Peşə kurslarının təşkil edilməsi, işaxtaran və işsiz şəxslərin peşə hazırlığına cəlb olunması üçün göndəriş verilməsi

1. Xidmətin adı

Peşə kurslarının təşkil edilməsi, işaxtaran və işsiz şəxslərin peşə hazırlığına cəlb olunması üçün göndəriş verilməsi

2. Xidmətin məzmunu

Bu xidmət əmək bazarının tələblərinə uyğun olaraq işaxtaran və işsiz şəxslərin peşə hazırlığına dair ehtiyaclarının müəyyən edilməsi və onların peşə hazırlığına cəlb edilməsi ilə bağlı münasibətləri əhatə edir. İşaxtaran və işsiz şəxslərin lazımi peşə və ya ixtisası olmadığına görə onun üçün münasib işi seçmək mümkün olmadıqda, əvvəlki peşəsi (ixtisas) üzrə işləmək qabiliyyətini itirdikdə onların ixtisasa və ya yeni ixtisasa yiyələnməsi üçün peşə hazırlığına cəlb edilməsi bu xidmətin əsas mahiyyətini təşkil edir.

3. Xidmətin aid olduğu təsnifat

Əmək və məşğulluq

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Məşğulluq Agentliyi (Agentlik)

5. Xidmətin hüquqi əsası

“Məşğulluq haqqında” Azərbaycan Respublikasının Qanunu

“Peşə təhsili haqqında” Azərbaycan Respublikasının Qanunu

“Təhsil haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Məşğulluq Agentliyinin Nizamnaməsi”

Azərbaycan Respublikası Nazirlər Kabinetinin 2019-cu il 29 may tarixli 251 nömrəli Qərarı ilə təsdiq edilmiş “Peşə hazırlığına cəlb olunan işsiz şəxsə verilən təqaüdün ödənilməsi Qaydası”

Azərbaycan Respublikası Nazirlər Kabinetinin 2019-cu il 7 iyun tarixli 261 nömrəli Qərarı ilə təsdiq edilmiş “İşaxtaran və işsiz şəxslərin peşə hazırlığının təşkili Qaydası”

6. Xidmətin həyata keçirilmə formaları

Xidmət yerinə şəxsən gəlməklə
Özünəxidmət (Elektron sistemlər vasitəsilə)

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Çağrı mərkəzi vasitəsilə
SMS vasitəsilə
Yerində (şifahi və ya yazılı)

8. Xidmətin həyata keçirilməsinin nəticəsi

Məşğulluq imkanlarının genişləndirilməsi məqsədilə işaxtaran və işsiz şəxslər peşə hazırlığına cəlb edilir və ya bundan imtina edilir.

9. Xidmət istifadəçisi barədə məlumat

Fiziki şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət: 20 dəqiqə

Xidmət haqqı: Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Məşğulluq Agentliyinin yerli qurumları

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Şəxsiyyət vəsiqəsinin surəti

Əcnəbinin və ya vətəndaşlığı olmayan şəxsin daimi və müvəqqəti yaşamaq üçün icazə vəsiqəsi - Kağız daşıyıcıda (Əsli və ya notariat qaydada təsdiq edilmiş surəti)

15. Xidmətin həyata keçirilməsi üçün inzibati prosedurlar

Agentliyinin yerli qurumlarına və ya "DOST" mərkəzinə müraciət edən şəxs götürdüyü sıra nömrəsinə uyğun olaraq müvafiq masaya yaxınlaşır.

Məşğulluq imkanlarının qiymətləndirilməsi nəticəsində iş axtarışı və münasib məşğulluq tədbirlərinə cəlb edilməsi məqsədilə avtomatlaşdırılmış qaydada tərtib edilmiş fərdi məşğulluq proqramında qeyd edilmiş ardıcıllıq və müddətlər nəzərə alınmaqla, şəxsə peşə hazırlığı kurslarının təşkili ilə bağlı ətraflı məlumat verilir.

Şəxsin lazımi peşə və ya ixtisası olmadığına görə onun üçün münasib iş seçmək mümkün olmadıqda və ya əvvəlki peşəsi (ixtisası) üzrə işləmək qabiliyyətini itirdikdə onun peşə hazırlığına cəlb olunması barədə qərar qəbul edilir.

Şəxsə Agentliyi tərəfindən seçilmiş təhsil müəssisələrində peşə hazırlığına cəlb olunmasına dair göndəriş verilir.

Peşə hazırlığına cəlb olunmuş işsiz şəxslərə təhsil aldıqları dövrdə minimum aylıq əməkhaqqının 50 faizi məbləğində təqaüd ödənilir.

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

"İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Qismən elektronlaşdırılıb

19. Elektron xidmətin avtomatlaşdırılma səviyyəsi

Qismən avtomatlaşdırılıb