Əmək qanunvericiliyinin pozulmasına dair müraciətlərin qəbul edilməsi

• Şəxsiyyəti təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi  (müvəqqəti) yaşayış hüququ verən icazə vəsiqəsinin surəti)
• Müraciət nümayəndə vasitəsilə təqdim edildikdə, səlahiyyətlərini təsdiqləyən sənəd (etibarnamə)
• Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir.

• Xidmətə ya poçt vasitəsilə, ya email vasitəsilə və ya DOST xidməti vasitəsilə vətəndaşlardan və ya müəssisədən müraciət daxil olur
• Müraciətin tamlığı və ya düzgünlüyü yoxlanılır. Əgər müraciət tam və ya düzgün olmasa müraciət edən şəxs məlumatlandırılır və lazımi sənədlər istənilir
• Müraciəti qeydiyyata alındıqdan sonra rəhbərlik tərəfindən müvafiq icraçıya dərkənar qoyulur
• Əgər müraciətə baxılması üçün əlavə məlumatların əldə edilməsi və ya aidiyyəti üzrə sorğu göndərilməsi tələb edildikdə, müraciətə baxan subyektin vəzifəli şəxsinin müraciətə baxılması müddətini ən çoxu 30 (otuz) iş günü uzatmaq hüququ vardır. İcra müddətinin uzadılması ilə bağlı müraciət edən şəxsə  müraciətə baxan şəxs tərəfindən məlumat verilir
• İcraçı tərəfindən müraciətin yekunu barədə vətəndaşa məlumat göndərilir
• “DOST” mərkəzinə müraciət edən şəxs əmək münasibətləri istiqaməti üzrə növbə götürür
• Növbəsinə uyğun olaraq əmək münasibətləri istiqaməti üzrə müvafiq masaya yaxınlaşır. Sosial agent tərəfindən Nazirliyin Mərkəzləşdirilmiş elektron informasiya sistemindən (MEİS) şəxsin zəruri məlumatları dəqiqləşdirilir
• Müraciətin araşdırılması zamanı əlavə təsdiqedici sənədlərə ehtiyac olduğu təqdirdə müraciət edən şəxs tələb olunan sənədləri sosial agentə təqdim edir
• Sosial agent təqdim edilən sənədlərin tamlığını yoxlayır və şəxsin e-sosial.az portalındakı məlumatlarını nəzərdən keçirir
• MEİS-in müvafiq altsistemlərindən əldə edilmiş məlumatları və müvafiq təsdiqedici sənədləri müraciətə əlavə edilir
• Müvafiq qərarın qəbul edilməsi üçün müraciət sosial agent tərəfindən qeydiyyatdan keçirilərək aidiyyəti üzrə Nazirliyin müvafiq struktur bölmələrinə göndərilir
• Müraciət yekunlaşdırılır və müraciəti təsdiq edən bildiriş iki nüsxədə çap edilərək bir nüsxəsi müraciət edən şəxsə təqdim edilir
• Şəxsin müraciəti Xidmətin  əməkdaşına yönləndirilməli olduğu halda şəxs aidiyyəti üzrə növbə verilməklə müfəttişə yönləndirilir
• Müfəttiş tərəfindən şəxsin izahatına və ya digər zəruri təsdiqedici sənədlərə ehtiyac olduğu təqdirdə müvafiq sənədlər müraciətə əlavə edilərək aidiyyəti üzrə Nazirliyin müvafiq struktur bölmələrinə göndərilir
• Xidmətin göstərilmə müddətinin bitməsinə ən azı bir iş günü qalmış müraciət edən şəxsin e-sosial.az portalındakı şəxsi kabinetinə qəbul edilən qərar barədə məlumat müvafiq struktur bölmə tərəfindən yerləşdirilir

"İnzibati icraat haqqında" Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər