Qarabağ Regional DOST Mərkəzində 2 aylıq könüllülük fəaliyyətini uğurla başa vuran ilk “Könüllü DOST” proqramı məzunlarına sertifikatlar təqdim olunub.
Bu münasibətlə keçirilən məzun günündə Qarabağ Regional DOST Mərkəzinin direktoru Vasif Qəribov könüllüləri təbrik edib, onlara gələcək fəaliyyətlərində uğurlar arzulayıb.
Qeyd olunub ki, “Könüllü DOST” proqramının məqsədi ictimai iştirakçılığın təşkili, könüllü hərəkatına, gənclər siyasətinə dəstək, dövlət-vətəndaş münasibətlərinin inkişafı, yüksək keyfiyyətli xidmət, gənclərin əmək bazarına hazırlığı və fəal yaşlanmanın təmin olunmasıdır. Proqram özündə dövlətçilik və vətənpərvərlik, ictimai-sosial məsuliyyətlilik, birlik və əməkdaşlıq, qayğıkeşlik və yardımsevərlik prinsiplərini ehtiva edir.
Sonda “Könüllü DOST” proqramının 22 nəfər məzununa sertifikatlar təqdim edilib.
© 2024 DOST - Dayanıqlı və Operativ Sosial Təminat Agentliyi
