Funksional yardımçı xidmətlər

Hansı funksional yardımçı xidmətlər mövcuddur?

• Bank xidmətləri
• Xüsusi terminallar vasitəsilə göstərilən xidmətlər
• “ƏN TEZ” xidmət

Bank xidmətləri

Mərkəzlərdə bankların təklif etdiyi bütün növ xidmətlər haqqında ətraflı məlumat əldə etmək mümkündür. Əlavə olaraq, aşağıdakı xidmətlər göstərilir:

• Bank kartlarının sifarişlərinin verilməsi
• Bütün növ sosial ödəniş (pensiya, müavinət, təqaüd) bank kartlarının vətəndaşlara verilməsi
• Dövlət rüsumlarının və xidmət haqlarının qəbul edilməsi
• İnzibati xətalara dair cərimələrin qəbul edilməsi

Xüsusi terminallar vasitəsilə göstərilən xidmətlər

Bütün “DOST” mərkəzlərində xüsusi terminallar quraşdırılmışdır və bu terminallar vasitəsilə aşağıda qeyd olunan xidmətlərdən istifadə etmək mümkündür:

• mobil rabitə və internet xidmətlərinin ödənişi;
• kommunal xidmətlərin ödənişi;
• kredit və sığorta ödənişlərinin həyata keçirilməsi.

"ƏN TEZ" xidmət 

Ədliyyə Nazirliyinə Təcili Elektron Zəng (“ƏN TEZ”) xidməti hazırda DOST Agentliyinin 1 və 3 saylı Bakı DOST Mərkəzində istifadəyə verilmişdir.

Bu xidmət vasitəsilə vətəndaşlar notariat, vətəndaşlıq vəziyyəti aktlarının dövlət qeydiyyatı, ailə məsələləri üzrə məhkəməyə müraciət, habelə tələbkar qismində bəzi məhkəmə qərarlarının icrası xidmətlərindən bəhrələnə bilirlər. Smart konsepsiya əsasında fəaliyyət göstərən “ƏN TEZ” xidmət sistemi biometrik eyniləşdirmə imkanına malik olduğundan müraciət edən şəxsin hər hansı bir portalda qeydiyyatı və ya elektron imza sahibi olması tələb edilmir.