Vahid əlaqələndirmə mərkəzinin fəaliyyətinə dəstək göstərən “Könüllü DOST” proqramının könüllüləri təltif olunublar. “Vahid Əlaqələndirmə Mərkəzi”nin məlumat bazasının formalaşdırılmasında göstərdikləri dəstəyə görə DOST Agentliyi tərəfindən təşəkkürnamələrə layiq görülüblər.
DOST Agentliyində keçirilən tədbirdə Agentliyin idarə heyəti sədrinin müşaviri Ruslan Mirzəliyev, DOST Xidmətləri departamentinin direktor müavini, DOST Agentliyində Vahid Əlaqələndirmə Mərkəzinin koordinatoru Vasif Qəribov və DOST Agentliyinin Könüllülərlə iş şöbəsinin müdiri Solmaz Həsənova çıxış edərək könüllülərə təşəkkür ediblər. Onlara təşəkkürnamələr təqdim olunub.
Qeyd edək ki, Prezident İlham Əliyevin 25 iyun 2021-ci il tarixli Fərmanı ilə yaradılan Vahid əlaqələndirmə mərkəzlərinin yaradılmasında məqsəd adıçəkilən şəxslərin əlavə xərclərinin və vaxt itkisinin qarşısını almaq, onlara göstərilən xidmət səviyyəsini yüksəltmək, xidmətlərin əlçatanlığını, rahatlığını təmin etmək, həmçinin korrupsiyaya qarşı mübarizəni gücləndirməkdir.
