Abşeron DOST Mərkəzinin əməkdaşları şəhid Sahib Musayevin ailəsini ziyarət ediblər

Hərbi Dəniz Qüvvələrinin “Su Altı Hücum” Xüsusi Təyinatlı Qüvvələrinin miçmanı olan Sahib Musayev Vətən müharibəsində Cəbrayılın, Hadrutun, Qubadlının və Şuşanın azadlığı uğrunda gedən döyüşlərdə iştirak edib. Misilsiz igidlik nümunələri göstərən qəhrəmanımız Şuşa döyüşləri zamanı şəhidlik zirvəsinə ucalıb.

Prezident İlham Əliyevin Sərəncamları ilə ölümündən sonra “Vətən uğrunda”, “Cəbrayılın azad olunmasına görə”, “Şuşanın azad olunmasına görə” medalları və “Azərbaycan Bayrağı” ordeni ilə təltif edilib.

Görüş zamanı şəhidimizin şərəfli döyüş yolundan bəhs olunub, əziz xatirəsi anılıb.

Şəhid ailəsi onlara göstərilən diqqətə görə öz minnətdarlıqlarını bildiriblər.