Moldova nümayəndə heyətinə DOST təcrübəsi ilə bağlı təqdimatlar keçirilib

Moldova nümayəndə heyətinə DOST təcrübəsi ilə bağlı təqdimatlar keçirilib. DOST konsepsiyasını öyrənmək məqsədilə ölkəmizdə səfərdə olan moldovalı qonaqlara Agentliyin müxtəlif sturktur bölmələri barədə məlumat verilib, iş prinsipləri izah olunub.

Təqdimatlarda DOST xidmətlərinin təşkili, ictimaiyyətlə əlaqələr və kommunikasiya prosesi, strateji planlaşdırma, məlumatların idarə edilməsi və təhlil, həmçinin insan resurslarının idarə edilməsi istiqamətində DOST Agentliyinin təcrübəsi barədə müvafiq departamentlər tərəfindən ətraflı məlumat verilib.

Qeyd edək ki, Moldova Respublikasının Sosial Sığorta üzrə Milli Kassanın direktoru Yelena Tibirnanın başçılıq etdiyi nümayəndə heyəti Azərbaycanda səfərdədir. 13-18 noyabr tarixlərini əhatə edən səfər çərçivəsində nümayəndə heyətinin bir sıra görüş və tədbirlərdə iştirakı da nəzərdə tutulub.