Vətən müharibəsi şəhidlərinin xatirəsi yad edildi

DOST Agentliyi və DOST mərkəzlərində canlarını ölkəmizin ərazi bütövlüyü yolunda qurban vermiş şəhidlərimizin əziz xatirəsi bir dəqiqəlik sükutla yad edilib.

Sentyabrın 27-si Prezident İlham Əliyevin 2020-ci il 2 dekabr tarixli Sərəncamına əsasən Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq Anım Günü elan olunub.

Azərbaycan bayrağını işğaldan azad edilən torpaqlarımızda dalğalandıran, bu yolda canından keçən qəhrəmanlarımızın ruhu qarşısında baş əyirik!

Allah rəhmət eləsin!