“Könüllü DOST” proqramının təşkilatçılığı, “Azərbaycan İncəsənət Məktəbi”nin tərəfdaşlığı ilə “Könüllü Klubları” layihəsi çərçivəsində “Narkomaniyaya yox deyək!, mədəniyyətimizi qoruyaq” mövzusunda görüş keçirilib.
Məqsəd gənclərdə sağlam həyat tərzi barədə dünyagörüşünün formalaşdırılması, narkotik vasitələr, psixotrop maddələr və onların prekursorlarının qanunsuz dövriyyəsinə və narkomaniyaya qarşı maarifləndirmənin aparılmasını təmin etmək olub.
Görüşdə Daxili İşlər Nazirliyinin mətbuat xidmətinin şöbə rəisi, polis mayoru Elşad Hacıyev, Azərbaycan Respublikasının xalq artisti, professor Məmmədsəfa Qasımov və “Mayak” filminin rejissoru Fariz Əhmədov iştirak edib.
Sonda 2012-ci ildə istehsal olunan və narkomaniyaya qurşanan bir gəncin həyat hekayəsindən bəhs edən "Mayak" qısametrajlı bədii filmi nümayiş edilib və film barədə müzakirələr aparılıb.
© 2024 DOST - Dayanıqlı və Operativ Sosial Təminat Agentliyi
