Bu xidmət əmək yarmarkalarının təşkili və faliyyəti ilə bağlı münasibətləri əhatə edir.
İşsiz və işaxtaran şəxslərin aktiv əmək bazarı proqramları, müvafiq inzibati ərazi vahidi üzrə mövcud olan vakant iş yerləri barədə məlumatlandırılması, iş axtarışı üsulu, əmək bazarında özünü təqdimetmə, peşə istiqamətinin seçilməsi ilə bağlı məsləhətlərin verilməsi, işəgötürənlərə yarmarka iştirakçıları arasından qısa müddət ərzində zəruri peşəyə, ixtisasa və təcrübəyə malik olan kadrları seçmək, həmçinin işaxtaranlarla birbaşa müsahibələr keçirmək imkanının yaradılması xidmətin əsas mahiyyətini təşkil edir.
- Əmək və məşğulluq
- Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
- Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Məşğulluq Agentliyi (Agentlik)
- “Məşğulluq haqqında” Azərbaycan Respublikasının Qanunu
- Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”
- “Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Məşğulluq Agentliyinin Nizamnaməsi”
- Azərbaycan Respublikası Nazirlər Kabinetinin 2019-cu il 16 sentyabr tarixli 412 nömrəli Qərarı ilə təsdiq edilmiş “Əmək birjalarının və əmək yarmarkalarının təşkili və fəaliyyəti Qaydası”
- Xidmət yerinə şəxsən gəlməklə
- Özünəxidmət (Elektron sistemlər vasitəsilə)
- Elektron qaydada
- Çağrı mərkəzi vasitəsilə
- SMS vasitəsilə
- Yerində (şifahi və ya yazılı)
Əmək yarmarkalarında işsiz və işaxtaran şəxslərə işəgötürənlərlə bilavasitə təmas yaratmaqla karyera imkanları, əmək bazarı və peşələr haqqında məlumatlar verilir, həmin şəxslər peşə seçiminə istiqamətləndirilir, peşə hazırlığına cəlb edilir, haqqı ödənilən ictimai işlərə cəlb edilir, iş yerlərinə göndəriş verilir.
- Fiziki şəxslər
|
Müddət |
3 ayda bir dəfədən az olmayaraq |
|
Xidmət haqqı |
Ödənişsiz |
- Elektron qaydada 7/24
- Digər hallarda iş günlərində iş saatları ərzində
- DOST mərkəzləri və filiallarının inzibati binası
- Dövlət Məşğulluq Agentliyinin yerli qurumları
- Qanunlarla müəyyən edilmiş hallarda
Sənəd tələb edilmir
- Yarmarkanın təşkil edilməsi üçün Agentliyin yerli qurumları və “DOST” mərkəzləri tərəfindən mövcud olan vakansiyalar əsasında işəgötürənlərin işçi qüvvəsinə real tələbatı öyrənilir.
- Yarmarkalarda iştirak etmək üçün müraciət edən işaxtaran və işsiz şəxslərə yarmarkanın yeri, tarixi və vaxtı, yarmarkaya təqdim olunacaq vakansiyaların sayı, peşə və ixtisaslar barədə məlumat verilir.
- Eyni zamanda qeyd olunan məlumatlar Nazirliyin və Dövlət Məşğulluq Agentliyinin rəsmi internet səhifələrində dərc edilir və Nazirliyin Mərkəzləşdirilmiş elektron informasiya sistemində işaxtaran və işsiz kimi qeydiyyatda olan şəxslərin elektron kabinetində yerləşdirilir.
"İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.
- “e-sosial” portalı
- Nazirliyin Mərkəzləşdirilmiş elektron informasiya sistemi
- Qismən elektronlaşdırılıb
- Avtomatlaşdırılmayıb
© 2024 DOST - Dayanıqlı və Operativ Sosial Təminat Agentliyi
