“DOST kuboku” mini futbol turnirinin final mərhələsi keçirilib

DOST Agentliyinin əməkdaşları arasında təşkil olunan “DOST kuboku” mini futbol turnirinin final mərhələsi keçirilib.

Əvvəlcə 3-cü yer uğrunda DOST Agentliyinin Aparatı ilə Qarabağ Regional DOST Mərkəzinin komandaları mübarizə aparıb. Agentliyinin Aparatı 5:2 hesabı ilə qalib gələrək çempionatda 3-cü yeri tutub.

Sonra final oyununda qarşılaşacaq komandalar - 3 saylı Bakı DOST Mərkəzi və 4 saylı Bakı DOST Mərkəzinin komandaları meydana daxil olub.

Azərbaycanın Respublikasının Dövlət Himni səsləndirilib.

Gərgin mübarizə şəraitində keçən oyunda 3 saylı Bakı DOST Mərkəzi rəqibini 2:1 hesabı ilə məğlub edərək “DOST kuboku” mini futbol turnirinin qalibi olub.

DOST Agentliyinin İdarə Heyətinin sədri Fərid Məmmədov, sədrin müavinləri Seymur Alıyev və Azər Əliyev tərəfindən turnirin ən yaxşı və ən məhsuldar oyunçusuna diplomlar, çempion komandaya kubok, diplom və medallar, II və III yeri tutmuş komandalara diplom və medallar təqdim edilib.

Sentyabrın 7-dən başlanan minifutbol çempionatında Agentlik və mərkəzlər üzrə ümumilikdə 8 komanda mübarizə aparıb.