Asan Aç

İmtiyazlı şəxslərin sanatoriya-kurort putyovkaları (yollayışları) ilə təmin edilməsi

1. Xidmətin adı
İmtiyazlı şəxslərin sanatoriya-kurort putyovkaları (yollayışları) ilə təmin edilməsi
2. Xidmətin məzmunu

İkinci Dünya müharibəsi iştirakçılarının, şəhid ailələrinin, Çernobıl AES-də qəzanın nəticələrinin köçürmə zonasında ləğv edilməsinin iştirakçılarının, eləcə də köçürülmə günü ana bətnində olan uşaqlar da daxil edilməklə, uzaqlaşdırma və köçürmə zonalarından köçürülmüş uşaqların və ya 18 yaşınadək yeniyetmələrin, habelə 1986-cı il aprelin 26-dan sonra doğulmuş və Çernobıl AES-də qəzanın nəticələrinin ləğv edilməsinin iştirakçısı olmuş, yaxud Çernobıl qəzası nəticəsində zərər çəkmiş və birbaşa radioaktiv şüalanmaya məruz qalmaq ehtimalı olmuş valideynlərin birindən olan uşaqların, valideynlərini itirmiş və valideyn himayəsindən məhrum olmuş uşaqların, fövqəladə hallarda insanların xilas edilməsində və tibbi yardım göstərilməsində iştirak edərkən ziyan çəkmiş vətəndaşların, əlilliyi olan şəxslərin ölkə hüdudları daxilində sanatoriya-kurort müalicəsi ilə təmin edilməsi, hərbi qulluqçuların və onların ailə üzvlərinin (müddətli həqiqi hərbi xidmət hərbi qulluqçularının ailələrindən başqa) sanatoriyalarda və istirahət evlərində sanatoriya-kurort müalicəsi, pansionatlarda və turist bazalarında istirahət üçün putyovkalarla (yollayışlarla) təmin olunması

3. Xidmətin aid olduğu təsnifat
  • Sosial xidmət
4. Xidməti həyata keçirən dövlət qurumunun adı
  • Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Dayanıqlı və Operativ Sosial Təminat Agentliyi (DOST Agentliyi)
  • Azərbaycan Respublikasının Əmək və Əhalinin Sosial Müdafiəsi Nazirliyinin (Nazirlik) tabeliyində Sosial Xidmətlər Agentliyi (Sosial Xidmətlər Agentliyi)
5. Xidmətin icrasında iştirak edən dövlət qurumunun adı
    6. Xidmətin hüquqi əsası
    • “Əlilliyi olan şəxslərin hüquqları haqqında” Azərbaycan Respublikasının Qanunu
    • Azərbaycan Respublikası Prezidentinin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”
    • “Dayanıqlı və Operativ Sosial Təminat Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı
    • Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Sosial Xidmətlər Agentliyinin Nizamnaməsi”
    • Azərbaycan Respublikası Nazirlər Kabinetinin 2002-ci il 12 avqust tarixli 128 nömrəli Qərarı ilə təsdiq edilmiş “İkinci Dünya müharibəsi iştirakçılarının, şəhid ailələrinin, Çernobıl AES-də qəzanın nəticələrinin köçürmə zonasında ləğv edilməsinin iştirakçılarının, eləcə də köçürülmə günü ana bətnində olan uşaqlar da daxil edilməklə, uzaqlaşdırma və köçürmə zonalarından köçürülmüş uşaqların və ya 18 yaşınadək yeniyetmələrin, habelə 1986-cı il aprelin 26-dan sonra doğulmuş və Çernobıl AES-də qəzanın nəticələrinin ləğv edilməsinin iştirakçısı olmuş, yaxud Çernobıl qəzası nəticəsində zərər çəkmiş və birbaşa radioaktiv şüalanmaya məruz qalmaq ehtimalı olmuş valideynlərin birindən olan uşaqların, valideynlərini itirmiş və valideyn himayəsindən məhrum olmuş uşaqların, fövqəladə hallarda insanların xilas edilməsində və tibbi yardım göstərilməsində iştirak edərkən ziyan çəkmiş vətəndaşların sanatoriya-kurort müalicəsi ilə təmin edilməsi” Qaydası
    • Azərbaycan Respublikası Nazirlər Kabinetinin 2021-ci il 23 dekabr tarixli 406 nömrəli Qərarı ilə təsdiq edilmiş “Əlilliyi olan şəxslərin dərman preparatları, tibbi xidmət və ölkə hüdudları daxilində sanatoriya-kurort müalicəsi ilə təmin olunması” Qaydası
    7. Xidmətin həyata keçirilmə formaları
    • Xidmət yerinə şəxsən və ya nümayəndəsi gəlməklə
    8. Xidmətin həyata keçirilməsi və nəticəsi proseduru barədə məlumatlandırma forması
    • Elektron qaydada
    • Birbaşa (yerində)
    • Poçt vasitəsilə
    • Çağrı mərkəzi vasitəsilə
    9. Xidmətin həyata keçirilməsinin nəticəsi

    Sanatoriya-kurort putyovkaları (yollayışları) ilə təmin edilir və ya təmin edilməsindən imtina edilir.

