DOST Agentliyində “Milli inkişaf prioritetləri” mövzusunda infosessiya keçirilib.
Təlim və inkişaf şöbəsinin təşkilatçılığı ilə baş tutan infosessiya qlobal iqtisadi reallıqlar, eləcə də yeni inkişaf mərhələsində qarşıya qoyulmuş məqsədlər, əsas sosial-iqtisadi inkişaf istiqamətləri və müvafiq milli prioritetlərlə bağlı DOST Agentliyinin və “DOST” mərkəzlərinin rəhbər heyətini maarifləndirmək məqsədi daşıyıb. İnfosessiyada təlimçi qismində Əmək və Əhalinin Sosial Müdafiəsi Nazirliyinin Strateji planlaşdırma və innovasiyalar şöbəsinin müdiri Sadiq Əliyev iştirak edib.
“Milli inkişaf prioritetləri” mövzusundakı infosessiyada "Sosial-iqtisadi inkişafa dair Milli Prioritetlər üzrə nailiyyətlər və çağırışlar", "Azərbaycan ‒ 2030: Qüdrətli dövlət və yüksək rifah cəmiyyəti", “2022 ‒ 2026-cı illərdə sosial-iqtisadi inkişaf Strategiyası”nın təsviri", "2022‒2026-cı illərdə əsas hədəf indikatorları", "Sosial-iqtisadi inkişaf hədəflərinin dayanıqlı inkişaf məqsədləri ilə uyğunluğu", "Strategiyanın icrasının monitorinqi və qiymətləndirilməsi" altmövzuları müzakirə olunub.
© 2024 DOST - Dayanıqlı və Operativ Sosial Təminat Agentliyi
