Funksional yardımçı xidmətlər

Hansı funksional yardımçı xidmətlər mövcuddur?

Bank xidmətləri

• sosial ödənişlər üzrə bank hesabları ilə əlaqədar məlumatlar verilməsi
• sosial ödənişlər üzrə ödəniş kartlarının təqdim edilməsi

Hüquqi xidmətlər

• hüquqi məsələlərə dair şifahi və yazılı məsləhətlər, izahatlar və arayışlar verilməsi
• məhkəmələrə iddia ərizələrinin verilməsi ilə bağlı hüquqi yardım göstərilməsi
• ərizələrin, şikayətlərin və hüquqi xarakterli sənədlərin tərtib edilməsi
• vətəndaşların müraciətləri əsasında digər növ hüquqi yardım göstərilməsi

Notariat xidmətləri

• bütün növ sənədlərin dövlət dilinə və ya dövlət dilindən digər dilə tərcümə  edilməsi ilə bağlı xidmətlər
• notariat xidmətlərinin təşkili

Mediasiya xidmətlərinin təşkili

Bütün “DOST” mərkəzlərində əmək münasibətlərindən irəli gələn mübahisələr üzrə mediasiya xidmətinin göstərilməsi ilə bağlı müraciətlər qəbul edilir.

5 saylı Bakı “DOST” Mərkəzində mediator tərəfindən mediasiya sessiyalarının keçirilməsi məqsədi ilə xüsusi otaqlardan ibarət “Mediasiya məkanı” təşkil edilir. 

"ƏN TEZ" xidmət 

Ədliyyə Nazirliyinə Təcili Elektron Zəng (“ƏN TEZ”) xidməti hazırda DOST Agentliyinin 1 və 3 saylı Bakı DOST Mərkəzində istifadəyə verilmişdir.

Bu xidmət vasitəsilə vətəndaşlar notariat, vətəndaşlıq vəziyyəti aktlarının dövlət qeydiyyatı, ailə məsələləri üzrə məhkəməyə müraciət, habelə tələbkar qismində bəzi məhkəmə qərarlarının icrası xidmətlərindən istifadə edə bilirlər. Smart konsepsiya əsasında fəaliyyət göstərən “ƏN TEZ” xidmət sistemi biometrik eyniləşdirmə imkanına malik olduğundan müraciət edən şəxsin hər hansı bir portalda qeydiyyatı və ya elektron imza sahibi olması tələb edilmir.