Uşaqlar üçün dövlət sosial xidmət müəssisələrinin habelə ümumi təyinatlı internat tipli və internat tipli xüsusi ümumtəhsil məktəblərinin valideynlərini itirmiş və yavalideyn himayəsindən məhrum olmuş məzunlarının “Məzun evi” sosial müəssisəsində mənzillə təmin edilməsi

1. Xidmətin adı

2. Xidmətin məzmunu

Uşaqlar üçün sosial xidmət müəssisələrinin və təhsil müəssisələrinin valideyn himayəsindən məhrum olmuş məzunlarının “Məzun evi” sosial müəssisəsində mənzillə təmin olunması

3. Xidmətin aid olduğu təsnifat

Sosial xidmət

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Sosial Xidmətlər Agentliyi (Sosial Xidmətlər Agentliyi)

5. Xidmətin hüquqi əsası

“Sosial xidmət haqqında” Azərbaycan Respublikasının Qanunu

“Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Sosial Xidmətlər Agentliyinin Nizamnaməsi”

Azərbaycan Respublikasının Əmək və Əhalinin Sosial Müdafiəsi Nazirliyinin 2021-ci il 26 fevral tarixli 21050000084 nömrəli Qərarı ilə təsdiq edilmiş “Uşaqlar üçün sosial xidmət müəssisələrinin və təhsil müəssisələrinin valideyn himayəsindən məhrum olmuş məzunları üçün məzun evi sosial xidmət müəssisəsi”nin Nizamnaməsi”

6. Xidmətin həyata keçirilmə formaları

Xidmət yerinə şəxsən gəlməklə
Özünəxidmət (Elektron sistemlər vasitəsilə)

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Poçt vasitəsilə
Çağrı mərkəzi vasitəsilə
Şəxsən (yerində)

8. Xidmətin həyata keçirilməsinin nəticəsi

9. Xidmət istifadəçisi barədə məlumat

Azərbaycan Respublikası vətəndaşları

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: Məlumatların işlənilməsi və emalından sonra

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

Sosial Xidmətlər Agentliyinin yerli qurumlarının inzibati binası
Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzləri (VƏM)
“DOST” mərkəzlərinin inzibati binaları

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Ərizə

Şəxsiyyəti təsdiq edən sənədin surəti

Yoluxucu xəstəliklərin daşıyıcısı olmaması və psixi sağlamlıq vəziyyəti barədə məlumat göstərilməklə, sağlamlıq haqqında tibbi arayış

Dövlət uşaq müəssisəsi tərəfindən verilmiş arayış (dövlət uşaq müəssisəsini tərk etməsi və valideynlərini itirməsi və ya valideyn himayəsindən məhrum olması, yaşayış sahəsinin olmaması barədə məlumat göstərilməklə)

Orta təhsil haqqında attestat

Valideyn(lər)in ölüm haqqında şəhadətnaməsi

Qeydiyyatda olduğu şəhər (rayon) icra hakimiyyətində valideyn himayəsindən məhrum olmuş şəxs kimi güzəştli mənzil növbəsinə alınma barədə Sərəncam

Daşınmaz Əmlakın Dövlət Reyestrindən arayış

Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir

15. Xidmətin həyata keçirilməsi üçün inzibati prosedurlar

Vətəndaşlar müvafiq imtiyazı üzrə mənzil təminatı məsələsinə baxılması üçün Sosial Xidmətlər Agentliyinin yerli qurumlarına, “DOST” mərkəzlərinə və ya VƏM-ə müraciət edir

Sosial Xidmətlər Agentliyinin mütəxəssisi tərəfindən müraciət edən şəxsin sosial xidmətə olan tələbatı qiymətləndirilir

Sosial Xidmətlər Agentliyi tərəfindən müvafiq dövlət qurumlarına sorğu nəticəsində müraciət edən şəxsin məzun olduğu müəssisədən məlumatlar (olduğu illər - gün, ay, il formasında, valideynləri və ya qəyyumları tərəfindən ziyarət edilib-edilməməsi, valideynləri haqqında ümumi məlumat (əgər varsa), himayəyə qaytarılıb-qaytarılmaması, neçənci sinfi bitirməsi və s.) əldə olunur

Sosial Xidmətlər Agentliyində yaradılmış işçi qrupu tərəfindən əldə olunmuş məlumatların işlənməsi və emalı prosesi həyata keçirildikdən sonra müvafiq qərar qəbul edilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
“Elektron hökumət” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Elektronlaşdırılıb

19. Elektron xidmətin avtomatlaşdırılma səviyyəsi

Avtomatlaşdırılmayıb