Şəhid Nihad Rzaxanovun ailəsi ziyarət olunub

4 saylı Bakı DOST Mərkəzinin əməkdaşları şəhid Nihad Rzaxanovun ailəsini ziyarət ediblər.

Vətən müharibəsində cəbhənin müxtəlif istiqamətlərində döyüşən Nihad Rzaxanov 6 noyabr 2020-ci il tarixində Xocavənd rayonu ərazisində gedən döyüşlərdə şəhid olub. Prezident İlham Əliyevin sərəncamları ilə ölümündən sonra “Vətən uğrunda”, "Xocavəndin azad olunmasına görə", “Füzulinin azad olunmasına görə” medalları və 3-cü dərəcəli “Vətənə xidmətə görə” ordeni ilə tətif edilib.

Görüş zamanı şəhidimizin əziz xatirəsi anılıb, şərəfli döyüş yolundan, göstərdiyi qəhrəmanlıqlardan bəhs olunub.

Şəhid ailəsi ziyarət üçün təşəkkür edib, dövlət tərəfindən göstərilən diqqət və qayğıdan razılıqlarını bildiriblər.