DOST Agentliyində vakant vəzifəyə qəbul elan edilir
DOST Agentliyində vakant vəzifəyə qəbul elan edilir.
Struktur bölmənin adı: Beynəlxalq əlaqələr, proqramlar və layihələr departamenti / Beynəlxalq əlaqələr şöbəsi
Vəzifə: Şöbə müdiri
Əmək haqqı: Ştat cədvəlinə uyğun olaraq
İşin təsviri:
- Beynəlxalq tərəfdaşlar və xarici ölkələrin analoji qurumları ilə danışıqların, rəsmi və işgüzar yazışmaların aparılması fəaliyyətini təşkil etmək;
- Digər dövlətlərin analoji qurumlarının təcrübəsini öyrənmək, onların milli sistemdə tətbiqi imkanlarını təhlil etmək və müvafiq təkliflər vermək;
- Müvafiq sahə üzrə dövlət orqanları və digər qurumlar, habelə beynəlxalq və yerli təşkilatlarla birgə layihələrin həyata keçirilməsi fəaliyyətini təşkil etmək;
- Agentliyin fəaliyyəti ilə bağlı öyrənilmiş qabaqcıl beynəlxalq təcrübənin ölkədə tətbiqi ilə bağlı təkliflər vermək;
- Agentliyin fəaliyyətinə uyğun olaraq beynəlxalq tərəfdaşlarla qarşılıqlı əməkdaşlığın qurulmasına və mövcud əməkdaşlığın genişləndirilməsinə dair təkliflər vermək;
- Agentliyin fəaliyyətinə uyğun olaraq beynəlxalq mükafatların alınması üzrə müsabiqədə iştirak imkanlarını araşdırmaq və bu istiqamətdə zəruri tədbirlər görmək;
- Agentliyin əməkdaşlarının xarici ölkələrə səfəri ilə bağlı zəruri təşkilati və sənədləşmə işlərinin həyata keçirilməsini təmin etmək;
- Agentliyə gələn xarici qonaqların qarşılanması, müşayiət olunması və yola salınması fəaliyyətində iştirak etmək;
- Agentliyin yüksək vəzifəli şəxslərinin Azərbaycanda səfərdə olan xarici nümayəndələr, ölkədə fəaliyyət göstərən səfirliklərin, beynəlxalq təşkilatların əməkdaşları ilə görüşlərinin təşkil olunmasında iştirak etmək;
- Şöbənin əməkdaşları arasında iş bölgüsünü aparmaq, onların fəaliyyətini əlaqələndirmək, əmək, icra və xidmət intizamına riayət etmələrinə nəzarət etmək;
- Şöbənin fəaliyyəti barədə hesabatların hazırlanmasını təmin etmək və departament müdirinə təqdim etmək;
- Şöbənin fəaliyyətini təşkil etmək və ona rəhbərliyi həyata keçirmək.
Vəzifənin tutulmasına dair tələblər:
- Təhsil tələbi:
- Ali təhsil (iqtisadiyyat və idarəetmə ixtisaslar qrupu, humanitar və sosial ixtisaslar qrupu, beynəlxalq əlaqələr ixtisası üzrə ali təhsilə malik olanlara üstünlük verilir);
- Layihələrin idarə edilməsi üzrə beynəlxalq sertifikata malik olanlara üstünlük verilir.
- İş stajına dair tələb:
- Müvafiq sahədə və ya vəzifənin qulluq funksiyaları nəzərə alınmaqla azı 4 il iş stajı, o cümlədən rəhbər vəzifədə və ya idarəetmə sahəsində azı 1 il iş stajı;
- Beynəlxalq təşkilat və ya layihələrdə əmək fəaliyyəti olan şəxslərə üstünlük verilir.
- Dil bilikləri:
- Dövlət dili (sərbəst);
- Rus və ingilis dili (yüksək səviyyədə)
- Xarici dil bilikləri üzrə beynəlxalq sertifikata (IELTS, TOEFL və s.) malik olanlara üstünlük verilir.
- Kompüter bilikləri:
- MS Office proqramları, xüsusilə MS Word və MS Excel – yaxşı səviyyədə
Əlavə məlumatlar
- İş yerinin ünvanı: Bakı şəhəri, Mehdi Mehdizadə küçəsi 29;
- İş qrafiki: Bazar ertəsi - Cümə (09:30-18:30).
Müraciət qaydası:
- Namizədlər dost_hr@sosial.gov.az e-mail ünvanının mövzu hissəsinə “Beynəlxalq əlaqələr üzrə şöbə müdiri” qeyd etməklə CV-ni göndərə bilərlər.
- İşə qəbul mərhələsinə yalnız tələblərə cavab verən namizədlər cəlb ediləcəkdir.
