Bu xidmət sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin kvota yerləri üzrə işlə təmin edilməsi ilə bağlı münasibətləri əhatə edir. İş yerlərinə göndəriş verməklə sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunun təmin edilməsi bu xidmətin əsas mahiyyətini təşkil edir.
Kvota şamil edilməyən müəssisələr istisna olmaqla, mülkiyyətindən və təşkilati-hüquqi formasından asılı olmayaraq, bütün idarə, müəssisə və təşkilatlarda sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğu təmin edilir.
|
Müddət |
20 dəqiqə |
|
Xidmət haqqı |
Ödənişsiz |
Şəxsiyyət vəsiqəsinin surəti
Əcnəbinin və ya vətəndaşlığı olmayan şəxsin daimi yaşamaq üçün icazə vəsiqəsi - Kağız daşıyıcıda (Əsli və ya notariat qaydada təsdiq edilmiş surəti)
Agentliyinin yerli qurumlarına və ya "DOST" mərkəzinə müraciət edən şəxs məşğulluq istiqaməti üzrə növbə götürür və götürdüyü sıra nömrəsinə uyğun olaraq müvafiq masaya yaxınlaşır.
Nazirliyin Mərkəzləşdirilmiş elektron informasiya sisteminin (MEİS) ”Əmək və Məşğulluq” altsistemində yerləşdirilmiş kvota müəyyən edilmiş müəssisələrdəki vakant vəzifələr, həmin vəzifə üzrə əməkhaqqı, iş şəraiti və sair məlumatlar şəxsin şəxsi kabinetində yerləşdirilir.
Şəxs ona təklif olunan işə razılığını bildirdikdən sonra gücləndirilmiş elektron imza ilə təsdiq edilmiş kvota üzrə iş yerinə göndəriş verilir və şəxsin şəxsi kabinetində yerləşdirilir.
Göndərişin təqdim edildiyi gündən ən geci 5 (beş) iş günü müddətində İşəgötürən tərəfindən boş iş yerinin tutulub-tutulmaması ilə bağlı qərar qəbul edilərək MEİS-in “Əmək və Məşğulluq” altsistemin daxil etməlidir.
Şəxs onlayn müraciət etməklə, MEİS-in Əmək və Məşğulluq” altsisteminin Vakansiya Bankında kvota tətbiq olunan müəssisələr üzrə boş iş yerləri barədə məlumatları əldə edə və kvota ilə müəyyən olunmuş müvafiq iş yerinə göndəriş formalaşdırmaqla müraciət edə bilər.
Şəxsin işə düzəlmək üçün birbaşa müəssisələrə müraciət etdiyi halda işəgötürənlər Mərkəzə ən geci 5 gün müddətində məlumat vermək şərtilə, müəyyən olunmuş kvota hesabına onları işə qəbul edə bilərlər
"İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.
© 2024 DOST - Dayanıqlı və Operativ Sosial Təminat Agentliyi
