Əmək müqaviləsi bildirişlərinin qeydiyyata alınması və bu barədə işəgötürənə və işçilərə məlumat verilməsi

1. Azərbaycan Respublikasının Əmək Məcəlləsi

2. “Əmək müqaviləsi bildirişinin forması və onun elektron informasiya sisteminə daxil edilməsi qaydaları, əmək müqaviləsi bildirişinin qeydiyyata alınması ilə bağlı işəgötürənə və Azərbaycan Respublikasının Vergilər Nazirliyinə göndərilən məlumat forması, habelə qeydiyyata alınmış əmək müqaviləsi bildirişinin məlumatlarını real vaxt rejimində əldə etməklə bağlı Qaydalar”ın təsdiq edilməsi haqqında” Azərbaycan Respublikası Nazirlər Kabinetinin 2014-cü il 6 iyun tarixli 183 nömrəli Qərarı

• Şəxsiyyət vəsiqəsi
• İşəgötürənin asan və ya elektron imzası
• İşçinin işə qəbul ərizəsinin əsli
• İşəgötürənin işə qəbul əmri
• İşçi və işəgötürən arasında bağlanılmış yazılı əmək müqaviləsi

1. "DOST" mərkəzinə müraciət edən işəgötürən əmək məsələləri üzrə növbə götürür.
2. Növbəsinə uyğun olaraq əmək məsələləri üzrə müvafiq masaya yaxınlaşır.
3. Əmək və Əhalinin Sosial Müdafiəsi Nazirliyinin Mərkəzləşdirilmiş Elektron İnformasiya Sistemindən (MEİS) elektron məlumatların əldə edilməsi mümkün olmadıqda, müraciət edən şəxs tələb olunan sənədləri sosial agentə təqdim edir.
4. Sosial agent təqdim edilən sənədlərin tamlığını yoxlayır və şəxsin e-sosial.az portalındakı məlumatlarını nəzərdən keçirir.
5. Sosial agent tərəfindən işəgötürənin asan və ya elektron imzasının aktiv olması yoxlanılır.
6. Müraciət edən işçi olduqda, “Əmək və Məşğulluq” altsistemi vasitəsilə şəxsin aktiv əmək müqaviləsi barədə məlumatlar yoxlanılır.
7. Əmək müqaviləsi bildirişinin qeydiyyata alınması ilə bağlı zəruri məlumatların “Əmək müqaviləsi bildirişi” altsisteminə daxil edilməsi üçün müvafiq köməklik göstərilir.
8. Əmək müqaviləsinin qüvvəyə minməsi barədə bildiriş sosial agent tərəfindən çap edilərək işəgötürənə təqdim olunur.