Sağlamlıq imkanları məhdud 18 yaşınadək uşaqlara qulluq edən şəxslərə Azərbaycan Respublikası Prezidentinin təqaüdünün təyin edilməsi

1. “I dərəcə əlilliyi olan şəxslərə və ya sağlamlıq imkanları məhdud 18 yaşınadək uşaqlara qulluq edən şəxslərə Azərbaycan Respublikası Prezidentinin təqaüdü”nün təsis edilməsi haqqında Azərbaycan Respublikası Prezidentinin 15 aprel 2019-cu il tarixli 643 nömrəli Fərmanı

2. “I dərəcə əlilliyi olan şəxslərə və ya sağlamlıq imkanları məhdud 18 yaşınadək uşaqlara qulluq edən şəxslərə Azərbaycan Respublikası Prezidentinin təqaüdü”nün ödənilməsi Qaydası”nın təsdiq edilməsi haqqında Azərbaycan Respublikası Nazirlər Kabinetinin 2019-cu il 9 iyul tarixli 294 nömrəli Qərarı

• Sağlamlıq imkanları məhdud 18 yaşınadək uşağın və ona qulluq edən şəxsin şəxsiyyətini təsdiq edən sənəd
• Uşağın sağlamlıq imkanlarının məhdudluğunun müəyyən edilməsi barədə TSEK-in qərar (müayinə aktından şıxarış)
• Sağlamlıq imkanları məhdud 18 yaşınadək uşaqlara qulluq edən şəxsin uşaqla qohumluq əlaqəsini təsdiq edən sənəd
• Sağlamlıq imkanları məhdud 18 yaşınadək uşaqlara qulluq edən şəxs qohumluq əlaqəsi olmayandırsa qəyyumluq (himayəçilik) barədə qəyyumluq və himayəçilik orqanının qərarı

Qeyd: MEİS-dən elektron məlumatların əldə edilməsi mümkün olmadıqda nəzərdə tutulan sənədlər tələb edilir.

1. "DOST" mərkəzinə müraciət edən şəxs sosial müavinətlər istiqaməti üzrə növbə götürür.
2. Növbəsinə uyğun olaraq sosial müavinətlər istiqaməti üzrə müvafiq masaya yaxınlaşır.
3. Əmək və Əhalinin Sosial Müdafiəsi Nazirliyinin Mərkəzləşdirilmiş Elektron İnformasiya Sistemindən (MEİS) elektron məlumatların əldə edilməsi mümkün olmadıqda, müraciət edən şəxs tələb olunan sənədləri sosial agentə təqdim edir.
4. Sosial agent təqdim edilən sənədlərin tamlığını yoxlayır və şəxsin e-sosial.az portalındakı məlumatları nəzərdən keçirir.
5. “Sosial ödənişlər” altsistemi vasitəsilə sağlamlıq imkanları məhdud uşağa qulluğa görə təqaüdün alınıb-alınmaması yoxlanılır.
6. “Əlillik” (TSERAS) altsistemi vasitəsilə uşağın sağlamlıq imkanlarının məhdudluğu barədə məlumatlar yoxlanılır.
7. MEİS-in müvafiq altsistemlərindən əldə edilmiş məlumatlar müraciətə əlavə edilir.
8. Müvafiq qərarın qəbul edilməsi üçün müraciət sosial agent tərəfindən kargüzarlıq edilərək aidiyyəti üzrə Nazirliyin müvafiq struktur bölmələrinə göndərilir.
9. Müraciət yekunlaşdırılır və iki nüsxədə çap edilmiş müraciəti təsdiq edən bildirişin bir nüsxəsi müraciət edən şəxsə təqdim edilir.
10. Xidmətin göstərilmə müddətinin bitməsinə ən azı bir iş günü qalmış müraciət edən şəxsin e-sosial.az portalındakı şəxsi kabinetinə qəbul edilən qərar barədə məlumat müvafiq struktur bölmə tərəfindən yerləşdirilir.