Beynəlxalq Valyuta Fondunun (BVF) missiya rəhbəri Anna Bordonun başçılıq etdiyi nümayəndə heyəti DOST Agentliyində olub. Ziyarət 1-16 noyabr tarixlərində Fondun nümayəndələrinin Azərbaycana səfəri çərçivəsində baş tutub.
DOST Agentliyinin İdarə Heyətinin sədri Fərid Məmmədov qonaqlara vətəndaş rahatlığı və məmnunluğuna uyğun sosial xidmətlərin göstərilməsində DOST təcrübəsinin mühüm üstünlükləri barədə məlumat verib.
Bildirilib ki, Prezident İlham Əliyevin 2018-ci il 9 avqust tarixli Fərmanı ilə 2019-cu ilin may ayında DOST Agentliyi və bundan sonra 7 DOST Mərkəzi açılıb. DOST konsepsiyası Birinci vitse-prezident Mehriban xanım Əliyevanın təşəbbüsüdür və bu konsepsiya əsasında sosial sahələr üzrə 159 xidmət “bir pəncərə”dən, operativ, şəffaf, vətəndaş rahatlığı və məmnunluğuna uyğun təqdim olunur.
Ötən dövrdə 1 milyon 800 mindən çox vətəndaş DOST xidmətlərindən yararlanıb və bu xidmətlərdən vətəndaş məmnunluğu səviyyəsi 98,1 faizdir.
DOST Agentliyinin bir çox beynəlxalq mükafatlarla təltif edildiyi, tezliklə Moldova Respublikasında DOST modelinin tətbiq ediləcəyi, digər bir sıra ölkələrin də bu təcrübəni tətbiq etməkdə maraqlı olduğu diqqətə çatdırılıb.
Sonda BVF nümayəndələrinin Azərbaycana səfəri müzakirə edilib, qarşılıqlı əməkdaşlıq perspektivləri haqqında geniş fikir mübadiləsi aparılıb.
© 2024 DOST - Dayanıqlı və Operativ Sosial Təminat Agentliyi
