DOST Agentliyinin İdarə Heyətinin iclası keçirilib

Dayanıqlı və Operativ Sosial Təminat (DOST) Agentliyinin İdarə Heyətinin iclası keçirilib. Onlayn formatda baş tutan görüşdə Agentliyin gündəliyində olan məsələlər müzakirə olunub.

İclasda bir neçə əsasnamə layihəsi təsdiq edilməsi üçün İdarə Heyətinə təqdim olunub, bir neçə sənəd layihəsi isə müzakirəyə çıxarılıb.

Görüşdə “DOST” mərkəzlərinin yanvar ayı üzrə fəaliyyəti, eləcə də Agentliyin maliyyə və təsərrüfat sahəsində fəaliyyəti ilə bağlı hesabatlar dinlənilib.

Sonda İdarə Heyətinin sədri Fərid Məmmədov müzakirə olunan mövzular barədə fikirlərini bildirib, müvafiq tapşırıqlar verib.