Sosial hüquqi xidmətlərin göstərilməsi

1. Xidmətin adı

Sosial hüquqi xidmətlərin göstərilməsi

2. Xidmətin məzmunu

xəstəlik, əlillik və ya ahıllıqla əlaqədar özünəqulluq qabiliyyəti, habelə onlara qulluq və kömək edə biləcək əmək qabiliyyətli qohumları və ya qanuni nümayəndələri olmayan şəxslər (ailələr), xəstəliyin terminal (son) mərhələsində olan şəxslərə münasibətdə:

qəyyumluq və himayəçilik sənədlərinin hazırlanmasına, çətin həyat şəraitində olan şəxslərin sosial xidmət müəssisələrinə göndərilməsi üçün lazımi sənədlərin toplanılmasına köməklik göstərilməsi

hüquqi-məsləhət yardımları

baxımsız və sosial təhlükəli vəziyyətdə olan yetkinlik yaşına çatmayan uşaqlara münasibətdə:

hüquqlarının müdafiə edilməsi, ona qarşı hüquq pozuntusu törətmiş şəxslərin müəyyən olunması üçün peşəkar yardımın göstərilməsi

sənədlərin (doğum haqqında şəhadətnamə, şəxsiyyət vəsiqəsi, işlə təmin olunması üçün lazım olan sənədlər və s.) əldə edilməsinə köməklik göstərilməsi

İnsan alveri qurbanlarına münasibətdə:

insan alveri qurbanlarına maraq və hüquqlarının müdafiəsi üçün hüquqi məsləhətlərin verilməsi

sənədlərin bərpası, boşanma, alimentin alınması, uşaqlarla bağlı və digər sənədlərin hazırlanmasına köməklik göstərilməsi

Məişət zorakılığından zərərçəkənlərə münasibətdə:

sənədlərin bərpası, boşanma, alimentin alınması, əmlak məsələləri, uşaqlarla bağlı və digər sənədlərin hazırlanmasında köməklik göstərilməsi

Sosial yadırğama (dezadaptasiya) və sosial məhrumiyyət (deprivasiya) vəziyyətində olan şəxslərə münasibətdə:

sosial yadırğama (dezadaptasiya) və sosial məhrumiyyət (deprivasiya) vəziyyətində olan şəxslərə maraq və hüquqlarının müdafiəsi üçün hüquqi məsləhətlərin verilməsi

sənədlərin bərpası, əmlak məsələləri ilə bağlı və digər sənədlərin hazırlanmasında köməklik göstərilməsi

3. Xidmətin aid olduğu təsnifat

Sosial xidmət

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Sosial Xidmətlər Agentliyi (Sosial Xidmətlər Agentliyi)

5. Xidmətin hüquqi əsası

“Sosial xidmət haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyini haqqında Əsasnamə”

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Sosial Xidmətlər Agentliyinin Nizamnaməsi”

Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı ilə təsdiq edilmiş “DOST” mərkəzlərində göstərilən xidmətlərin siyahısı” və “DOST” mərkəzlərində xidmət göstərilməsi Qaydası”

Azərbaycan Respublikası Nazirlər Kabinetinin 2013-cü il 31 yanvar tarixli 17 nömrəli Qərarı ilə təsdiq edilmiş “Evdə (səyyar) sosial xidmətin göstərilməsi Qaydası”

Azərbaycan Respublikası Nazirlər Kabinetinin 2013-cü il 5 noyabr tarixli 320 nömrəli Qərarı ilə təsdiq edilmiş “Çətin həyat şəraitində olan şəxslərin (ailələrin) dövlət sosial xidmət müəssisələrinə yerləşdirilməsi Qaydası”

Azərbaycan Respublikası Nazirlər Kabinetinin 2014-cü il 22 aprel tarixli 108 nömrəli Qərarı ilə təsdiq edilmiş “Çətin həyat şəraitində olan şəxslərə (ailələrə) dövlət büdcəsinin vəsaiti hesabına göstərilən sosial xidmətin zəmanət verilmiş həcmi”

Azərbaycan Respublikası Nazirlər Kabinetinin 2020-ci il 30 dekabr tarixli 519 nömrəli Qərarı ilə təsdiq edilmiş Fərdi Reabilitasiya Proqramının hazırlanması, təsdiq edilməsi və həyata keçirilməsi Qaydası”

6. Xidmətin həyata keçirilmə formaları

Xidmət yerinə şəxsən gəlməklə

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Poçt vasitəsilə
Çağrı mərkəzi vasitəsilə
Şəxsən (yerində)

8. Xidmətin həyata keçirilməsinin nəticəsi

Sosial-hüquqi xidmətin göstərilməsi təmin olunur

9. Xidmət istifadəçisi barədə məlumat

Azərbaycan Respublikası vətəndaşları
Azərbaycan Respublikasında daimi yaşayan əcnəbilər və vətəndaşlığı olmayan şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: Fərdi Reabilitasiya Proqramına əsasən

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

Sosial Xidmətlər Agentliyin tabeliyində olan sosial xidmət müəssisələri
Sosial Xidmətlər Agentliyinin yerli qurumlarının inzibati binası
Şəxsin yaşayış yeri
“DOST” mərkəzlərinin inzibati binaları

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

şəxsiyyət vəsiqəsinin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)

xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir

15. Xidmətin həyata keçirilməsi üçün inzibati prosedurlar

Sosial xidmət müəssisələrinə yerləşdirilmiş şəxslərə (ailələrə) Fərdi Reabilitasiya Proqramınaəsasən sosial xidmət göstərilir

Şəxslər (ailələr) və ya onların qohumları, qanuni nümayəndəsi (qəyyumu, himayəçisi), bələdiyyələr, qeyri-hökumət təşkilatları, habelə həmin şəxslərin razılığı ilə digər şəxslər yaşayış yeri üzrə Sosial Xidmətlər Agentliyinin yerli qurumlarına və ya “DOST” mərkəzlərinə müraciət edir

Sosial xidmətin göstərilməsi barədə müraciət daxil olduğu gün şəxsin (ailənin) sosial xidmətə olan tələbatı mütəxəssis və yardımçı xidmətlər sektor müdiri (sosial-hüquqi xidmətlər üzrə) tərəfindən qiymətləndirilir

Qiymətləndirmə zamanı müəyyənləşmiş tələbata uyğun şəxsə sosial xidmət göstərilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
“Elektron hökumət” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Elektronlaşdırılıb

19. Elektron xidmətin avtomatlaşdırılma səviyyəsi

Avtomatlaşdırılmayıb