DOST Agentliyinin xidmət sektorunda çalışan əməkdaşlar üçün psixoloji təlimlər davam edir.
Agentlik tərəfindən göstərilən xidmətlərin keyfiyyətinin yüksəldilməsi məqsədilə "DOST" mərkəzlərinin vətəndaşlarla birbaşa ünsiyyətdə olan əməkdaşlarına "Ünsiyyət bacarıqlarının artırılması. Bədən dili" mövzusunda təlim keçirilib. Təlimçi, həkim-psixiatr Həlimə Qəmərlinskaya ünsiyyət vasitələri, nəticələrə nail olmaq üçün ən təsirli tələblərin və proseslərin aydınlaşdırılması, ünsiyyət zamanı bədən dilini oxumaq üçün üsullar haqqında iştirakçılara geniş məlumat verib.