    10. Xidmət istifadəçisi barədə məlumat
    • Azərbaycan Respublikası vətəndaşları
    • Azərbaycan Respublikasında daimi yaşayan əcnəbilər və vətəndaşlığı olmayan şəxslər
    11. Xidmətin həyata keçirilməsi müddəti, xidmət haqqı, xidmət ödənişli olduqda ödənilmə üsulları
    • Müddət: Qanunvericilikdə müəyyən edilmiş müddətdə
    • Xidmət haqqı: Ödənişsiz
    12. Xidmətin həyata keçirilməsi üçün müraciətlərin qəbulunun vaxtı və müddəti
    • İş günlərində iş saatları ərzində
    13. Xidmətin göstərilmə yeri
    • DOST mərkəzləri və filiallarının inzibati binası
    • Sosial Xidmətlər Agentliyinin yerli qurumlarının inzibati binası
    14. Xidmətin həyata keçirilməsinin dayandırılması və ya ondan imtina edilməsinin hüquqi əsasları
    • Sənədlərin natamamlığı
    • Hüquqi əsasın olmaması
    15. Xidmətin həyata keçirilməsi üçün tələb olunan sənədlər və onların təqdimedilmə forması
    • şəxsiyyəti təsdiq edən sənədin surəti (əcnəbilərə və vətəndaşlığı olmayan şəxslərə münasibətdə Azərbaycan Respublikasının ərazisində daimi yaşayış hüququ verən icazə vəsiqəsi)
    • əlilliyi olan şəxslərə münasibətdə sanatoriya-kurort putyovkasının (yollayışının) verilməsi barədə Fərdi Reabilitasiya Proqramında göstəriş, digər imtiyazlı şəxslərə münasibətdə sanatoriya-kurort kartası
    • imtiyazı təsdiq edən sənəd
    • xidmətin həyata keçirilməsi üçün tələb edilən sənədləri elektron qaydada əldə etmək mümkün olmadıqda kağız daşıyıcıda təqdim edilir
    16. Xidmətin həyata keçirilməsi üçün inzibati prosedurlar
    • İmtiyazlı şəxslər və ya onların nümayəndələri Sosial Xidmətlər Agentliyinin yerli qurumlarına, DOST mərkəzlərinə və ya filiallarına müraciət edirlər
    • Müraciət etmiş şəxs sosial işçi tərəfindən qəbul edilir və müraciəti dinlənilir
    • Rəsmiləşdirilmiş müraciət əsasında şəxsin adı növbəlilik siyahısına daxil edilir
    • Şəxsin növbəsi çatdıqda sanator-kurort kartasında göstərilmiş sanatoriyaya putyovka ilə təmin edilərək göndərilir
    17. Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar

    "İnzibati icraat haqqında" Azərbaycan Respublikasının Qanununun 71-72-ci maddələrinə əsasən xidmət istifadəçiləri xidmətin göstərilməsindən edilən imtinadan 30 gün müddətində yuxarı səlahiyyətli orqana inzibati qaydada şikayət verə bilər. İnzibati şikayətin forması "İnzibati icraat haqqında" Azərbaycan Respublikası Qanununun 74-cü maddəsinə uyğun olmalıdır. Şikayətə daxil olduğu gündən "İnzibati icraat haqqında" Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər

    18. Xidmətin həyata keçirilməsində istifadə edilən informasiya sistemləri və ehtiyatları
    • “e-sosial” portalı
    • “Elektron hökumət” portalı
    • Nazirliyin Mərkəzləşdirilmiş elektron informasiya sistemi
    19. Xidmətin elektronlaşma səviyyəsi
    • Elektronlaşdırılmayıb
    20. Elektron xidmətin avtomatlaşdırılma səviyyəsi
    • Avtomatlaşdırılmayıb

    © 2024 DOST - Dayanıqlı və Operativ Sosial Təminat Agentliyi