Asan Aç

Macarıstanın Azərbaycandakı səfiri Viktor Sederkenyi DOST Agentliyində olub

4 noyabr 2020, 09:31
A+ A-
Macarıstanın Azərbaycandakı səfiri Viktor Sederkenyi DOST Agentliyində olub

Macarıstanın Azərbaycandakı fövqəladə və səlahiyyətli səfiri Viktor Sederkenyi DOST Agentliyində olarkən ona Agentliyin yaradılmasının məqsədi, funksiyaları, DOST mərkəzlərinin iş prinsipləri barədə məlumat verilib. Əmək və Əhalinin Sosial Müdafiəsi Nazirliyinin tabeliyindəki Dayanıqlı və Operativ Sosial Təminat Agentliyinin İdarə Heyətinin sədri Fərid Məmmədov Qarabağ münaqişəsi ilə bağlı məsələdə Macarıstanın Azərbaycanın ərazi bütövlüyünə və suverenliyinə dəstək verdiyinə görə səfirə minnətdarlığını bildirib. Səfir Viktor Sederkenyi bildirib ki, Macarıstan birmənalı olaraq Azərbaycanın ərazi bütövlüyünü dəstəkləyir və ölkəmizlə dostluq münasibətlərinə böyük önəm verir. Agentliyin İdarə Heyətinin sədri həmçinin ilin əvvəlində Əmək və Əhalinin Sosial Müdafiəsi naziri Sahil Babayevin Macarıstana səfəri zamanı iki ölkə arasında əmək, məşğulluq, sosial müdafiə sahəsində əməkdaşlıq perspektivlərinin müzakirə edildiyini və bunun hər iki tərəfə fayda verə biləcəyini deyib. Bildirib ki, DOST Agentliyi Əmək və Əhalinin Sosial Müdafiəsi Nazirliyinin fəaliyyət istiqamətlərində vətəndaşa xidmətlər təqdim edən ön ofis olmaqla yanaşı, həm də bu sahədə daimi təkmilləşdirmə işləri aparır, yeni ideya və layihələrin istehsalçısı qismində çıxış edir. Bu baxımdan tərəflər arasında mümkün əməkdaşlıq potensialının və texniki imkanların araşdırılması barədə müzakirələr aparılıb.

Görüşdə Macarıstan mədəniyyəti və məişəti ilə Azərbaycan əhalisini daha yaxından tanış etmək üçün onlayn təlimlərin keçirilməsi, təlimin DOST Agentliyi-UNFPA arasında həyata keçirilən "Fəal yaşlanma" layihəsi çərçivəsində təşkili planlaşdırılan "Kulinariya" dərsləri ilə uzlaşdırılması və Macarıstanın Müstəqillik gününə həsr olunmuş məlumatlandırma kampaniyası çərçivəsində bu ölkənin milli şirniyyatlarının gigiyenik baxımdan təhlükəsiz qablaşdırmalarda DOST mərkəzlərində xidmətlərdən yararlanan vətəndaşlara paylanılması məsələləri də müzakirə edilib.

Bundan başqa DOST Agentliyinin sosial agentləri, monitorinq üzrə mütəxəssisləri və könüllüləri üçün müxtəlif funksional istiqamətlər üzrə təlimlərin keçirilməsi və “Rəqəmsal xəritələr” layihəsi barədə də fikir mübadiləsi aparılıb.

 

Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub
Macarıstanın Azərbaycandakı səfiri Viktor Sederkenyi DOST Agentliyində olub

© 2024 DOST - Dayanıqlı və Operativ Sosial Təminat Agentliyi