Müəssisə və təşkilatlarda əməyin mühafizəsi xidmətlərinin yenidən təşkilinə və ya ləğvinə razılıq verilməsi

1. Xidmətin adı

Müəssisə və təşkilatlarda əməyin mühafizəsi xidmətlərinin yenidən təşkilinə və ya ləğvinə razılıq verilməsi

2. Xidmətin məzmunu

İşəgötürənin müraciəti əsasında həmin işəgötürəndə yaradılmış əməyin mühafizəsi xidmətinin yenidən təşkilinin və ya ləğv edilməsinin qanunvericiliyin tələblərinə uyğun olub-olmaması yoxlanılır və müvafiq rəy verilir

3. Xidmətin aid olduğu təsnifat

Əmək münasibətləri

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyi (Nazirlik) yanında Dövlət Əmək Müfəttişliyi Xidməti (Xidmət)

5. Xidmətin hüquqi əsası

Azərbaycan Respublikası Əmək Məcəlləsi

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

6. Xidmətin həyata keçirilmə formaları

Xidmət yerinə şəxsən və ya nümayəndəsi gəlməklə
Poçt vasitəsilə
Elektron qaydada

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Birbaşa (yerində)
Poçt vasitəsilə

8. Xidmətin həyata keçirilməsinin nəticəsi

Əməyin mühafizəsi xidmətlərinin yenidən təşkilinə razılıq verilir və ya imtina edilir

9. Xidmət istifadəçisi barədə məlumat

İşəgötürənlər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: 30 (otuz) iş günü

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Əmək Müffəttişlik Xidmətin Aparatı və regional şöbələrinin inzibati binası

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

işəgötürən tərəfindən əsaslandırma məktubu

mövcud ştat cədvəli

yeni ştat cədvəli

xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir

15. Xidmətin həyata keçirilməsi üçün inzibati prosedurlar

Müəssisə və təşkilatlarda əməyin mühafizəsi xidmətlərinin yenidən təşkili və ya ləğv edilməsi ilə bağlı DOST Agentliyinə və ya Xidmətə rəsmi müraciət edilir

Müraciətə Xidmətdə dəbaxılır və cavablandırılır

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

"İnzibati icraat haqqında" Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
“Elektron hökumət” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Elektronlaşdırılmayıb

19. Elektron xidmətin avtomatlaşdırılma səviyyəsi

Avtomatlaşdırılmayıb