DOST Agentliyinin “Könüllü DOST” komandası "Novruz çələngi" adlı intellektual turnirin qalibi olub.
Martın 17-də Azərbaycan Könüllü Təşkilatları İttifaqının təşkilatçılığı ilə Novruz bayramına həsr olunan onlayn intellektual turnir keçirilib.
Müxtəlif könüllü təşkilatlarını təmsil edən 11 komandanın iştirak etdiyi yarışda "Könüllü DOST"lar bütün rəqiblərini geridə qoyaraq birinci yeri tutub. “ASAN Könüllüləri” 2-ci, “Könüllü Gömrükçü” komandası isə 3-cü yerin sahibi olub.
