DOST Agentliyində Everest zirvəsinə qalxan ilk azərbaycanlı xanım Elmira Aslanova ilə könüllülərin görüşü təşkil olunub. "Səyahətçilər klubu" çərçivəsində təşkil olunan görüşdə Elmira xanım dağlardakı təcrübəsindən, çətinliklərin öhdəsindən necə gəldiyindən, bu təcrübənin ona nə qatdığından danışıb. Ardınca Elmira Aslanova könüllüləri maraqlandıran sualları cavablandırıb.
Qeyd edək ki, 2023-cü il 19 may tarixində Azərbaycan əsilli Ukrayna vətəndaşı Elmira Aslanova dünyanın ən yüksək zirvəsi olan Everesti (8848 m) fəth edib. Beləliklə, o, "Dünyanın damını" fəth edən ilk azərbaycanlı qadın olub.
© 2024 DOST - Dayanıqlı və Operativ Sosial Təminat Agentliyi
