Əlilliyi olan şəxslərin reabilitasiya vasitələri ilə təmin edilməsi
1. Xidmətin adı
Əlilliyi olan şəxslərin reabilitasiya vasitələri ilə təmin edilməsi
2. Xidmətin məzmunu
Əlilliyi olan şəxslərin reabilitasiya vasitələri (minik avtomobili istisna olmaqla) ilə təmin edilməsi
3. Xidmətin aid olduğu təsnifat
Əlillik
4. Xidməti həyata keçirən dövlət qurumunun adı
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Sosial Xidmətlər Agentliyi (Sosial Xidmətlər Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Tibbi-Sosial Ekspertiza və Reabilitasiya Agentliyi (Dövlət Tibbi-Sosial Ekspertiza və Reabilitasiya Agentliyi)
5. Xidmətin hüquqi əsası
“Əlilliyi olan şəxslərin hüquqları haqqında” Azərbaycan Respublikası Qanunu
Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”
“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı
Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Tibbi-Sosial Ekspertiza və Reabilitasiya Agentliyinin Nizamnaməsi”
Azərbaycan Respublikası Nazirlər Kabinetinin 2020-ci il 16 yanvar tarixli 11 nömrəli Qərarı ilə təsdiq edilmiş “Əlilliyin qiymətləndirilməsi Qaydası”
Azərbaycan Respublikası Nazirlər Kabinetinin 2020-ci il 18 dekabr tarixli 500 nömrəli Qərarı ilə təsdiq edilmiş “Əlilliyi olan şəxslərə dövlət büdcəsi hesabına verilən reabilitasiya vasitələrinin növlərinin siyahısı”
Azərbaycan Respublikası Nazirlər Kabinetinin 2020-ci il 18 dekabr tarixli 501 nömrəli Qərarı ilə təsdiq edilmiş “Əlilliyi olan şəxslərin reabilitasiya vasitələri ilə təmin edilməsi Şərtləri və Qaydası”
Azərbaycan Respublikası Nazirlər Kabinetinin 2020-ci il 30 dekabr tarixli 519 nömrəli Qərarı ilə təsdiq edilmiş “Fərdi Reabilitasiya Proqramının hazırlanması, təsdiq edilməsi və həyata keçirilməsi Qaydası”
6. Xidmətin həyata keçirilmə formaları
Xidmət yerinə şəxsən və ya nümayəndəsi gəlməklə
Səyyar formada
Ambulator formada
7. Xidmətin həyata keçirilməsi və nəticəsi proseduru barədə məlumatlandırma forması
Elektron qaydada
Birbaşa (yerində)
Poçt vasitəsilə
8. Xidmətin həyata keçirilməsinin nəticəsi
Əlilliyi olan şəxslər reabilitasiya vasitələri (minik avtomobili istisna olmaqla) ilə təmin edilir və ya təmin edilməsindən imtina edilir.
9. Xidmət istifadəçisi barədə məlumat
Azərbaycan Respublikası vətəndaşları
Azərbaycan Respublikasında daimi yaşayan əcnəbilər və vətəndaşlığı olmayan şəxslər
10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları
Müddət: Qanunvericiliklə müəyyən edilmiş müddətdə
Xidmət haqqı: Ödənişli və ya ödənişsiz
11. Xidmətin həyata keçirilməsi üçün müraciətlərin qəbulunun vaxtı və müddəti
İş günlərində iş saatları ərzində
12. Xidmətin göstərilmə yeri
DOST mərkəzləri və filiallarının inzibati binası
Əlilliyi olan şəxsin yaşadığı yer
Dövlət Tibbi-Sosial Ekspertiza və Reabilitasiya Agentliyinin tabeliyindəki Protez Ortopedik İstehsalat və Reabilitasiya Mərkəzinin inzibati binası
13. Xidmətin həyata keçirilməsinin dayandırılması və ya ondan imtina edilməsinin hüquqi əsasları
Sənədlərin natamamlığı
Hüquqi əsasın olmaması
14. Xidmətin həyata keçirilməsi üçün tələb olunan sənədlər və onların təqdimedilmə forması
şəxsiyyəti təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsinin surəti)
qanuni nümayəndəyə münasibətdə etibarnamə
Şəxsin əlilliyini müəyyən edən tibbi-sosial ekspertiza müayinəsinin nəticəsi barədə çıxarış (TSEK-nin qərarı)
TSEK tərəfindən əlilliyi olan şəxs üçün tərtib edilmiş Fərdi Reabilitasiya Proqramında reabilitasiya vasitəsinə dair tibbi göstəriş
Əlilliyi olan şəxsin səhhətinə dair müayinə və müalicə ilə bağlı tibbi sənədlər Xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız üzərində təqdim edilir
15. Xidmətin həyata keçirilməsi üçün inzibati prosedurlar
Əlilliyi olan şəxs və (və ya) onun qanuni nümayəndəsi reabilitasiya vasitəsi (minik avtomobili istisna olmaqla) ilə təmin edilməsi məqsədi ilə Dövlət Tibbi-Sosial Ekspertiza və Reabilitasiya Agentliyinin Protez Ortopedik İstehsalat və Reabilitasiya Mərkəzinə, DOST mərkəzləri və filiallarına müraciət edir
Müraciət qəbul edilərkən və yaxud reabilitasiya vasitələrinin (minik avtomobili istisna olmaqla) hazırlanması üçün müvafiq ölçülərin götürülməsi zamanı ölçülərin götürülməsi və ya hazır reabilitasiya vasitəsinin alınması tarixi barədə şəxsə və ya onun qanuni nümayəndəsinə məlumat verilir
Protez Ortopedik İstehsalat və Reabilitasiya Mərkəzi, DOST mərkəzləri və filialları tərəfindən əlilliyi olan şəxs və (və ya) onun qanuni nümayəndəsi reabilitasiya vasitəsi (minik avtomobili istisna olmaqla) ilə təmin edilir
16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar
"İnzibati icraat haqqında" Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikasının Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər
17. Xidmətin həyata keçirilməsində istifadə edilən informasiya sistemləri və ehtiyatları
Nazirliyin Mərkəzləşdirilmiş elektron informasiya sistemi
