Dayanıqlı və Operativ Sosial Təminat Agentliyi tərəfindən Gəncə DOST və Protez-Ortopedik Bərpa Mərkəzinin binasının inşası üzrə söküntü, tikinti və müxtəlif təchizat işlərinin satın alınması

Müqaviləni yerinə yetirmək üçün iştirakçılar lazımi maliyyə və texniki imkanlara malik olmalıdırlar. Təkliflər sorğusunda iştirak etmək istəyən təşkilatlar müəyyən edilən məbləğdə iştirak haqqını göstərilən hesaba köçürdükdən sonra müsabiqə üzrə təkliflərini təqdim edə bilərlər.

Əlaqələndirici şəxs – Camal Nəhmətov  (0125255026 #91035)

    İştirak haqqı :                   Lot üzrə 2500 (iki min beş yüz ) manat

İştirak haqqı heç bir halda geri qaytarılmır.

      İddiaçılar təkliflər sorğusunda iştirak etmək üçün aşağıdakı sənədləri təqdim etməlidirlər:

1. Tenderdə iştirak etmək üçün yazılı müraciət;
2. İştirak haqqının ödənilməsi ilə bağlı bank sənədi;
3. İddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri (Notarial qaydada təsdiq edilmiş surəti təqdim edilməlidir);
4. Tender təklifi (təkliflərin açıldığı tarixdən sonra ən azı 30 bank günü qüvvədə olmalıdır);
5. Tender təklifi dəyərinin 1%-i həcmində bank təminatı (tender təklifinin təminatının qüvvədə olma müddəti tender təklifinin qüvvədə olma müddətindən 30 bank günü çox olmalıdır);
6. Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət nəzərə alınmadan) vergi ödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması (Arayış satınalma elanının yerləşdirildiyi tarixdən sonra verilmiş olmalıdır. Həmçinin, arayışı verən orqan tərəfindən və ya notarial qaydada təsdiq olunmalıdır) ;
7. İddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti (2022-ci il üzrə mənfəət (gəlir) vergisinin bəyannaməsi (Dövlət Vergi Xidməti tərəfindən və ya notarial qaydada təsdiq olunmalıdır);
8. İddiaçının son bir ildəki maliyyə vəziyyəti haqqında bank arayışı (Arayış satınalma elanının yerləşdirildiyi tarixdən sonra verilmiş olmalıdır. Həmçinin, arayışı verən orqan tərəfindən və ya notarial qaydada təsdiq olunmalıdır);
9. Mikro, kiçik və orta sahibkarlıq meyarlarına uyğun olması barədə məlumat (Arayış Dövlət Statistika Komitəsindən alınmalıdır və son hesabat ilinə olan vəziyyəti əks etdirməlidir. Həmçinin, arayışı verən orqan tərəfindən və ya notarial qaydada təsdiq olunmalıdır);
10. Satınalma müqaviləsini bağlamaq səlahiyyətinin olması (Rəhbər şəxsin təyin olunması barədə əmr və ya qərarın surəti PDF formatında yerləşdirilməlidir);
11. Öz əmlakından sərbəst və məhdudiyyətsiz istifadə etmək imkanı, habelə ödəmə qabiliyyəti olması, müflis elan olunmaması, əmlakı üzərinə həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması (Yüklülük arayışı satınalma elanının yerləşdirildiyi tarixdən sonra verilmiş olmalıdır. Həmçinin, arayışı verən orqan tərəfindən və ya notarial qaydada təsdiq olunmalıdır);
12. İddiaçının satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi (Arayış Daxili İşlər Nazirliyindən və ya ASAN Xidmət Mərkəzlərindən alınmalı və satınalma elanının yerləşdirildiyi tarixdən sonra verilmiş olmalıdır);
13. Satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması:
    • İddiaçı tərəfindən müvafiq sahədə peşəkarlığın və təcrübənin mövcudluğu barədə təsdiqedici sənədlər, büdcə və ya fərdi sahibkarlarla müqavilələrin surətləri (ödəniş və təhvil-təslim sənədləri ilə birlikdə) təqdim edilməlidir;
    • İddiaçı ixtisaslı kadr imkanlarının mövcudluğu barədə təsdiqedici sənədləri təqdim edilməlidir. O cümlədən, iddiaçı ilə qüvvədə olan əmək müqaviləsinə malik azı 1 nəfər sahə rəisi, inşaat mühəndisi, iş icraçısı, usta briqadir və topoqraf olmalıdır (ali təhsil barədə diplom, əmək kitabçası, əmək müqaviləsi bildirişi altsistemindən çıxarış, əməkdaşların müvafiq sahə üzrə azı 10 il ümumi və azı 5 il xüsusi iş təcrübəsi barədə müvafiq təsdiqedici sənədlər təqdim edilməlidir);
    • İddiaçının hesabında sərbəst vəsait və ya kredit imkanı ən azı 3000000,0 manat olmalıdır (Kredit xəttinin açılması barədə bank tərəfindən verilmiş arayışda bu satınalma predmeti üzrə layihənin yerinə yetirilməsi məqsədilə 3000000,0 manat vəsaitin konkret ayrılmasının mümkünlüyü barədə arayış verilməlidir);
    • İddiaçının son 3 (üç) il (2020-2022) ərzində tikinti quraşdırma işləri üzrə maliyyə dövriyyəsi azı 15 000 000,00 (on beş milyon) manat olmalıdır;
    • İddiaçı son 3 (üç) il ərzində sahəsi minimim 5000 m2 olan 1 tikinti obyektinin tikintisini və əsaslı təmir işlərini həyata keçirməlidir. Həyata keçirilmiş əsaslı təmir işləri müasir üslubda müxtəlif dizayn elementlərini (laminat, mərmər üzləmə və sair) özündə əks etdirməlidir (Müvafiq müqavilə, layihə və işin yekun nəticələrini əks etdirən foto görüntülər, həmçinin rəylər təqdim edilməlidir);
    • İddiaçı maddi texniki bazası, o cümlədən icarəyə götürdüyü avadanlıqlar (Ekskavator, traktor, yük maşınları, kranlar və s.) barədə geniş məlumat (Müvafiq təsdiqedici sənədlər ilə birlikdə) təqdim edilməlidir.
14. Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalıdır (texniki tapşırıqda tələb olunan bütün sahələr üzrə).

            Sənədlər Azərbaycan dilində, tərtib olunmalıdır (xarici dildə olan sənədlər Azərbaycan dilinə tərcümə olunmalıdır). İddiaçılar təkliflər sorğusu ilə bağlı sualları Satınalan Təşkilata ünvanlaya bilərlər. Satınalma proseduru “Dövlət satınalmaları haqqında” Azərbaycan Respublikasının Qanununa uyğun keçiriləcəkdir. İddiaçılar təkliflər sorğusunda iştirak etmək üçün ixtisas göstəricilərinə  və qiymət təklifi ilə bank təminatına dair sənədləri 29.12.2023-cü il saat 15:00 tarixinə qədər təqdim etməlidirlər. İddiaçıların təklifləri 29.12.2023-cü il 17:00 tarixində Dayanıqlı və Operativ Sosial Təminat (DOST) Agentliyində (Ünvan: Bakı şəhəri, Yasamal rayonu, İ. Qutqaşınlı küçəsi, 86) açılacaqdır.