Ahıllıqla əlaqədar özünəqulluq qabiliyyəti, habelə onlara qulluq və kömək edə biləcək əməkqabiliyyətli qohumları və ya qanuni nümayəndələri olmayan şəxslərin (ailələrin) sosial xidmət müəssisələrinə qəbul edilməsi

1. 30 dekabr 2011-ci il tarixli, 275-IVQ nömrəli “Sosial xidmət haqqında” Azərbaycan Respublikasının Qanunu

2. “Çətin həyat şəraitində olan şəxslərin (ailələrin) dövlət sosial xidmət müəssisələrinə yerləşdirilməsi Qaydası”nın təsdiq edilməsi barədə Azərbaycan Respublikasının Nazirlər Kabinetinin 5 noyabr 2013-cü il tarixli, 320 nömrəli Qərarı

• Sosial xidmət müəssisəsinə yerləşdiriləcək şəxsin şəxsiyyət vəsiqəsi, əcnəbini və vətəndaşlığı olmayan şəxsin daimi yaşamaq üçün icazə vəsiqəsi
• Yoluxucu xəstəliklərin daşıyıcısı olmaması və psixi sağlamlıq vəziyyəti barədə məlumat göstərilməklə, sağlamlıq haqqında tibbi arayış
• 3x4 ölçüdə 2 ədəd fotoşəkil
• Şəxsin yaşayış yeri üzrə qeydiyyatda olan şəxslər barədə müvafiq arayış
• Onunla eyni yaşayış məntəqəsində ona baxmağa borclu olan əmək qabiliyyətli ailə üzvlərinin olmamasını təsdiq edən sənəd (həmin şəxslərin şəxsiyyət vəsiqələri)

Qeyd: MEİS-dən elektron məlumatların əldə edilməsi mümkün olmadıqda nəzərdə tutulan sənədlər tələb edilir.

1. Ahıllıqla əlaqədar özünəqulluq qabiliyyəti, habelə onlara qulluq və kömək edə biləcək əmək qabiliyyətli qohumları və ya qanuni nümayəndələri olmayan şəxslər (ailələr) və ya onların qohumları, qanuni nümayəndəsi (qəyyumu, himayəçisi), bələdiyyələr, qeyri-hökumət təşkilatları, habelə həmin şəxslərin razılığı ilə digər şəxslər sosial xidmət müəssisəsinə yerləşdirilmələri üçün müraciət edə bilər.

2. "DOST" mərkəzinə müraciət edən şəxs sosial xidmətlər istiqaməti üzrə növbə götürür.

3. Növbəsinə uyğun olaraq sosial xidmətlər üzrə müvafiq masaya yaxınlaşır və sənədləri sosial xidmətlər üzrə sosial agentə təqdim edir.

4. Mərkəzin Sosial xidmət məsələləri üzrə sosial agenti tərəfindən sənədlərin tamlığı yoxlanılır.

5. Sənədlərin tamlığı yoxlanıldıqdan sonra müraciət edən şəxs müraciət ərizəsi yazır. (zərurət yarandıqda DOST könüllüləri tərəfindən vətəndaşa köməklik göstərilir)

6. Ərizənin elektron surəti müraciətə əlavə edilir.

7. Müraciət sosial agent tərəfindən müraciət edən şəxsin sosial xidmət müəssisəsinə yerləşdirilməsinə qərar verilməsi üçün aidiyyəti üzrə arxa ofisə göndərilir.

8. Xidmətin göstərilmə müddətinin bitməsinə ən az bir iş günü qalmış sosial agent tərəfindən müraciət edən şəxsin E-sosial portalındakı şəxsi kabinetinə arxa ofis tərəfindən qəbulı edilmiş qərar barədə məlumat yerləşdirilir.