəhər) qeydiyyat şöbəsinin arayışı
• Şəhidin 18-23 yaş arası övladına, qardaş və bacılarına münasibətdə onun əyani təhsil alması barədə təhsil müəssisəsinin arayışı
• Şəhidin 18 yaşına çatanadək əlilliyi müəyyən edilmiş 18 yaşından yuxarı əlilliyi olan övladlarının əlilliyini müəyyən edən tibbi-sosial ekspertiza müayinəsinin nəticəsi barədə çıxarış (TSEK-in qərarı)
• Şəhidin qardaş və bacılarının uşaq evlərində tərbiyə olunmasını təsdiq edən sənəd
• Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

Proaktiv təyinat:

• Müvafiq orqanlar tərəfindən şəxsin “Şəhid” olması və ailə üzvləri barədə məlumat Nazirliyin Mərkəzləşdirilmiş elektron informasiya sisteminin (MEİS) “Zəfər” altsisteminə daxil edilir.
• MEİS-in “Zəfər” altsistemində olan məlumatlar MEİS-in “Sosial ödənişlər” altsisteminə inteqrasiya edilir.
• “Sosial ödənişlər” altsistemi vasitəsilə şəxslərə təqaüd təyinatı proaktiv qaydada həyata keçirilir.

Müraciət əsasında təyinat;

• Xidmət istifadəçiləri və ya onların nümayəndələri qeydiyyat üzrə Dövlət Sosial Müdafiə Fondunun regional filiallarına (qəbul şöbələrinə) və ya DOST mərkəzlərinə və filiallarına müraciət edərək müvafiq sənədləri təqdim edirlər
• Qəbul edilmiş sənədlər ərizə ilə birlikdə baxılması üçün Fondun Sosial Ödənişlərin Təyinatı üzrə Mərkəzi Filialına göndərilir
• Təqdim olunmuş sənədlərə Fondun Sosial Ödənişlərin Təyinatı üzrə Mərkəzi Filialında baxılır, təqaüdün təyin edilməsi üçün hüquq yarandıqda qərar qəbul edilərək MEİS-in “Sosial ödənişlər” altsistemində təyinat aparılır, əks halda imtina edilir

• “İnzibati icraat haqqında” Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən “İnzibati icraat haqqında” Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər