Himayədar ailə ilə bağlı müraciətlərin qəbul edilməsi

1. Xidmətin adı

Himayədar ailə ilə bağlı müraciətlərin qəbul edilməsi

2. Xidmətin məzmunu

Himayədar valideyn olmaq istəyən Azərbaycan Respublikasında daimi yaşayan Azərbaycan Respublikası vətəndaşlarının müraciətlərinin qəbul edilməsi və onların vahid uçotunun elektron qaydada aparılmasının təmin edilməsi

3. Xidmətin aid olduğu təsnifat

Övladlığagötürmə ilə bağlı xidmətlər

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Sosial Xidmətlər Agentliyi (Sosial Xidmətlər Agentliyi)

5. Xidmətin hüquqi əsası

Azərbaycan Respublikasının Ailə Məcəlləsinin 142-ci, 142-1-ci və 144-cü maddələri

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”nin 1.1-ci bəndi və 2.1.1-1-ci yarımbəndi

Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı ilə təsdiq edilmiş “DOST” mərkəzlərində göstərilən xidmətlərin siyahısı”nın 9-2.1-ci bəndi Azərbaycan Respublikası Prezidentinin 2019-cu il 15 aprel tarixli 634 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyinin “Mərkəzləşdirilmiş elektron informasiya sistemi haqqında Əsasnamə”nin 2.3.15-ci yarımbəndi

Azərbaycan Respublikası Prezidentinin 2020-ci il 27 fevral tarixli 946 nömrəli Fərmanı ilə təsdiq edilmiş “Valideyn himayəsindən məhrum olmuş uşaqların övladlığa götürülməsi, o cümlədən Azərbaycan Respublikasının vətəndaşı olan uşaqların əcnəbilər və vətəndaşlığı olmayan şəxslər tərəfindən övladlığa götürülməsi Qaydası”nın 2.16-cı bəndi

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Sosial Xidmətlər Agentliyinin Nizamnaməsi”nin 1.1-ci bəndi

“Uşaqların valideyn himayəsindən məhrum olmasının qarşısının alınması və hüquqlarının müdafiəsinin gücləndirilməsi ilə bağlı bəzi məsələlər haqqında” Azərbaycan Respublikası Prezidentinin 2022-ci il 15 fevral tarixli 1599 nömrəli Fərmanının 1-ci hissəsi

Azərbaycan Respublikası Nazirlər Kabinetinin 2000-ci il 15 avqust tarixli 141 nömrəli Qərarı ilə təsdiq edilmiş “Övladlığa götürməyə, qəyyumluğa və himayəyə imkan verməyən xəstəliklərin Siyahısı”

6. Xidmətin həyata keçirilmə formaları

Elektron qaydada

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Birbaşa (yerində)
Poçt vasitəsilə
Çağrı mərkəzi vasitəsilə

8. Xidmətin həyata keçirilməsinin nəticəsi

Himayədar valideyn olmaq istəyən şəxs(lər)in himayədar ailə olmaq barədə Nazirliyə ünvanladığı ərizə “Valideyn himayəsindən məhrum olmuş uşaqlar, himayədar ailə və övladlığagötürmə” altsisteminə daxil edildiyi andan valideyn-namizədin müraciəti qəbul edilir və Azərbaycan Respublikasının Ailə Məcəlləsinin 142-1-ci maddəsinə uyğun olaraq uçota alınır.

9. Xidmət istifadəçisi barədə məlumat

Azərbaycan Respublikasında daimi yaşayan Azərbaycan Respublikası vətəndaşları

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: Müraciət edən subyektlər tərəfindən sənədlərin təqdim edilməsindən asılı olaraq növbəlilik qaydasında

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Sosial Xidmətlər Agentliyinin Aparatı və yerli qurumlarının inzibati binası

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Tələb olunan sənədlər:

Elektron qaydada ərizə

Himayədar valideyn olmaq istəyən şəxs(lər) və ailə üzvləri barədə fərdi məlumatlar

Ailə vəziyyəti barədə məlumat

Qanunvericilikdə nəzərdə tutulmuş xəstəliklərin olub-olmamasına dair (psixiatrın rəyi də daxil olmaqla) himayədar valideyn olmaq istəyən şəxs(lər)in əyani tibbi müayinəsi əsasında İcbari Tibbi Sığorta Agentliyinin sağlamlıq haqqında arayışı

Təhsili (peşəsi), iş yeri, vəzifəsi barədə məlumatlar

Əməkhaqqı və başqa gəlirləri barədə məlumat (o cümlədən son 12 aylıq dövr üçün bank hesabından çıxarış, mülkiyyətində olan daşınmaz əmlak və nəqliyyat vasitələri barədə məlumat)

Qanunvericiliklə nəzərdə tutulmuş cinayətlərlə bağlı məhkumluğunun olub-olmadığına dair məlumatlar (məhkəmənin qanuni qüvvəyə minmiş hökmünün tarixi, cəzanın növü, müddəti, habelə azadedilmə tarixi, azadedilmə üçün əsas)

Aliment, kredit və digər maliyyə öhdəlikləri barədə məlumat

Öz qohumunu (bacı, qardaş, nəvə, qardaşın və ya bacının övladı, valideynlərinin bacı və ya qardaşının övladları) himayəyə götürdükdə – qohumluq əlaqələrinin təsdiqi barədə sənəd

Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir

15. Xidmətin həyata keçirilməsi üçün inzibati prosedurlar

Notariat qaydasında təsdiq edilən ərizə Azərbaycan Respublikasının Ədliyyə Nazirliyinin “Elektron notariat” informasiya sistemi vasitəsilə Altsistemə ötürüldükdən sonra himayədar valideyn olmaq istəyən şəxs(lər) tərəfindən himayədar ailə ilə bağlı müraciət etmək üçün Nazirliyin “e-sosial.az” internet portalında “Valideyn himayəsindən məhrum olmuş uşaqlar, himayədar ailə və övladlığagötürmə” altsistemində qeydiyyatdan keçməklə şəxsi kabinet yaradılır

Şəxsi kabineti yaradaraq qeydiyyatdan keçən şəxslər tərəfindən Azərbaycan Respublikası Nazirlər Kabinetinin 2000-ci il 15 avqust tarixli 141 nömrəli Qərarı ilə təsdiq edilmiş “Övladlığa götürməyə, qəyyumluğa və himayəyə imkan verməyən xəstəliklərin Siyahısı”nda göstərilən xəstəliklərin olub-olmamasına dair (psixiatrın rəyi də daxil olmaqla) himayədar valideyn olmaq istəyən şəxs(lər)in əyani tibbi müayinəsi əsasında əldə edilən sənədlər Altsistemə daxil edilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

17. Xidmətin həyata keçirilməsində istifadə edilən informasiya sistemləri və ehtiyatları

Nazirliyin Mərkəzləşdirilmiş elektron informasiya sistemi
“Vətəndaşlıq vəziyyəti aktları” Avtomatlaşdırılmış qeydiyyat informasiya sistemi
Azərbaycan Respublikası Daxili İşlər Nazirliyinin “Giriş-çıxış və qeydiyyat” idarələrarası avtomatlaşdırılmış məlumat axtarış sistemi
Azərbaycan Respublikasının Ədliyyə Nazirliyinin "Elektron məhkəmə" informasiya sistemi
Azərbaycan Respublikası Daxili İşlər Nazirliyinin “Azərbaycan Respublikası vətəndaşları” və "Əcnəbilər” informasiya resursu
Azərbaycan Respublikası Ədliyyə Nazirliyinin “Elektron notariat” informasiya sistemi
Azərbaycan Respublikası Ədliyyə Nazirliyinin “Vətəndaşlıq vəziyyəti aktları” avtomatlaşdırılmış qeydiyyat informasiya sistemi
Azərbaycan Respublikası Səhiyyə Nazirliyinin Vətəndaşın Elektron Sağlamlıq Kartı Sistemi
Azərbaycan Respublikası Elm və Təhsil Nazirliyinin Təhsil Mərkəzləşdirilmiş İnformasiya Sistemi
Azərbaycan Respublikası İqtisadiyyat Nazirliyinin Daşınmaz Əmlakın Qeydiyyatı, Kadastrı və İdarə Edilməsi Sistemi
Azərbaycan Respublikası İqtisadiyyat Nazirliyinin Avtomatlaşdırılmış Vergi İnformasiya Sistemi
Azərbaycan Respublikası Dövlət Miqrasiya Xidmətinin Azərbaycan Respublikası Dövlət Miqrasiya Xidmətinin vahid miqrasiya məlumat sistemi
Azərbaycan Respublikası Ailə, Qadın və Uşaq Problemləri üzrə Dövlət Komitəsinin Uşaq hüquqlarının həyata keçirilməsinə dair elektron məlumat bankı
Azərbaycan Respublikası Ailə, Qadın və Uşaq Problemləri üzrə Dövlət Komitəsinin Məişət zorakılığı ilə bağlı məlumat bankı
Azərbaycan Respublikası İcbari Tibbi Sığorta üzrə Dövlət Agentliyinin İcbari Tibbi Sığorta üzrə Dövlət Agentliyinin icbari tibbi sığorta sahəsində vahid elektron informasiya sistemi
Kredit Bürolarının Kredit tarixçələrinin məlumat bazası

18. Xidmətin elektronlaşma səviyyəsi

Elektronlaşdırılıb

19. Elektron xidmətin avtomatlaşdırılma səviyyəsi

Avtomatlaşdırılmayıb