İşəgötürənlərə və işçilərə əmək qanunvericiliyinin tətbiqi barədə metodiki kömək göstərilməsi

1. Xidmətin adı

İşəgötürənlərə və işçilərə əmək qanunvericiliyinin tətbiqi barədə metodiki kömək göstərilməsi

2. Xidmətin məzmunu

Əmək qanunvericiliyinin tətbiqi barədə izah verilməsi və metodiki köməyin göstərilməsi

3. Xidmətin aid olduğu təsnifat

Əmək münasibətləri

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyi (Nazirlik) yanında Dövlət Əmək Müfəttişliyi Xidməti (Xidmət)

5. Xidmətin hüquqi əsası

Azərbaycan Respublikasının Əmək Məcəlləsi

“Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

6. Xidmətin həyata keçirilmə formaları

Xidmət yerinə şəxsən və ya nümayəndəsi gəlməklə
Çağrı mərkəzi vasitəsilə
Elektron qaydada
Şifahi (təlimlər, seminarlar, qəbullar və s.)
Yazılı müraciətlərin cavablandırılması

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Birbaşa (yerində)
Poçt vasitəsilə
Çağrı mərkəzi vasitəsilə

8. Xidmətin həyata keçirilməsinin nəticəsi

Metodiki kömək göstərilir

Aidiyyəti üzrə göndərilir

9. Xidmət istifadəçisi barədə məlumat

Hüquqi şəxslər
Fiziki şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət:

15 (on beş) iş günü

30 (otuz) iş günü (əlavə öyrənilmə və yoxlanılma tələb edən müraciətlərə)

60 (altmış) iş günü (müraciətə baxılması üçün əlavə məlumatların əldə edilməsi və ya aidiyyəti üzrə sorğu göndərilməsi tələb edildikdə)

Dərhal (əgər məlumatın verilməsi barədə müraciətə yuxarıda göstərilən müddətlərdə baxılması nəticəsində lazım olan məlumat öz əhəmiyyətini itirə bilərsə)

24 saat (dərhal baxmaq mümkün olmadıqda)

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Əmək Müffəttişlik Xidmətin Aparatı və regional şöbələrinin inzibati binası

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Şəxsiyyəti təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi (müvəqqəti) yaşayış hüququ verən icazə vəsiqəsinin surəti) Hüquqi şəxsin dövlət reyestrindən çıxarışının surəti

Müraciət nümayəndə vasitəsilə edildikdə nümayəndənin səlahiyyətlərini təsdiqləyən sənəd

Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir

15. Xidmətin həyata keçirilməsi üçün inzibati prosedurlar

Əmək qanunvericiliyinin tətbiqi barədə metodiki kömək istəyən şəxsin yazılı və şifahi müraciətləri qəbul edilir, qeydiyyata alınır və onlara baxılması təmin edilir

Nazirliyin Mərkəzləşdirilmiş elektron informasiya sistemi (MEİS) vasitəsilə metodiki köməklik sistemin inzibati reqlamentinə uyğun həyata keçirilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

"İnzibati icraat haqqında" Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər

17. Xidmətin həyata keçirilməsində istifadə edilən informasiya sistemləri və ehtiyatları

Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Qismən elektronlaşdırılıb

19. Elektron xidmətin avtomatlaşdırılma səviyyəsi

Qismən avtomatlaşdırılıb