Şəxslərin haqqı ödənilən ictimai işlərə cəlb olunması

1. Xidmətin adı

Şəxslərin haqqı ödənilən ictimai işlərə cəlb olunması

2. Xidmətin məzmunu

Bu xidmət qanunvericilikdə nəzərdə tutulmuş hallarda işaxtaran və işsiz şəxslərin müvəqqəti məşğulluğunu təmin etmək məqsədi ilə onların mülkiyyət növündən və təşkilati-hüquqi formasından asılı olmayaraq müəssisələrdə müqavilələr üzrə ödənişli ictimai işlərə cəlb olunmasını əhatə edir.

3. Xidmətin aid olduğu təsnifat

Əmək və məşğulluq

4. Xidməti həyata keçirən dövlət qurumunun adı

Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Məşğulluq Agentliyi (Agentlik)

5. Xidmətin hüquqi əsası

“Məşğulluq haqqında” Azərbaycan Respublikasının Qanunu

“İşsizlikdən sığorta haqqında” Azərbaycan Respublikasının Qanunu

Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”

“Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı

Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Məşğulluq Agentliyinin Nizamnaməsi”

Azərbaycan Respublikası Nazirlər Kabinetinin 2002-ci il 24 may tarixli 84 nömrəli Qərarı ilə təsdiq edilmiş “Haqqı ödənilən ictimai işlərin təşkili Qaydaları”

6. Xidmətin həyata keçirilmə formaları

Xidmət yerinə şəxsən gəlməklə
Özünəxidmət (Elektron sistemlər vasitəsilə)

7. Xidmətin həyata keçirilməsi və nəticəsi proseduru barədə məlumatlandırma forması

Elektron qaydada
Çağrı mərkəzi vasitəsilə
SMS vasitəsilə
Yerində (şifahi və ya yazılı)

8. Xidmətin həyata keçirilməsinin nəticəsi

İşaxtaran və işsiz şəxslərin haqqı ödənilən ictimai işlərə cəlb edilməsi və ya haqqı ödənilən ictimai işlərə cəlb edilməsindən imtina edilməsi

9. Xidmət istifadəçisi barədə məlumat

Fiziki şəxslər

10. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

Müddət

20 dəqiqə

Xidmət haqqı

Ödənişsiz

11. Xidmətin həyata keçirilməsi üçün müraciətlərin qəbulunun vaxtı və müddəti

Elektron qaydada 7/24
Digər hallarda iş günlərində iş saatları ərzində

12. Xidmətin göstərilmə yeri

DOST mərkəzləri və filiallarının inzibati binası
Dövlət Məşğulluq Agentliyinin yerli qurumları

13. Xidmətin həyata keçirilməsinin dayandırılması və ya ondan imtina edilməsinin hüquqi əsasları

Sənədlərin natamamlığı
Hüquqi əsasın olmaması

14. Xidmətin həyata keçirilməsi üçün tələb olunan sənədlər və onların təqdimedilmə forması

Şəxsiyyət vəsiqəsinin surəti

Əcnəbinin və ya vətəndaşlığı olmayan şəxsin daimi yaşamaq üçün icazə vəsiqəsi - Kağız daşıyıcıda (Əsli və ya notariat qaydada təsdiq edilmiş surəti)

15. Xidmətin həyata keçirilməsi üçün inzibati prosedurlar

Agentliyin yerli qurumuna və ya “DOST” mərkəzinə müraciət edən şəxs xidmət almaq üçün növbə götürür və növbəsinə uyğun olaraq qeydiyyat üzrə müvafiq masaya yaxınlaşır.

Məşğulluq imkanlarının qiymətləndirilməsi nəticəsində iş axtarışı və münasib məşğulluq tədbirlərinə cəlb edilməsi məqsədilə avtomatlaşdırılmış qaydada tərtib edilmiş fərdi məşğulluq proqramında qeyd edilmiş ardıcıllıq və müddətlər nəzərə alınmaqla, şəxsə haqqı ödənilən ictimai işlərə cəlb edilmə ilə bağlı ətraflı məlumat verilir.

Agentliyin və ya “DOST” mərkəzinin əməkdaşı haqqı ödənilən ictimai işlərin mövcud olduğu müəssisələr barədə Nazirliyin Mərkəzləşdirilmiş elektron informasiya sisteminin "Əmək və Məşğulluq" altsisteminin Vakansiya Bankı bölməsində yerləşdirilmiş məlumatı şəxsin şəxsi kabinetində yerləşdirir.

Şəxs ona təklif olunan ictimai işə razılığını bildirdikdən sonra Mərkəzin əməkdaşı tərəfindən gücləndirilmiş elektron imza ilə təsdiq edilmiş haqqı ödənilən ictimai işə göndəriş elektron qaydada işəgötürənə göndərilir və bu barədə məlumat işaxtaran və işsiz şəxsin şəxsi kabinetində yerləşdirilir.

Şəxslər onlayn müraciət etməklə, Vakansiya Bankında olan haqqı ödənilən ictimai işlər üzrə boş iş yerləri barədə məlumatları əldə edə və həmin vakansiyalara göndəriş formalaşdırmaqla müraciət edə bilərlər.

16. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

"İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

17. Xidmətin həyata keçirilməsində istifadə edilən informasiya sistemləri və ehtiyatları

“e-sosial” portalı
Nazirliyin Mərkəzləşdirilmiş elektron informasiya sistemi

18. Xidmətin elektronlaşma səviyyəsi

Qismən elektronlaşdırılıb

19. Elektron xidmətin avtomatlaşdırılma səviyyəsi

Qismən avtomatlaşdırılıb