Əmək birjası vasitəsilə məşğulluq xidmətlərinin göstərilməsi

1. Xidmətin adı

Əmək birjası vasitəsilə məşğulluq xidmətlərinin göstərilməsi

2. Xidmətin məzmunu

Bu xidmət hüquqi və fiziki şəxslərin (sifarişçinin) müraciəti əsasında işsiz və işaxtaran şəxsləri müvəqqəti, qısamüddətli, mövsümi işlərə cəlb etməklə onların məşğulluğunu təmin edir.

3. Xidmətin aid olduğu təsnifat

Əmək və məşğulluq

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Məşğulluq Agentliyi (Agentlik)

5. Xidmətin hüquqi əsası

Azərbaycan Respublikasının Əmək Məcəlləsi

“Məşğulluq haqqında” Azərbaycan Respublikasının Qanunu

“İşsizlikdən sığorta haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Məşğulluq Agentliyinin Nizamnaməsi”

Azərbaycan Respublikası Nazirlər Kabinetinin 2019-cu il 16 sentyabr tarixli 412 nömrəli Qərarı ilə təsdiq edilmiş “Əmək birjalarının və əmək yarmarkalarının təşkili və fəaliyyəti Qaydası”

6. Xidmətin həyata keçirilmə formaları

Özünəxidmət (Elektron sistemlər vasitəsilə)
Elektron qaydada
Xidmət yerinə telefon vasitəsilə və ya birbaşa müraciət etməklə

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Çağrı mərkəzi vasitəsilə
SMS vasitəsilə
Yerində (şifahi və ya yazılı)

8. Xidmətin həyata keçirilməsinin nəticəsi

Bu xidmət nəticəsində Sifarişçinin müraciəti əsasında işaxtaran və işsiz şəxslər müvəqqəti, qısamüddətli, mövsümi işlərə cəlb edilirlər.

9. Xidmət istifadəçisi barədə məlumat

Hüquqi şəxslər
Fiziki şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət

20 dəqiqə

Xidmət haqqı

Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Məşğulluq Agentliyinin yerli qurumları
Elektron sistemlər

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Qanunlarla müəyyən edilmiş hallarda

14. Xidmətin həyata keçirilməsi üçün tələb olunan sənədlər və onların təqdimedilmə forması

Sənəd tələb edilmir

15. Xidmətin həyata keçirilməsi üçün inzibati prosedurlar

Xidmət yerinə yaxınlaşaraq xidmətdən yararlanmaq istəyən işaxtaran və ya işsiz şəxs (bundan sonra – şəxs) götürdüyü növbəyə uyğun olaraq müvafiq xidmət masasına yaxınlaşır

Şəxsin məşğulluq imkanlarının qiymətləndirilməsi nəticəsində, onun iş axtarışı və ona münasib məşğulluq tədbirlərinə cəlb edilməsi məqsədilə avtomatlaşdırılmış qaydada tərtib edilmiş fərdi məşğulluq proqramında qeyd edilmiş ardıcıllıq və müddətlər nəzərə alınmaqla, şəxsəxidmət barədə məlumat verilir, “Müraciət- ərizə”nin doldurulmasına köməklik göstərilir və ya bunun üçün həmin şəxs “Elektron hökumət” və ya “e-sosial” portallarının mövcud autentifikasiya vasitələrindən istifadə etməklə Nazirliyin Mərkəzləşdirilmiş elektron informasiya sistemində (MEİS) “Müraciət-Ərizə”ni dolduraraq təsdiq edir

Birja tərəfindən sifarişlərin qəbulu Sifarişçi tərəfindən MEİS-də Azərbaycan Respublikası Nazirlər Kabinetinin 2019-cu il 16 sentyabr tarixli 412 nömrəli Qərarı ilə təsdiq edilmiş “Əmək birjalarının və əmək yarmarkalarının təşkili və fəaliyyəti Qaydası”nın 2 nömrəli əlavəsinə uyğun doldurularaq təsdiq edilmiş “Müraciət-Ərizə” əsasında, telefon vasitəsilə və ya birbaşa Agentliyin müvafiq yerli qurumlarına və ya “DOST” mərkəzlərinə müraciət etməklə qəbul olunur

Telefon vasitəsilə daxil olan hər bir sifariş və onu yerinə yetirən şəxs barədə məlumatlar Agentliyin müvafiq yerli qurumları və ya “DOST” mərkəzləri tərəfindən MEİS-ə daxil edilir

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

"İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
“Elektron hökumət” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Elektronlaşdırılıb

19. Elektron xidmətin avtomatlaşdırılma səviyyəsi

Avtomatlaşdırılmayıb