Asan Aç

İşsiz şəxslərə münasib işə dair göndərişin verilməsi və vakant iş yerinin tutulub-tutulmamasına dair işəgötürənin qərarının qəbul edilməsi

1. Xidmətin adı
İşsiz şəxslərə münasib işə dair göndərişin verilməsi və vakant iş yerinin tutulub-tutulmamasına dair işəgötürənin qərarının qəbul edilməsi
2. Xidmətin məzmunu

Bu xidmət işaxtaran və işsiz şəxslərin işlə təmin edilməsi üçün iş yerlərinə göndərişlərin verilməsi və nəticəsinə dair işəgötürənin qərarının qəbul edilməsi ilə bağlı münasibətləri əhatə edir.

3. Xidmətin aid olduğu təsnifat
  • Əmək və məşğulluq
4. Xidməti həyata keçirən dövlət qurumunun adı
  • Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
  • Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dövlət Məşğulluq Agentliyi (Agentlik)
5. Xidmətin icrasında iştirak edən dövlət qurumunun adı
    6. Xidmətin hüquqi əsası
    • Azərbaycan Respublikasının Əmək Məcəlləsi
    • “Məşğulluq haqqında” Azərbaycan Respublikasının Qanunu
    • “İşsizlikdən sığorta haqqında” Azərbaycan Respublikasının Qanunu
    • Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”
    • Azərbaycan Respublikası Prezidentinin 2014-cü il 8 iyul tarixli 206 nömrəli Fərmanı  ilə təsdiq edilmiş “Dövlət orqanlarında əmək münasibətləri əmək müqaviləsi kağız üzərində yazılı formada bağlandıqda yaranan vəzifələrin (peşələrin) Siyahısı”
    • “Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli  387 nömrəli Fərmanı
    • Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Məşğulluq Agentliyinin Nizamnaməsi”
    • Azərbaycan Respublikası Nazirlər Kabinetinin 2019-cu il 25 iyul tarixli 327 nömrəli Qərarı ilə təsdiq edilmiş “İşaxtaran və işsiz şəxslərin qeydiyyata alınması Qaydası”
    7. Xidmətin həyata keçirilmə formaları
    • Xidmət yerinə şəxsən gəlməklə
    • Özünəxidmət (Elektron sistemlər vasitəsilə)
    8. Xidmətin həyata keçirilməsi və nəticəsi proseduru barədə məlumatlandırma forması
    • Elektron qaydada
    • Çağrı mərkəzi vasitəsilə
    • SMS vasitəsilə
    • Yerində (şifahi və ya yazılı)
    9. Xidmətin həyata keçirilməsinin nəticəsi

    İşaxtaran və işsiz şəxslərin işlə təmin edilməsi üçün iş yerlərinə münasib işə dair göndərişin verilməsi, işəgötürənin işaxtaran və ya işsiz şəxsin vakansiya üzrə işə qəbulu və ya işə qəbuldan imtina edilməsi barədə qərarının qəbul edilməsi

    10. Xidmət istifadəçisi barədə məlumat
    • Fiziki şəxslər
    11. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları

    Müddət

    20 dəqiqə

    Xidmət haqqı

    Ödənişsiz

    12. Xidmətin həyata keçirilməsi üçün müraciətlərin qəbulunun vaxtı və müddəti
    • Elektron qaydada 7/24
    • Digər hallarda iş günlərində iş saatları ərzində
    13. Xidmətin göstərilmə yeri
    • DOST mərkəzləri və filiallarının inzibati binası
    • Dövlət Məşğulluq Agentliyinin yerli qurumları
    14. Xidmətin həyata keçirilməsinin dayandırılması və ya ondan imtina edilməsinin hüquqi əsasları
    • Sənədlərin natamamlığı
    • Hüquqi əsasın olmaması
    15. Xidmətin həyata keçirilməsi üçün tələb olunan sənədlər və onların təqdimedilmə forması
    • Şəxsiyyət vəsiqəsinin  surəti
    • Əcnəbinin və ya vətəndaşlığı olmayan şəxsin daimi və ya müvəqqəti yaşamaq üçün icazə vəsiqəsi - Kağız daşıyıcıda (Əsli və ya notariat qaydada təsdiq edilmiş surəti)
    16. Xidmətin həyata keçirilməsi üçün inzibati prosedurlar
    • Agentliyinin yerli qurumlarına və ya "DOST" mərkəzinə müraciət edən şəxs götürdüyü sıra nömrəsinə uyğun olaraq  müvafiq masaya yaxınlaşır və ona iş yerlərinə göndərişin verilməsi barədə ətraflı məlumat verilir.
    • İşaxtaran və ya işsiz şəxs ona təklif olunan işə razılığını bildirdikdən sonra Agentliyinin yerli qurumlarının və ya "DOST" mərkəzinin əməkdaşı tərəfindən gücləndirilmiş elektron imza ilə təsdiq edilmiş münasib işə göndəriş və işaxtaranın fərdi məşğulluq vərəqindən çıxarış elektron qaydada işəgötürənə göndərilir və işaxtaran və ya işsiz şəxsin şəxsi kabinetində yerləşdirilir.
    • Göndəriş təqdim edildiyi gündən ən geci 5 (beş) iş günü müddətində işəgötürən boş iş yerinin tutulub-tutulmaması ilə bağlı qərarını qəbul edərək Nazirliyin Mərkəzləşdirilmiş elektron informasiya sisteminə (bundan sonra – MEİS) daxil etməlidir.
    • İşəgötürən Mərkəzin təqdim etdiyi göndərişə əsasən işaxtaran və ya işsiz şəxsin vakansiya üzrə işə qəbulundan imtina etməsi və ya vakansiyaya uyğun işlə təmin etməsi ilə bağlı qərarı barədə göndərişdə müvafiq qeydlər aparır və bu barədə məlumatı MEİS-ə daxil edərək, gücləndirilmiş elektron imzası ilə təsdiqləyir. Həmin qərar işaxtaran və ya işsiz şəxsin şəxsi kabinetində yerləşdirilir.
    • İşaxtaran və ya işsiz şəxslər onlayn qaydada, MEİS-in “Vakansiya Bankı”nda olan boş iş yerləri barədə məlumatları əldə edə və münasib işə göndəriş formalaşdırmaqla müraciət edə bilərlər.
    17. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

    "İnzibati icraat haqqında" Azərbaycan Respublikası Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikası Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

    18. Xidmətin həyata keçirilməsində istifadə edilən informasiya sistemləri və ehtiyatları
    • “e-sosial” portalı
    • “Elektron hökumət” portalı
    • Nazirliyin Mərkəzləşdirilmiş elektron informasiya sistemi
    19. Xidmətin elektronlaşma səviyyəsi
    • Elektronlaşdırılıb
    20. Elektron xidmətin avtomatlaşdırılma səviyyəsi
    • Avtomatlaşdırılmayıb

    © 2024 DOST - Dayanıqlı və Operativ Sosial Təminat Agentliyi