Təhsilə cəlb olunmayan sağlamlıq imkanları məhdud uşaqların sosial xidmət müəssisələrinə qəbul edilməsi

1. 30 dekabr 2011-ci il tarixli, 275-IVQ nömrəli “Sosial xidmət haqqında” Azərbaycan Respublikasının Qanunu

2. “Çətin həyat şəraitində olan şəxslərin (ailələrin) dövlət sosial xidmət müəssisələrinə yerləşdirilməsi Qaydası”nın təsdiq edilməsi barədə Azərbaycan Respublikasının Nazirlər Kabinetinin 5 noyabr 2013-cü il tarixli, 320 nömrəli Qərarı

• Uşağın şəxsiyyətini təsdiq edən sənəd
• Yoluxucu xəstəliklərin daşıyıcısı olmaması və psixi sağlamlıq vəziyyəti barədə məlumat göstərilməklə, uşağın sağlamlığı haqqında tibbi arayış
• Uşağın əlilliyini müəyyən edən TSEK-in qərarı. (“Əlillik” (TSERAS) altsistemindən elektron məlumatın əldə edilməsi mümkün olmadıqda)
• Uşağın yaşayış yeri üzrə qeydiyyatda olan şəxslər barədə müvafiq arayış
• 3x4 ölçüdə 2 ədəd fotoşəkil

1. Sağlamlıq imkanları məhdud 5 yaşından 18 yaşınadək təhsilə cəlb olunmayan uşaqların dövlət sosial xidmət müəssisəsinə yerləşdirilməsi üçün valideynləri, qohumları, digər qanuni nümayəndəsi (qəyyumu, himayəçisi), bələdiyyələr, qeyri-hökumət təşkilatları, habelə onların razılığı ilə digər şəxslər müraciət edir.

2. "DOST" mərkəzinə müraciət edən nümayəndə sosial xidmətlər istiqaməti üzrə növbə götürür.

3. Növbəsinə uyğun olaraq sosial xidmətlər üzrə müvafiq masaya yaxınlaşır.

4. Vətəndaş sənədləri sosial xidmətlər üzrə sosial agentə təqdim edir.

5. Mərkəzin Sosial xidmət məsələləri üzrə sosial agenti tərəfindən sənədlərin tamlığı yoxlanılır.

6. “Əlillik” (TSERAS) altsistemi vasitəsilə sosial agent uşağın sağlamlıq imkanlarının məhdudluğu haqqında məlumatları yoxlayır.

7. Sənədlərin tamlığı yoxlanıldıqdan sonra nümayəndə müraciət ərizəsi yazır (zərurət yarandıqda "DOST" könüllüləri tərəfindən vətəndaşa köməklik göstərilir).

8. Ərizənin elektron surəti və altsistemlərdən alınan məlumatlar müraciətə əlavə edilir.

9. Müraciət sosial agent tərəfindən sağlamlıq imkanları məhdud uşağın sosial xidmət müəssisəsinə yerləşdirilməsinə qərar verilməsi üçün aidiyyəti üzrə arxa ofisə, Sosial Xidmətlər Agentliyinə göndərilir.

10. Xidmətin göstərilmə müddətinin bitməsinə ən az bir iş günü qalmış sosial agent tərəfindən vətəndaşın E-sosial portalındakı şəxsi kabinetinə məlumat yerləşdirilir.